完整藏文原文 · 德格版页 当前仅加载第 33 函德格 207a 版页；藏文 NFD、目录标记与异常页序保留在来源切片中，重复版页行以稳定序号区分。
དམིགས་པ་ལ་སྤྱོད། མཚན་མའི་འདུ་ཤེས་ལ་སྤྱད་པར་གྱུར་ཅིང་ད་ལྟར་ཡང་མཚན་མའི་འདུ་ཤེས་ལ་སྤྱོད། ཕྱིན་ཅི་ལོག་ལ་སྤྱད་པར་གྱུར་ཅིང་ད་ལྟར་ཡང་ཕྱིན་ཅི་ལོག་ལ་སྤྱོད། རིལ་པོར་འདུ་ཤེས་པ་ལ་སྤྱད་པར་གྱུར་ཅིང་ད་ལྟར་ཡང་རིལ་པོར་འདུ་ཤེས་པ་ལ་སྤྱོད། ཡང་
D12.033.0207a01.01དག་པ་མ་ཡིན་པའི་འདུ་ཤེས་ལ་སྤྱད་པར་གྱུར་ཅིང་ད་ལྟར་ཡང་ཡང་དག་པ་མ་ཡིན་པའི་འདུ་ཤེས་ལ་སྤྱོད། ལོག་པར་ལྟ་བ་ལ་སྤྱད་པར་གྱུར་ཅིང་ད་ལྟར་ཡང་ལོག་པར་ལྟ་བ་ལ་སྤྱོད་དོ། །ཅི་ལྟར་འདི་དག་ལ་ཉེས་པ་འདི་དག་ཐམས་ཅད་ནས་ཐམས་ཅད་རྣམ་པ་ཐམས་ཅད་དུ་ཐམས་ཅད་མི་
D12.033.0207a02.01འབྱུང་ཞིང་། མི་ཤེས་པ་དེ་ལྟར་བྱའོ་ཞེས་དེ་ལྟར་སེམས་ཅན་ཐམས་ཅད་ལ་སེམས་ཏེ། བྱང་ཆུབ་སེམས་དཔའ་སེམས་དཔའ་ཆེན་པོ་དེ་དྲན་པའི་ཤེས་པ་དེ་དང་སེམས་བསྐྱེད་པ་དེ་ལྟ་བུ་དང་ལྡན་ཞིང་ཐབས་མཁས་པ་དང་ཡང་ལྡན་ཤེས་རབ་ཀྱི་ཕ་རོལ་ཏུ་ཕྱིན་པས་ཀྱང་ཡོངས་སུ་
D12.033.0207a03.01བཟུང་བས། དེ་ལྟར་ཆོས་ཟབ་མོ་འདི་དག་གི་ཆོས་ཉིད་ལ་འདི་ལྟར་སྟོང་པ་ཉིད་དམ་མཚན་མ་མེད་པ་འམ་སྨོན་པ་མེད་པ་འམ་མངོན་པར་འདུ་མི་བྱེད་པ་འམ་མི་འབྱུང་བ་འམ་མི་སྐྱེ་བ་འམ་དངོས་པོ་མེད་པར་སོ་སོར་རྟོག་གོ། །རབ་འབྱོར་བྱང་ཆུབ་སེམས་དཔའ་སེམས་དཔའ་ཆེན་པོ་
D12.033.0207a04.01གང་དེ་ལྟར་ཤེས་པའི་ཆོས་དང་ལྡན་པ་ནི་མངོན་པར་འདུ་མི་བྱེད་པར་ལྟུང་བ་འམ་ཁམས་གསུམ་པ་དང་ལྷན་ཅིག་གནས་པར་འགྱུར་བ་ནི་གནས་མ་ཡིན་ཞིང་གོ་སྐབས་མེད་དོ། །རབ་འབྱོར་བྱང་ཆུབ་སེམས་དཔའ་སེམས་དཔའ་ཆེན་པོ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་
D12.033.0207a05.01པར་རྫོགས་པར་འཚང་རྒྱ་བར་འདོད་པས་བྱང་ཆུབ་སེམས་དཔའ་སེམས་དཔའ་ཆེན་པོ་ལ་འདི་སྐད་ཅེས་བྱང་ཆུབ་སེམས་དཔའ་སེམས་དཔའ་ཆེན་པོ་སྟོང་པ་ཉིད་མངོན་སུམ་དུ་མི་བྱེད་པ་དང་མཚན་མ་མེད་པ་མངོན་སུམ་དུ་མི་བྱེད་པ་དང་སྨོན་པ་མེད་པ་མངོན་སུམ་དུ་མི་བྱེད་པ་དང་མངོན་པར་
D12.033.0207a06.01འདུ་མི་བྱེད་པ་མངོན་སུམ་དུ་མི་བྱེད་པ་དང་འབྱུང་བ་མེད་པ་མངོན་སུམ་དུ་མི་བྱེད་པ་དང་སྐྱེ་བ་མེད་པ་མངོན་སུམ་དུ་མི་བྱེད་པ་དང་དངོས་པོ་མེད་པ་ཡང་མངོན་སུམ་དུ་མི་བྱེད་ལ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་ཡང་སྒོམ་པར་བྱེད་པས་ཆོས་འདི་དག་ལ་ཡོངས་སུ་འདྲིས་པར་བྱ་བ་ནི་གང་ཡིན་ཞིང་
D12.033.0207a07.01