完整藏文原文 · 德格版页 当前仅加载第 49 函德格 254a 版页；藏文 NFD、目录标记与异常页序保留在来源切片中，重复版页行以稳定序号区分。
པར་ཐར་པ་གསུམ་གྱི་རྗེས་སུ་ཤེས་པ་ཡང་མི་དམིགས་ཏེ། རྟོག་པ་ཅན་ཐོག་མ་མེད་པའི་དུས་ནས་དངོས་པོ་དང་དངོས་པོ་མེད་པར་སྤྲོས་པའི་བག་ཆགས་ཀྱིས་བསྒོས་པའི་བློ་ཅན་རྣམས་ཀྱིས་དེ་ལྟར་ཤེས་པ་མ་ཡིན་ནོ། །ཤེས་པ་དེས་དེ་དག་མ་ཤེས་
D108.049.0254a01.01པའི་ཕྱིར་ཕྱི་རོལ་གྱི་དངོས་པོ་རྣམས་ཀྱི་མཚན་ཉིད་ཀྱི་རང་བཞིན་ལ་དངོས་པོ་མེད་དོ་ཞེས་རྣམ་པར་རྟོག་པ་མི་སྤོང་གི །རང་གི་སེམས་སྣང་བ་ཙམ་རྣམ་པར་འཇོག་པས་བདག་དང་བདག་གི་མཚན་ཉིད་དུ་འཛིན་པ་ལ་མངོན་པར་ཞེན་ཏེ། རང་གི་སེམས་སྣང་བ་ཙམ་དུ་མ་ཆུད་པས་
D108.049.0254a02.01ཤེས་པ་དང་ཤེས་བྱ་ལ་སོ་སོར་རྣམ་པར་རྟོག་སྟེ། རྣམ་པར་རྟོག་པའི་ཕྱིར་ཕྱི་རོལ་གྱི་དངོས་པོ་དངོས་པོ་མེད་པར་སོ་སོར་རྣམ་པར་བརྟགས་ཀྱང་མི་དམིགས་པས་ཆད་པར་ལྟ་བ་རབ་ཏུ་རྟེན་ཏོ། །དེ་ནས་བཅོམ་ལྡན་འདས་ཀྱིས་དོན་དེ་ཉིད་ཡང་བསྟན་པའི་ཕྱིར་ཚིགས་སུ་བཅད་
D108.049.0254a03.01པ་འདི་དག་གསུངས་སོ། །དམིགས་བྱ་དག་ནི་ཡོད་བཞིན་དུ། །ཤེས་པ་སོ་སོར་མི་རྟོག་པ། །དེ་ནི་ཤེས་མིན་མི་ཤེས་པར། །རྟོག་གེ་པ་ཡིས་བཤད་པ་ཡིན། །ཐ་དད་མིན་པའི་མཚན་ཉིད་དང་། །ཆོད་པ་དང་ནི་ཉེ་རིང་དག །ཅི་སྟེ་ཤེས་པས་མི་རྟོགས་ན། །དེ་ནི་ལོག་
D108.049.0254a04.01པའི་ཤེས་པ་ཡིན། །རྒན་པོ་བྱིས་པ་ལྡོངས་གྱུར་དག །ཤེས་བྱ་ཡང་དག་ཡོད་བཞིན་དུ། །ཤེས་པ་རྣམས་ནི་མི་སྐྱེ་བ། །དེ་ཡང་ལོག་པའི་ཤེས་པ་ཡིན། །གཞན་ཡང་བློ་གྲོས་ཆེན་པོ་བྱིས་པ་སོ་སོའི་སྐྱེ་བོ་རྣམས་ཐོག་མ་མེད་པའི་དུས་ཀྱི་ཡང་དག་པ་མ་ཡིན་པའི་
D108.049.0254a05.01གནས་ངན་ལེན་གྱི་ལོག་པའི་རྣམ་པར་རྟོག་པས་ཡོངས་སུ་བསྒྱུར་ཞིང་། ཡོངས་སུ་བསྒྱུར་བའི་ཚེ་རང་གི་གྲུབ་པའི་མཐའི་ཚུལ་དང་། བཤད་པའི་ཚུལ་ལ་མི་མཁས་པས་རང་གི་སེམས་སྣང་བ་ལ་ཕྱི་རོལ་གྱི་དངོས་པོའི་མཚན་ཉིད་དུ་མངོན་པར་ཞེན་པའི་ཕྱིར་ཐབས་
D108.049.0254a06.01ཀྱིས་བརྗོད་པ་ལ་མངོན་པར་ཞེན་ཅིང་། རང་གི་གྲུབ་པའི་མཐའི་མཐའ་བཞི་རྣམ་པར་དག་པའི་ཚུལ་གྱི་མཚན་ཉིད་རྣམ་པར་འབྱེད་པ་ལ་མི་མཁས་སོ། །བློ་གྲོས་ཆེན་པོས་བཅོམ་ལྡན་འདས་ལ་གསོལ་པ། ཇི་ལྟར་བཅོམ་ལྡན་འདས་ཀྱིས་བཀའ་སྩལ་པ་བཞིན་
D108.049.0254a07.01