完整藏文原文 · 德格版页 当前仅加载第 49 函德格 270a 版页；藏文 NFD、目录标记与异常页序保留在来源切片中，重复版页行以稳定序号区分。
བརྩམས་ནས་རབ་སྤངས་ཤིང་། །དབྱིབས་དང་རྣམ་པ་གཞན་འགྱུར་དང་། །དངོས་པོ་གཟུགས་ནི་མི་རྟག་པ། །མུ་སྟེགས་བླུན་པོས་རྟོག་པར་བྱེད། །དངོས་པོ་རྣམས་ལ་འཇིག་པ་མེད། །འབྱུང་བ་འབྱུང་བའི་རང་བཞིན་གནས། །མུ་སྟེགས་མི་རྟག་འདུ་ཤེས་པ། །ལྟ་བ་སྣ་
D108.049.0270a01.01ཚོགས་བྱིང་བ་འགྱུར། །མུ་སྟེགས་ཅན་ནི་དེ་དག་ལ། །སྐྱེ་དང་འཇིག་པ་གང་ཡང་མེད། །འབྱུང་བ་འབྱུང་བའི་རང་བཞིན་རྟག །ཇི་སྐད་མི་རྟག་ཉིད་དུ་རྟོག །ཐམས་ཅད་སེམས་ཙམ་སྣང་བ་སྟེ། །རྣམ་པ་གཉིས་སུ་སེམས་ཀྱང་འཇུག །གཟུང་བ་དང་ནི་འཛིན་པའོ། །བདག་དང་བདག་གི་
D108.049.0270a02.01ཡོད་མ་ཡིན། །ཚངས་པ་སྡོང་པོ་རྩ་བ་ཡིན། །ཡལ་ག་ལོ་མ་ཀུན་དུ་ཁྱབ། །འདི་སྐད་དུ་ནི་ངས་བཤད་དེ། །དེ་དག་གི་ནི་སེམས་ཙམ་ཡིན། །དེ་ནས་ཡང་བྱང་ཆུབ་སེམས་དཔའ་བློ་གྲོས་ཆེན་པོས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བྱང་ཆུབ་སེམས་དཔའ་
D108.049.0270a03.01དང་། ཉན་ཐོས་དང་། རང་སངས་རྒྱས་ཐམས་ཅད་ཀྱིས་འགོག་པའི་སྙོམས་པར་འཇུག་པའི་{གོ་རིམས་ཀྱི་,གོ་རིམ་གྱི་}མཚམས་སྦྱོར་བའི་མཚན་ཉིད་བཤད་དུ་གསོལ། གལ་ཏེ་འགོག་པའི་སྙོམས་པར་འཇུག་པའི་{གོ་རིམས་ཀྱི་,གོ་རིམ་གྱི་}མཚམས་སྦྱོར་བའི་མཚན་ཉིད་ལ་མཁས་པར་གྱུར་ན། བདག་དང་
D108.049.0270a04.01བྱང་ཆུབ་སེམས་དཔའ་གཞན་རྣམས་ཀྱང་འགོག་པའི་སྙོམས་པར་འཇུག་པའི་བདེ་བའི་སྒོ་སྤང་བར་མི་འགྱུར་ཞིང་། ཉན་ཐོས་དང་། རང་སངས་རྒྱས་དང་། མུ་སྟེགས་ཅན་གྱི་རྨོངས་པར་ལྟུང་བར་མི་འགྱུར་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། བློ་གྲོས་ཆེན་པོ་ཤིན་ཏུ་
D108.049.0270a05.01ལེགས་པར་ཉོན་ལ་ཡིད་ལ་ཟུང་ཤིག་དང་། ངས་ཁྱོད་ལ་བཤད་པར་བྱའོ། །བློ་གྲོས་ཆེན་པོས་བཅོམ་ལྡན་འདས་ལ་བཅོམ་ལྡན་འདས་བཤད་དུ་གསོལ། ཞེས་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། བློ་གྲོས་ཆེན་པོ་ས་དྲུག་པའི་བྱང་ཆུབ་སེམས་དཔའ་སེམས་དཔའ་ཆེན་
D108.049.0270a06.01པོ་དང་། ཉན་ཐོས་དང་། རང་སངས་རྒྱས་རྣམས་ཀྱིས་སྙོམས་པར་འཇུག་པ་སྐྱེད་པར་བྱེད་ལ། ས་བདུན་པའི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ནི་སེམས་ཀྱི་སྐད་ཅིག་རེ་རེ་ལ་སྙོམས་པར་འཇུག་སྟེ། དངོས་པོ་ཐམས་ཅད་ཀྱི་རང་བཞིན་གྱི་མཚན་ཉིད་ཡོངས་སུ་སྤངས་པས་
D108.049.0270a07.01