完整藏文原文 · 德格版页 当前仅加载第 33 函德格 69b 版页；藏文 NFD、目录标记与异常页序保留在来源切片中，重复版页行以稳定序号区分。
སྐད་དུ་རིགས་ཀྱི་བུ་ཁྱོད་འདི་ལྟ་སྟེ་ཤེས་རབ་ཀྱི་ཕ་རོལ་ཏུ་ཕྱིན་པ་དང་ལྡན་པའི་ཆོས་དེ་དག་ཉིད་ཐོབ་པར་གྱིས་ཤིག་ཅེས་ཟེར་ན། ཀཽ་ཤི་ཀ་རིགས་ཀྱི་བུ་འམ་རིགས་ཀྱི་བུ་མོ་སྔ་མ་དེ་བས་འདི་ཉིད་བསོད་ནམས་ཆེས་མང་དུ་སྐྱེད་དོ། །དེ་ཅིའི་ཕྱིར་ཞེ་ན། ཀཽ་ཤི་ཀ་འདི་ལས་དགྲ་བཅོམ་
D12.033.0069b01.01པ་ཉིད་ཀྱང་རབ་ཏུ་འབྱེད་དོ། །དེ་ལ་འདི་ལྟར་རིགས་ཀྱི་བུ་ཁྱོད་ཅི་ལྟ་ཅི་ལྟར་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སློབ་པ་དེ་ལྟ་དེ་ལྟར་ཁྱོད་ཀྱིས་མཐར་གྱིས་སངས་རྒྱས་ཀྱི་ཆོས་རྣམས་འཐོབ་པར་འགྱུར་ཞིང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་དང་ཉེ་བར་འགྱུར་རོ། །ཁྱོད་ཀྱིས་བསླབ་
D12.033.0069b02.01པ་འདི་ལ་བསླབས་ཤིང་སྤྱད་དེ་འབད་ན་རྒྱུན་དུ་ཞུགས་པའི་འབྲས་བུ་རབ་ཏུ་འབྱེད་པར་འགྱུར་རོ། །ལན་ཅིག་ཕྱིར་འོང་བའི་འབྲས་བུ་རབ་ཏུ་འབྱེད་པར་འགྱུར་རོ། །ཕྱིར་མི་འོང་བའི་འབྲས་བུ་རབ་ཏུ་འབྱེད་པར་འགྱུར་རོ། །དགྲ་བཅོམ་པ་ཉིད་རབ་ཏུ་འབྱེད་པར་འགྱུར་རོ། །རང་སངས་རྒྱས་
D12.033.0069b03.01ཉིད་རབ་ཏུ་འབྱེད་པར་འགྱུར་རོ། །ཡང་དག་པར་རྫོགས་པའི་སངས་རྒྱས་ཉིད་རབ་ཏུ་འབྱེད་པར་འགྱུར་རོ་ཞེས་སྤྲོ་བ་འཕེལ་བར་བྱེད་པར་འགྱུར་རོ། །ཀཽ་ཤི་ཀ་ཡང་འཛམ་བུའི་གླིང་གི་སེམས་ཅན་ཐམས་ཅད་དགྲ་བཅོམ་པ་ཉིད་ལ་བཀོད་པའི་བསོད་ནམས་མངོན་པར་འདུ་བྱེད་པ་ལྟ་ཞོག །
D12.033.0069b04.01ཀཽ་ཤི་ཀ་གླིང་ཆེན་པོ་བཞི་པའི་འཇིག་རྟེན་གྱི་ཁམས་ན་སེམས་ཅན་ཅི་སྙེད་ཡོད་པ་དེ་དག་ཐམས་ཅད་ཀྱང་རིགས་ཀྱི་བུ་འམ་རིགས་ཀྱི་བུ་མོ་གང་ལ་ལ་ཞིག་གིས་དགྲ་བཅོམ་པ་ཉིད་ལ་བཀོད་པ་དང་། ཀཽ་ཤི་ཀ་ཡང་གླིང་ཆེན་པོ་བཞི་པའི་འཇིག་རྟེན་གྱི་ཁམས་ཀྱི་སེམས་ཅན་ཐམས་ཅད་དགྲ་
D12.033.0069b05.01བཅོམ་པ་ཉིད་ལ་བཀོད་པའི་བསོད་ནམས་མངོན་པར་འདུ་བྱེད་པ་ལྟ་ཞོག །ཀཽ་ཤི་ཀ་སྟོང་སྤྱི་ཕུད་ཀྱི་འཇིག་རྟེན་གྱི་ཁམས་ན་སེམས་ཅན་ཅི་སྙེད་ཡོད་པ་དེ་དག་ཐམས་ཅད་ཀྱང་རིགས་ཀྱི་བུ་འམ་རིགས་ཀྱི་བུ་མོ་གང་ལ་ལ་ཞིག་གིས་དགྲ་བཅོམ་པ་ཉིད་ལ་བཀོད་པ་དང་། ཀཽ་ཤི་ཀ་ཡང་
D12.033.0069b06.01སྟོང་སྤྱི་ཕུད་ཀྱི་འཇིག་རྟེན་གྱི་ཁམས་ཀྱི་སེམས་ཅན་ཐམས་ཅད་དགྲ་བཅོམ་པ་ཉིད་ལ་བཀོད་པའི་བསོད་ནམས་མངོན་པར་འདུ་བྱེད་པ་ལྟ་ཞོག །ཀཽ་ཤི་ཀ་སྟོང་གཉིས་པ་བར་མའི་འཇིག་རྟེན་གྱི་ཁམས་ན་སེམས་ཅན་ཅི་སྙེད་ཡོད་པ་དེ་དག་ཐམས་ཅད་ཀྱང་རིགས་ཀྱི་བུ་འམ་རིགས་ཀྱི་བུ་
D12.033.0069b07.01