完整藏文原文 · 德格版页 当前仅加载第 33 函德格 103a 版页；藏文 NFD、目录标记与异常页序保留在来源切片中，重复版页行以稳定序号区分。
སྩལ་པ། ཤཱ་རིའི་བུ་གང་ཟག་སེམས་ཅན་དམྱལ་བ་ཆེན་པོ་དེར་སྐྱེས་པ་དེའི་ལུས་ཀྱི་ཚད་ལྟ་ཞོག་ཤིག །དེ་ཅིའི་ཕྱིར་ཞེ་ན། གང་ཟག་དེ་ལྟ་བུའི་རང་བཞིན་ཅན་གྱི་ལུས་ཀྱི་ཚད་ཐོས་ནས་ཁྲག་དྲོན་ཁ་ནས་སྐྱུག་ཅིང་འཆི་བར་འགྱུར་བའམ་འཆི་བ་ཙམ་འམ་སྡུག་བསྔལ་མི་བཟད་
D12.033.0103a01.01པ་དང་ནད་ཀྱིས་རེག་ཅིང་ཚིག་པ་འམ་དེ་ལ་མྱ་ངན་གྱི་ཟུག་རྔུ་ཞུགས་པ་འམ་གཡང་ས་ཆེན་པོར་ལྟུང་བ་འམ་སྐམ་པ་འམ་རྙིས་པར་གྱུར་ན་མི་རུང་བས་ན། གང་ལ་ཉེས་པ་དེ་དག་ཡོད་པའི་ལུས་དེའི་ཚད་འཇིགས་པ་ཆེན་པོ་ཅན་དེ་ལྟ་བུ་ཐོས་བར་མ་གྱུར་ཅིག་ཅེས། བཅོམ་ལྡན་འདས་ཀྱིས་ལུས་དེའི་
D12.033.0103a02.01ཚད་འདི་ཙམ་དུ་འགྱུར་རོ་ཞེས་ཚེ་དང་ལྡན་པ་ཤཱ་རིའི་བུ་ལ་གོ་སྐབས་མ་ཕྱེའོ། །ལན་གཉིས་ལན་གསུམ་དུ་ཡང་བཅོམ་ལྡན་འདས་ལ་ཚེ་དང་ལྡན་པ་ཤཱ་རིའི་བུས་འདི་སྐད་ཅེས་གསོལ་ཏོ། །གང་ཟག་དེའི་ལུས་ཀྱི་ཚད་ཀྱིས་ཕྱི་མའི་སྐྱེ་བོ་ལ་སྣང་བར་བགྱིས་པར་འགྱུར་བས། ངག་དང་ཡིད་ཀྱི་ལས་
D12.033.0103a03.01བྱས་ཤིང་བསགས་པ་དང་ཀུན་ཏུ་བསགས་པ་དང་ཉེ་བར་བསགས་པ་འདིས་སེམས་ཅན་དམྱལ་བ་ཆེན་པོའི་ལུས་འདི་ལྟ་བུ་ཆེན་པོ་ཡོངས་སུ་འཛིན་པར་འགྱུར་རོ་ཞེས་བཅོམ་ལྡན་འདས་ཀྱིས་བདག་ལ་བཤད་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། ཤཱ་རིའི་བུ་གང་ངག་དང་ཡིད་ཀྱིས་
D12.033.0103a04.01ཉེས་བར་སྤྱད་པ་མི་དགེ་པའི་ལས་མངོན་པར་འདུ་བྱེད་པ་མངོན་པར་འདུས་བྱས་པ་བསགས་ཤིང་ཀུན་ནས་བསགས་ལ་ཉེ་བར་བསགས་པ་འདིས་ཡུན་རིང་པོ་འདི་ཙམ་དུ་སྡུག་བསྔལ་མྱོང་བར་འགྱུར་རོ་ཞེས་བྱ་བ་འདི་ཉིད་ཀྱིས་ཕྱི་མའི་སྐྱེ་བོ་ལ་སྣང་བ་བྱས་པར་འགྱུར་ཏེ། ཤཱ་རིའི་བུ་སྡུག་བསྔལ་
D12.033.0103a05.01དེ་ཉིད་ལ་གཞལ་དུ་མེད་པ་དང་སྡུག་བསྔལ་མང་པོར་བཤད་པ་གང་ཡིན་པ་དེ་ཉིད་ཀྱིས་རིགས་ཀྱི་བུའམ་རིགས་ཀྱི་བུ་མོ་གང་དག་དཀར་པོའི་སྐལ་བ་ཅན་རྣམས་སྐྱོ་བར་འགྱུར་ཞིང་དེ་ནས་དེ་ཆོས་ཀྱིས་ཕོངས་པར་འགྱུར་བ་དང་མཐུན་པའི་ལས་དེ་དག་ལས་རྣམ་པར་ལྡོག་ཅིང་བསོད་ནམས་མངོན་པར་འདུ་བྱེད་པ་
D12.033.0103a06.01ཁོ་ན་བྱེད་དེ། བདག་ཀྱང་དེ་དང་འདྲ་བའི་སྡུག་བསྔལ་དང་ཕྲད་པར་མི་འགྱུར་བར་བྱ་བའི་ཕྱིར་སྲོག་གི་ཕྱིར་ཡང་དམ་པའི་ཆོས་སྤོང་བར་མི་བྱེད་དོ། །དེ་ནས་བཅོམ་ལྡན་འདས་ལ་ཚེ་དང་ལྡན་པ་རབ་འབྱོར་གྱིས་འདི་སྐད་ཅེས་གསོལ་ཏོ། །བཅོམ་ལྡན་འདས་རིགས་ཀྱི་བུའམ་རིགས་ཀྱི་བུ་མོས་ལུས་
D12.033.0103a07.01