完整藏文原文 · 德格版页 当前仅加载第 49 函德格 246a 版页；藏文 NFD、目录标记与异常页序保留在来源切片中，重复版页行以稳定序号区分。
མེད་པའི་ཕྱིར་དང་། རང་གི་སེམས་སྣང་བ་ཙམ་དུ་རྟོགས་པའི་ཕྱིར་རྣམ་པར་རྟོག་པ་མི་སྐྱེའོ། །བློ་གྲོས་ཆེན་པོ་ངས་ནི་གཞན་བྱིས་པ་སོ་སོའི་སྐྱེ་བོ་རང་གི་སེམས་སྣ་ཚོགས་ཀྱི་རྣམ་པར་རྟོག་པའི་མཚན་ཉིད་ཀྱི་ཕྱིར་ལས་ཀྱི་དངོས་པོ་མངོན་དུ་གྱུར་པས་
D108.049.0246a01.01རྣམ་པར་རྟོག་པ་སྣ་ཚོགས་ཀྱི་དངོས་པོའི་མཚན་ཉིད་ལ་མངོན་པར་ཞེན་པ་འབྱུང་བར་བཤད་དེ། ཇི་ལྟར་ན་བྱིས་པ་སོ་སོའི་སྐྱེ་བོ་འདི་དག་བདག་དང་བདག་གིར་མངོན་པར་ཞེན་པར་ལྟ་བ་རྣམ་པར་སྤངས་ཏེ། བྱེད་པ་དང་། བྱ་བའི་རྒྱུ་རྐྱེན་དང་། འབྲས་བུ་ལས་བཟློག་
D108.049.0246a02.01ཅིང་རྣམ་པར་རྟོག་པ། རང་གི་སེམས་སྣང་བ་ཙམ་དུ་རྟོགས་པས་ལུས་དང་སེམས་ཤིན་ཏུ་གྱུར་ཏེ། ས་ཐམས་ཅད་ལ་མཐར་ཕྱིན་པར་མཁས་ཤིང་དེ་བཞིན་གཤེགས་པ་དག་གི་སོ་སོ་རང་གིས་རིག་པའི་སྤྱོད་ཡུལ་ལ་འཇུག་པ་དང་། ཆོས་ལྔ་དང་། རང་བཞིན་དང་།
D108.049.0246a03.01དངོས་པོར་ལྟ་བའི་རྣམ་པར་རྟོག་པ་ལས་ལྡོག་པ་འཐོབ་པར་འགྱུར་སྙམ་ནས། རྒྱུ་དེ་དང་། རྐྱེན་དེའི་ཕྱིར་ངས་རྣམ་པར་རྟོག་པ་རྣམས་ནི་ཡང་དག་པ་མ་ཡིན་པའི་དོན་སྣ་ཚོགས་ལ་མངོན་པར་ཞེན་པ་ལས་འབྱུང་ངོ་ཞེས་བཤད་པ་ཡིན་ཏེ། ཡང་དག་པའི་དོན་ཇི་ལྟ་བ་བཞིན་དུ་
D108.049.0246a04.01ཡོངས་སུ་ཤེས་པས་ན་རྣམ་པར་གྲོལ་བ་འཐོབ་སྟེ། རྣམ་པར་རྟོག་པ་སྣ་ཚོགས་འབྱུང་བར་མི་འགྱུར་རོ། །དེ་ནས་བཅོམ་ལྡན་འདས་ཀྱིས་དོན་དེ་ཉིད་ཡང་བསྟན་པའི་ཕྱིར་ཚིགས་སུ་བཅད་པ་འདི་དག་གསུངས་སོ། །རྒྱུ་རྣམས་དང་ནི་རྐྱེན་རྣམས་ཀྱིས། །གང་རྣམས་འཇིག་
D108.049.0246a05.01རྟེན་འབྱུང་ཞེས་པ། །རྣམ་རྟོག་མཐའ་བཞིར་ཞེན་པ་སྟེ། །དེ་དག་ང་ཡི་ཚུལ་མི་ཤེས། །འཇིག་རྟེན་ཡོད་ལས་མི་སྐྱེ་སྟེ། །དེ་བཞིན་མེད་ལས་སྐྱེ་བའང་མིན། །ཡོད་མེད་ལས་ཀྱང་མི་སྐྱེ་ཞིང་། །ཡོད་མིན་མེད་མིན་ལས་མིན་ན། །རྒྱུ་དག་དང་ནི་རྐྱེན་རྣམས་སུ། །བྱིས་
D108.049.0246a06.01པ་རྣམས་ནི་ཅི་ཕྱིར་རྟོག །ཡོད་པ་མ་ཡིན་མེད་པའང་མིན། །དེ་བཞིན་ཡོད་མེད་གཉི་ག་མིན། །དེ་ལྟར་འཇིག་རྟེན་རབ་མཐོང་ན། །སེམས་གྱུར་བདག་མེད་པ་ཡང་འཐོབ། །དངོས་པོ་ཐམས་ཅད་མི་སྐྱེ་སྟེ། །རྐྱེན་རྣམས་ལས་ནི་བྱུང་བའི་ཕྱིར། །ཐམས་ཅད་རྐྱེན་གྱིས་
D108.049.0246a07.01