完整藏文原文 · 德格版页 当前仅加载第 33 函德格 77b 版页；藏文 NFD、目录标记与异常页序保留在来源切片中，重复版页行以稳定序号区分。
པའི་དགེ་བའི་རྩ་བ་གང་ཡིན་པ་རྣམས་དང་། སོ་སོའི་སྐྱེ་བོ་གང་དག་གིས་ཆོས་དེ་དག་ལ་དགེ་བའི་རྩ་བ་བསྐྲུན་པ་རྣམས་དང་། སངས་རྒྱས་བཅོམ་ལྡན་འདས་དེ་དག་གི་འཁོར་བཞི་བོ་དགེ་སློང་རྣམས་དང་དགེ་སློང་མ་རྣམས་དང་དགེ་བསྙེན་རྣམས་དང་དགེ་བསྙེན་མ་རྣམས་ཀྱི་སྦྱིན་པ་ལས་
D12.033.0077b01.01བྱུང་བའི་བསོད་ནམས་བྱ་བའི་དངོས་པོ་དང་ཚུལ་ཁྲིམས་ལས་བྱུང་བའི་བསོད་ནམས་བྱ་བའི་དངོས་པོ་དང་བསྒོམས་པ་ལས་བྱུང་བའི་བསོད་ནམས་བྱ་བའི་དངོས་པོ་གང་ཡིན་པ་རྣམས་དང་། དེར་སངས་རྒྱས་བཅོམ་ལྡན་འདས་ཆོས་སྟོན་པ་དེ་དག་ལ་ལྷ་དང་ཀླུ་དང་གནོད་སྦྱིན་དང་དྲི་ཟ་དང་ལྷ་མ་
D12.033.0077b02.01ཡིན་དང་ནམ་མཁའ་ལྡིང་དང་མི་འམ་ཅི་དང་ལྟོ་འཕྱེ་ཆེན་པོ་དང་མི་དང་མི་མ་ཡིན་པ་གང་དག་དང་བྱོལ་སོང་གི་སྐྱེ་གནས་སུ་སོང་བའི་སེམས་ཅན་གང་དེ་དག་ཐམས་ཅད་ཀྱིས་དགེ་བའི་རྩ་བ་བསྐྲུན་པ་གང་ཡིན་པ་རྣམས་དང་། སངས་རྒྱས་བཅོམ་ལྡན་འདས་དེ་དག་ཡོངས་སུ་མྱ་ངན་ལས་འདའ་བ་
D12.033.0077b03.01ལ་ཡང་གང་གིས་དགེ་བའི་རྩ་བ་བསྐྲུན་པ་གང་དག་ཡིན་པ་དང་། སངས་རྒྱས་བཅོམ་ལྡན་འདས་དེ་དག་ཡོངས་སུ་མྱ་ངན་ལས་འདས་པ་ལ་ཡང་གང་གིས་དགེ་བའི་རྩ་བ་བསྐྲུན་པ་གང་དག་ཡིན་པ་དང་། སངས་རྒྱས་བཅོམ་ལྡན་འདས་ལ་བརྟེན་པ་དང་ཆོས་ལ་བརྟེན་པ་དང་དགེ་འདུན་
D12.033.0077b04.01རྣམས་ལ་བརྟེན་པ་དང་ཡིད་ཀྱིས་བསྒོམས་པའི་གང་ཟག་དག་ལ་བརྟེན་ནས་དགེ་བའི་རྩ་བ་བསྐྲུན་པ་གང་ཡིན་པའི་དགེ་བའི་རྩ་བ་དེ་དག་ཐམས་ཅད་མ་ལུས་ཤིང་ལུས་པ་མེད་པར་གཅིག་ཏུ་མངོན་པར་བསྡུས་ཏེ་བསྡོམས་ཤིང་གཞལ་ནས་རྗེས་སུ་ཡི་རང་བའི་མཆོག་གིས་རྗེས་སུ་ཡི་རང་སྟེ། དམ་པ་དང་
D12.033.0077b05.01གཙོ་བོ་དང་རབ་དང་རབ་མཆོག་དང་གྱ་ནོམ་པ་དང་བླ་མ་དང་བླ་ན་མེད་པ་དང་གོང་ན་མེད་པ་དང་མཉམ་པ་མེད་པ་དང་མི་མཉམ་པ་དང་མཉམ་པའི་རྗེས་སུ་ཡི་རང་བས་རྗེས་སུ་ཡི་རང་ལ་དེ་ལྟར་རྗེས་སུ་ཡི་རང་ནས་རྗེས་སུ་ཡི་རང་བ་དང་ལྡན་པའི་བསོད་ནམས་བྱ་བའི་དངོས་པོ་དེ་བླ་ན་མེད་པ་ཡང་དག་པར་རྫོགས་
D12.033.0077b06.01པའི་བྱང་ཆུབ་ཏུ་ཡོངས་སུ་བསྔོའོ་ཞེས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་སྒྲུབ་པར་གྱུར་ཅིག་སྙམ་པས་ངག་ཏུ་བརྗོད་པར་བྱ་བ་ཡིན་ཏེ། དེ་ལ་གང་ཟག་བྱང་ཆུབ་སེམས་དཔའི་ཐེག་པ་ཅན་དག་དངོས་པོ་གང་དག་དང་དམིགས་པ་གང་དག་དང་རྣམ་པ་གང་དག་གིས་ཡོངས་སུ་
D12.033.0077b07.01