完整藏文原文 · 德格版页 当前仅加载第 33 函德格 231a 版页；藏文 NFD、目录标记与异常页序保留在来源切片中，重复版页行以稳定序号区分。
ཞེས་སློབ་བོ། །རབ་འབྱོར་བསླབ་པ་རྒྱ་ཆེན་པོ་འདི་ནི་སེམས་སྟོབས་ཞན་པས་སློབ་མི་ནུས་ཤིང་བསླབ་པ་འདི་ལ་མཐུ་ཆུང་ངུས་བསླབ་པར་མི་ནུས་སོ། །དེ་ཅིའི་ཕྱིར་ཞེ་ན། རབ་འབྱོར་གང་བསླབ་པ་འདི་ལ་སློབ་པ་དེ་དག་ནི་སེམས་ཅན་ཐམས་ཅད་ཀྱི་མཐུན་
D12.033.0231a01.01པ་ཐུན་མོང་ངོ་། །རབ་འབྱོར་དེ་དག་ནི་སེམས་ཅན་ཐམས་ཅད་ཀྱི་མགོན་ནོ། །གང་བསླབ་པ་འདི་ལ་སློབ་པ་དེ་དག་ནི་སེམས་ཅན་ཐམས་ཅད་ལས་མངོན་པར་འཕགས་པ་རྗེས་སུ་ཐོབ་པར་འདོད་པ་ཡིན་ཏེ། རབ་འབྱོར་བྱང་ཆུབ་སེམས་དཔའ་སེམས་དཔའ་ཆེན་པོ་དེ་ལྟར་སློབ་པ་ནི་
D12.033.0231a02.01སེམས་ཅན་དམྱལ་བ་དག་ཏུ་མི་སྐྱེ་བྱོལ་སོང་གི་སྐྱེ་གནས་དག་ཏུ་མི་སྐྱེ་{ཡི་དགས་,ཡི་དྭགས་}ཀྱི་ཡུལ་རྣམས་སུ་མི་སྐྱེ་ལྷ་མ་ཡིན་གྱི་ལུས་སུ་མི་སྐྱེ་མཐའ་འཁོབ་ཀྱི་སྐྱེ་བོའི་ནང་དུ་མི་སྐྱེ་གདོལ་པའི་རིགས་སུ་མི་སྐྱེ་བྱ་བའི་རིགས་སུ་མི་སྐྱེ་རྔོན་པ་དང་ཉ་བ་དང་ཆོམ་རྐུན་པ་དང་ཤན་པའི་རིགས་སུ་མི་སྐྱེ་སྟེ། དེ་
D12.033.0231a03.01ལྟ་བུའི་རིགས་ངན་པ་ལས་ངན་པ་རྟེན་ངན་པའི་རིགས་གཞན་དུ་ཡང་མི་སྐྱེའོ། །རབ་འབྱོར་བྱང་ཆུབ་སེམས་དཔའ་སེམས་དཔའ་ཆེན་པོ་དེ་ལྟར་སློབ་པ་ནི་ལོང་བར་མི་འགྱུར་འོན་པར་མི་འགྱུར་ཞར་བར་མི་འགྱུར་རྡུམ་པོར་མི་འགྱུར་སྒུར་པོར་མི་འགྱུར་འཐེང་པོར་མི་འགྱུར་ཞ་བོར་མི་འགྱུར་
D12.033.0231a04.01གྲུམ་པོར་མི་འགྱུར་ལྐུག་པར་མི་འགྱུར་དིག་པར་མི་འགྱུར་རྣ་བ་མི་གསལ་བར་མི་འགྱུར་ཡན་ལག་ཉམས་པར་མི་འགྱུར་ཡན་ལག་མ་ཚང་བར་མི་འགྱུར་ཡན་ལག་མི་སྡུག་པར་མི་འགྱུར་མདོག་མི་སྡུག་པར་མི་འགྱུར་དབྱིབས་མི་སྡུག་པར་མི་འགྱུར་དབང་པོ་ཉམས་པར་མི་འགྱུར་དབང་པོ་
D12.033.0231a05.01མ་ཚང་བར་མི་འགྱུར་ཏེ། དབང་པོའི་རྣམ་པ་ཐམས་ཅད་ཡོངས་སུ་རྫོགས་པར་འགྱུར་རོ། །དབྱངས་ཕུན་སུམ་ཚོགས་པར་འགྱུར་རོ། །རབ་འབྱོར་བྱང་ཆུབ་སེམས་དཔའ་སེམས་དཔའ་ཆེན་པོ་དེ་ལྟར་སློབ་པ་ནི་སྲོག་གཅོད་པར་མི་འགྱུར་མ་བྱིན་པར་ལེན་པར་མི་འགྱུར་འདོད་པ་ལ་ལོག་
D12.033.0231a06.01པར་སྤྱོད་པར་མི་འགྱུར་{བརྫུན་,རྫུན་}དུ་སྨྲ་བར་མི་འགྱུར་ཕྲ་མ་སྨྲ་བར་མི་འགྱུར་ཚིག་རྩུབ་མོ་སྨྲ་བར་མི་འགྱུར་ཚིག་ཀྱལ་པ་སྨྲ་བར་མི་འགྱུར་བརྣབ་སེམས་ཅན་དུ་མི་འགྱུར་གནོད་སེམས་ཅན་དུ་མི་འགྱུར་ལོག་པར་ལྟ་བ་ཅན་དུ་མི་འགྱུར་ལོག་པར་འཚོ་བས་འཚོ་བར་མི་བྱེད་དོ། །རབ་འབྱོར་བྱང་ཆུབ་
D12.033.0231a07.01