完整藏文原文 · 德格版页 当前仅加载第 49 函德格 284a 版页；藏文 NFD、目录标记与异常页序保留在来源切片中，重复版页行以稳定序号区分。
སེམས་ཅན་ཐམས་ཅད་བུ་གཅིག་པ་དང་འདྲ་བར་གཟིགས་ཏེ། དེའི་ཕྱིར་བུའི་ཤ་བཟའ་བར་མི་གནང་བ་ཡིན་ནོ། །དེ་ནས་བཅོམ་ལྡན་འདས་ཀྱིས་དོན་དེ་ཉིད་ཡང་བསྟན་པའི་ཕྱིར་ཚིགས་སུ་བཅད་པ་འདི་དག་གསུངས་སོ། །སྔོན་ཆད་གཉེན་བཤེས་
D108.049.0284a01.01བྱས་ཕྱིར་དང་། །ངན་པ་མི་གཙང་འདྲེས་པ་དང་། །ཁུ་ཆུ་ཁྲག་ལས་བྱུང་བ་དང་། །དྲི་ཚོར་ཐམས་ཅད་འཇིགས་སྐྲག་པས། །ཤ་རྣམས་དང་ནི་བཙོང་དག་དང་། །ཀིའུ་དང་བྱིས་ཀུ་ལ་སོགས་དང་། །བག་མེད་སྣ་ཚོགས་འགྱུར་བའི་ཆང་། །རྣལ་འབྱོར་
D108.049.0284a02.01པས་ནི་རྟག་ཏུ་སྤང་། །འབྲུ་མར་དག་ཀྱང་སྤང་བྱ་སྟེ། །བུག་ཕུག་པ་ཡི་ཁྲི་ཡང་སྤང་། །སྲོག་ཆགས་དག་ནི་ཕྲ་མོ་རྣམས། །དེ་ན་རབ་ཏུ་འཇིགས་ཕྱིར་རོ། །ཟས་ལས་བག་མེད་སྐྱེ་བར་འགྱུར། །བག་མེད་པ་ལས་རྟོག་པ་སྐྱེ། །རྟོག་པ་ལས་ནི་འདོད་
D108.049.0284a03.01ཆགས་སྐྱེ། །དེ་ཡི་ཕྱིར་ན་བཟའ་མི་བྱ། །ཟས་ཀྱི་དབང་གིས་འདོད་ཆགས་སྐྱེ། །འདོད་ཆགས་ཀྱིས་ནི་སེམས་རྨོངས་བྱེད། །རྨོངས་པས་སྲིད་པའི་འདོད་པ་སྐྱེད། །འཁོར་བ་ལས་ནི་གྲོལ་མི་འགྱུར། །ཁེ་ཡི་ཕྱིར་ནི་སེམས་ཅན་གསོད། །ཤ་ཡི་ཕྱིར་
D108.049.0284a04.01ནི་ནོར་སྦྱིན་བྱེད། །གཉི་ག་སྡིག་པའི་ལས་ཅན་པས། །ཤི་ནས་འོ་དོད་འབོད་པར་ལྟུང་། །བཅོལ་ཚོལ་འདུ་ཤེས་དེ་མེད་ན། །རྣམ་གསུམ་དག་པའི་ཤ་ཡང་མེད། །རྒྱུ་མེད་ལས་ནི་ཡོད་མིན་པས། །དེ་ཡི་ཕྱིར་ན་བཟའ་མི་བྱ། །རྣལ་འབྱོར་པ་ནི་དེ་དག་གིས། །
D108.049.0284a05.01དེས་ན་ཐམས་ཅད་སྤང་བྱར་བྱ། །ཕྱོགས་བཅུ་སངས་རྒྱས་བཅོམ་ལྡན་འདས། །ཐམས་ཅད་རབ་ཏུ་སྨོད་པར་འགྱུར། །གཅིག་ལ་གཅིག་ནི་ཟ་བར་བྱེད། །ཤི་ནས་གཅན་གཟན་རིགས་སུ་ལྟུང་། །དྲི་མི་ཞིམ་པ་སྨད་པ་དང་། །གླེན་པ་དག་ཏུ་སྐྱེ་བར་འགྱུར། །
D108.049.0284a06.01ཕལ་ཆེར་གདོལ་པའི་རིགས་སུ་སྐྱེ། །རྔོན་པ་སྨེ་ཤ་ཅན་རིགས་དང་། །ཡང་ན་འཕྲ་མེན་རིགས་སུ་སྐྱེ། །ཤ་ཟའི་རིགས་སུ་སྐྱེ་བར་འགྱུར། །སྲིན་པོ་བྱི་ལ་ལ་སོགས་པའི། །མངལ་ཀུན་དུ་ནི་སྐྱེ་བར་འགྱུར། །གླང་པོ་འཆིང་དང་སྤྲིན་ཆེན་དང་། །
D108.049.0284a07.01