完整藏文原文 · 德格版页 当前仅加载第 49 函德格 260b 版页；藏文 NFD、目录标记与异常页序保留在来源切片中，重复版页行以稳定序号区分。
དེ་དག་སེམས་ཀྱི་རྟོག་ལས་སྐྱེས། །ཐར་པའི་ཐབས་ནི་ཡོད་མ་ཡིན། །འཆིང་དང་བཅིང་བྱ་ལ་རྨོངས་པ། །ཐབས་མཁས་ཡོངས་སུ་སྤངས་པས་ན། །མུ་སྟེགས་ཐར་པ་འདུ་ཤེས་པ། །ཐར་པ་ནམ་ཡང་སྐྱེ་མི་འགྱུར། །ཤེས་པ་མང་པོས་ཐ་དད་འཇུག །མུ་སྟེགས་ཅན་གྱིས་མཐོང་བའི་
D108.049.0260b01.01ཚུལ། །དེ་དག་ཐར་པ་ཡོད་མ་ཡིན། །བླུན་ཞིང་གཏི་མུག་རྣམ་རྟོག་ཕྱིར། །མུ་སྟེགས་བླུན་པོས་ཐམས་ཅད་ཀུན། །རྣམ་རྟོག་བྱེད་དང་བྱ་བར་མཐོང་། །ཡོད་མེད་ཕྱོགས་སུ་སྨྲ་བ་རྣམས། །དེ་དག་ལ་ནི་ཐར་པ་མེད། །བྱིས་པ་རྣམ་པར་རྟོག་ལ་མོས། །ཡང་དག་བློ་གྲོས་ཐོས་མི་འགྱུར། །སྨྲ་
D108.049.0260b02.01བ་སྡུག་བསྔལ་གསུམ་གྱི་གནས། །ཡང་དག་སྡུག་བསྔལ་འཇིག་པའི་རྒྱུ། །ཇི་ལྟར་མེ་ལོང་གཟུགས་བརྙན་དག །སྣང་བ་ཡོད་པ་མ་ཡིན་ལྟར། །རྣམ་རྟོག་སེམས་ཀྱི་མེ་ལོང་ལ། །བྱིས་པ་དག་གིས་གཉིས་ཡོད་མཐོང་། །སེམས་དང་དམིགས་པ་མ་ཤེས་པ། །རྣམ་པར་རྟོག་པ་གཉིས་
D108.049.0260b03.01སྐྱེ་སྟེ། །སེམས་དང་ཡུལ་ནི་ཡོངས་ཤེས་ན། །རྣམ་པར་རྟོག་པ་སྐྱེ་མི་འགྱུར། །སེམས་ནི་སྣ་ཚོགས་འགྱུར་བ་སྟེ། །མཚན་ཉིད་མཚན་གཞི་ཡོངས་སྤངས་པས། །བྱ་བ་སྣང་ཡང་སྣང་བ་མེད། །ཇི་ལྟར་བྱིས་པས་རྣམ་བརྟགས་བཞིན། །སྲིད་གསུམ་རྣམ་པར་རྟོག་ཙམ་པས། །ཕྱི་རོལ་གྱི་
D108.049.0260b04.01ནི་དོན་མེད་དེ། །རྣམ་པར་རྟོག་པ་སྣ་ཚོགས་སྣང་། །བྱིས་པ་དག་གིས་མི་རྟོགས་སོ། །མདོ་དང་མདོ་ལས་རྣམ་རྟོག་བཤད། །ནམ་ཡང་མིང་ལས་འདའ་མི་འགྱུར། །བརྗོད་པ་དག་ནི་མ་གཏོགས་པར། །བརྗོད་པར་བྱ་བ་ཅི་ཡང་མེད།། །།འཕགས་པ་ལང་ཀར་གཤེགས་པ་
D108.049.0260b05.01རིན་པོ་ཆེའི་མདོ་ལས། བམ་པོ་བདུན་པ། དེ་ནས་བྱང་ཆུབ་སེམས་དཔའ་བློ་གྲོས་ཆེན་པོས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་ཡང་དག་པར་རྫོགས་པའི་སངས་རྒྱས་པ་ཉིད་བཤད་དུ་གསོལ། དེ་ནས་བདག་དང་བྱང་ཆུབ་སེམས་དཔའ་སེམས་དཔའ་
D108.049.0260b06.01ཆེན་པོ་གཞན་རྣམས་དེ་བཞིན་གཤེགས་པའི་རང་བཞིན་ལ་མཁས་ཤིང་། བདག་དང་གཞན་རྣམས་ཁོང་དུ་ཆུད་པར་བགྱིད་པར་འགྱུར་རོ། །བཅོམ་ལྡན་འདས་ཀྱིས་བཀའ་སྩལ་པ། བློ་གྲོས་ཆེན་པོ་ཁྱོད་ཇི་ལྟར་འདོད་པ་བཞིན་དུ་དྲིས་ཤིག་དང་། ངས་ཇི་ལྟར་ཁྱོད་ཀྱིས་དྲིས་པ་དེ་བཞིན་
D108.049.0260b07.01