完整藏文原文 · 德格版页 当前仅加载第 33 函德格 160b 版页；藏文 NFD、目录标记与异常页序保留在来源切片中，重复版页行以稳定序号区分。
འགྱུར་ཏེ། འདི་ལྟ་སྟེ། ཐམས་ཅད་མཁྱེན་པའི་དོན་ཆེན་པོའི་རིན་པོ་ཆེའི་འབྱུང་གནས་ལས་ཡོངས་སུ་ཉམས་པར་འགྱུར་བར་རིག་པར་བྱའོ། །རབ་འབྱོར་ཡང་བྱང་ཆུབ་སེམས་དཔའི་བར་མ་དོར་ཆུད་ཟ་བ་གང་ཞེ་ན། འདི་ལྟ་སྟེ་ཉན་ཐོས་ཀྱི་སའམ་རང་སངས་རྒྱས་
D12.033.0160b01.01ཀྱི་སའོ། །རབ་འབྱོར་འདི་ལྟ་སྟེ་དཔེར་ན་དེད་དཔོན་མཁས་པའི་རང་བཞིན་ཅན་གྱིས་རྒྱ་མཚོར་འཇུག་པའི་གྲུ་བཅིང་བ་ལེགས་པར་བཅིངས་མིག་ཚགས་བྱ་བ་ལེགས་པར་བྱས་ནས་བཅོས་པར་བྱ་བ་ལེགས་པར་བཅོས་ཏེ་ཆུའི་ནང་དུ་དྲངས་ནས་རྫས་བསྐྱས་ཏེ་གང་བར་བྱས་
D12.033.0160b02.01ནས་ལེགས་པར་བཤམས་ཤིང་མཐུན་པའི་རླུང་དང་སྦྱར་ཏེ་དེ་གང་དུ་འགྲོ་བར་འདོད་པའི་ཕྱོགས་སུ་མཐར་གྱིས་སོང་ན། རབ་འབྱོར་གྲུ་དེ་ནི་ཆུས་འཇིག་པར་མི་འགྱུར་གྱི་གྲུ་དེ་ནི་གང་དུ་འགྲོ་བར་བྱ་བའི་ཕྱོགས་དེར་ཕྱིན་པར་འགྱུར་ཞིང་དེད་དཔོན་དེ་ཡང་རྙེད་པ་ཆེན་པོ་འདི་ལྟ་སྟེ་
D12.033.0160b03.01འཇིག་རྟེན་གྱི་རིན་པོ་ཆེ་དག་དང་ལྡན་པར་འགྱུར་རོ་ཞེས་རིག་པར་བྱའོ། །རབ་འབྱོར་དེ་བཞིན་དུ་བྱང་ཆུབ་སེམས་དཔའ་སེམས་དཔའ་ཆེན་པོས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་དད་པ་ཡོད་བཟོད་པ་ཡོད་སྲེད་པ་ཡོད་འདུན་
D12.033.0160b04.01པ་ཡོད་བརྩོན་འགྲུས་ཡོད་བག་བྱེད་པ་ཡོད་མོས་པ་ཡོད་ལྷག་པའི་བསམ་པ་ཡོད་གཏོང་བ་ཡོད་གུས་པར་བྱེད་པ་ཡོད་དགའ་བ་ཡོད་མགུ་བ་ཡོད་དང་བ་ཡོད་རབ་ཏུ་དགའ་བ་ཡོད་བརྩོན་པ་མི་གཏོང་བ་ཡང་ཡོད་ལ། དེ་ཤེས་རབ་ཀྱི་ཕ་རོལ་ཏུ་ཕྱིན་པས་ཡོངས་སུ་བཟུང་ཞིང་ཐབས་
D12.033.0160b05.01མཁས་པ་དང་མ་བྲལ་བར་གྱུར་ན་རབ་འབྱོར་བྱང་ཆུབ་སེམས་དཔའ་སེམས་དཔའ་ཆེན་པོ་དེ་ནི་བར་མ་དོར་ཆུད་ཟོས་བར་མི་འགྱུར་ཞིང་ཡི་གསོད་པར་མི་འགྱུར་ཏེ། བྱང་ཆུབ་སེམས་དཔའ་སེམས་དཔའ་ཆེན་པོ་དེ་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལ་གནས་པར་
D12.033.0160b06.01འགྱུར་བར་རིག་པར་བྱའོ། །དེ་ཅིའི་ཕྱིར་ཞེ་ན། རབ་འབྱོར་དེ་ནི་འདི་ལྟར་ཡིན་ཏེ་བྱང་ཆུབ་སེམས་དཔའ་སེམས་དཔའ་ཆེན་པོ་གང་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་དད་པ་ཡོད་བཟོད་པ་ཡོད་སྲེད་པ་ཡོད་འདུན་པ་ཡོད་
D12.033.0160b07.01