完整藏文原文 · 德格版页 当前仅加载第 49 函德格 192b 版页；藏文 NFD、目录标记与异常页序保留在来源切片中，重复版页行以稳定序号区分。
བཞིན། །སེམས་དང་རྣམ་ཤེས་ཡོངས་སུ་སྤངས། །ཡེ་ཤེས་ཡོད་མེད་མི་དམིགས་ཀྱང་། །ཐུགས་རྗེ་ཆེན་པོ་རབ་ཏུ་སྐྱེ། །རྟག་དང་ཆད་པ་ཡོངས་སྤངས་པ། །འཇིག་རྟེན་ཁོར་ཟུག་རྨི་ལམ་འདྲ། །ཡེ་ཤེས་ཡོད་མེད་མི་དམིགས་ཀྱང་། །ཐུགས་རྗེ་ཆེན་པོ་རབ་ཏུ་སྐྱེ། །
D108.049.0192b01.01གང་ཟག་ཆོས་ལ་བདག་མེད་དང་། །ཉོན་མོངས་ཤེས་བྱ་རབ་མཁྱེན་ཅིང་། །རྟག་ཏུ་དག་ཅིང་མཚན་མེད་ཀྱང་། །ཐུགས་རྗེ་ཆེན་པོ་རབ་ཏུ་སྐྱེ། །ཀུན་ལས་མྱ་ངན་མི་འདའ་སྟེ། །མྱ་ངན་འདས་སངས་རྒྱས་མི་དམིགས། །སངས་རྒྱས་མྱ་ངན་འདའ་མི་དམིགས། །བློ་དང་
D108.049.0192b02.01རིག་པར་བགྱི་དང་བྲལ། །ཡོད་པ་དང་ནི་མེད་པའི་ཕྱོགས། །གཉིས་པོ་དེ་དག་ཤིན་ཏུ་སྤངས། །ཐུབ་པ་ཞི་བའི་རྣལ་འབྱོར་པ། །སྐྱེ་བ་དག་ནི་རབ་སྤངས་པས། །དེ་ནི་ལེན་མི་མངའ་ཞེས་བགྱི། །འདི་དང་གཞན་དུ་རྣམ་པར་དག །དེ་ནས་བྱང་ཆུབ་སེམས་དཔའ་བློ་གྲོས་ཆེན་
D108.049.0192b03.01པོས་བཅོམ་ལྡན་འདས་ལ་ཚིགས་སུ་བཅད་པ་དེ་དག་གིས་མངོན་པར་བསྟོད་ནས་རང་གི་རིགས་དང་མིང་བརྗོད་དེ་གསོལ་པ། བདག་མིང་བློ་གྲོས་ཆེན་པོ་སྟེ། །ཐོས་ཆེན་ཁོང་དུ་ཆུད་པར་རྟོགས། །དེང་འདིར་བརྒྱ་རྩ་བརྒྱད་ཀྱི་དོན། །བླ་མའི་མཆོག་ལ་ཞུ་བར་བགྱི། །འཇིག་
D108.049.0192b04.01རྟེན་མཁྱེན་པའི་སྐྱེས་མཆོག་གིས། །ཚིགས་བཅད་དེ་ནི་གསན་པ་དང་། །འཁོར་རྣམས་ལ་ནི་རྣམ་གཟིགས་ནས། །རྒྱལ་སྲས་རྣམས་ལ་བཀའ་སྩལ་པ། །ཁྱོད་ལ་སོགས་པ་རྒྱལ་སྲས་རྣམས། །ཅི་དང་ཅི་འདོད་དྲིས་ཤིག་དང་། །སོ་སོ་རང་གི་སྤྱོད་ཡུལ་ནི། །
D108.049.0192b05.01ངས་ནི་ཁྱེད་ལ་བཤད་པར་བྱ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་བློ་གྲོས་ཆེན་པོ་བཅོམ་ལྡན་འདས་ཀྱི་ཞབས་ལ་སྤྱི་བོས་གཏུགས་ཏེ་ཕྱག་བྱས་ནས་ཐལ་མོ་སྦྱར་ཏེ་ཚིགས་སུ་བཅད་པས་ཞུ་བ་ཞུས་པ། ཇི་ལྟར་དྲན་པ་རྣམ་དག་འགྱུར། །ཇི་ལྟར་
D108.049.0192b06.01དྲན་པ་འཕེལ་བར་འགྱུར། །ལྟ་རྨོངས་ནོར་པ་ཇི་ལྟ་བུ། །ནོར་པ་ཇི་ལྟར་འཕེལ་བར་འགྱུར། །ཞིང་དུ་སྤྲུལ་རྣམས་ཅི་སླད་དུ། །མཚན་ཉིད་དང་ནི་མུ་སྟེགས་ཀྱང་། །མཚན་མེད་རིམ་པ་ཇི་ལྟ་བུ། །ཅི་སླད་མཚན་མ་མེད་པས་བགྱི། །ཅི་སླད་རྒྱལ་བའི་སྲས་ཞེས་
D108.049.0192b07.01