完整藏文原文 · 德格版页 当前仅加载第 49 函德格 271a 版页；藏文 NFD、目录标记与异常页序保留在来源切片中，重复版页行以稳定序号区分。
ཡོན་ཏན་དཔག་ཏུ་མེད་པ་སྟོན་ཏོ། །ཉན་ཐོས་དང་། རང་སངས་རྒྱས་རྣམས་ཏིང་ངེ་འཛིན་གྱི་སྒོའི་བདེ་བས་ཕྲོགས་པར་གྱུར་པའི་ཕྱིར་མྱ་ངན་ལས་འདས་པར་འདུ་ཤེས་སོ། །བློ་གྲོས་ཆེན་པོ་ངས་ས་བདུན་པའི་སེམས་དང་། ཡིད་དང་། ཡིད་ཀྱི་རྣམ་པར་ཤེས་པའི་མཚན་ཉིད་
D108.049.0271a01.01ལ་མཁས་ཤིང་གོམས་པར་བྱ་བ་དང་། བདག་དང་བདག་གིར་འཛིན་པ་དང་། གང་ཟག་དང་། ཆོས་བདག་མེད་པ་བསྡུ་བ་དང་། སྐྱེ་བ་དང་། འཇིག་པ་དང་། རང་དང་སྤྱིའི་མཚན་ཉིད་ལ་མཁས་ཤིང་གོམས་པར་བྱ་བ་དང་། སོ་སོ་ཡང་དག་པར་རིག་པ་བཞི་རྣམ་པར་གདོན་མི་ཟ་བའི་སྟོབས་ལ་
D108.049.0271a02.01མཁས་པ་དང་། ཏིང་ངེ་འཛིན་གྱི་སྒོ་དང་། སའི་{གོ་རིམས་ཀྱི་,གོ་རིམ་གྱི་}མཚམས་སྦྱར་བ་དང་། བྱང་ཆུབ་ཀྱི་ཕྱོགས་ཀྱི་ཆོས་རྣམ་པར་དབྱེ་བར་བྱའོ། །བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་རང་དང་སྤྱིའི་མཚན་ཉིད་མི་ཤེས་ཤིང་ས་བདུན་ལ་མི་མཁས་པ་དང་། མུ་སྟེགས་ཅན་གྱི་ལོག་པའི་
D108.049.0271a03.01ལམ་དུ་ལྷུང་བར་མི་བྱ་བའི་ཕྱིར་སའི་{གོ་རིམས་ཀྱིས་,གོ་རིམ་གྱིས་}རྣམ་པར་གཞག་པ་ཡིན་ཏེ། བློ་གྲོས་ཆེན་པོ་འདི་ལ་ཡང་དག་པར་གང་ཡང་སྐྱེ་བའམ། འཇིག་པ་ཞེས་བྱ་བ་མེད་དོ། །གཞན་དུ་ན་འདི་ལྟ་སྟེ། སའི་{གོ་རིམས་ཀྱི་,གོ་རིམ་གྱི་}མཚམས་སྦྱར་བ་དང་། ཁམས་གསུམ་སྣ་ཚོགས་ཀྱི་སྤྱོད་པ་འདི་ནི་སེམས་
D108.049.0271a04.01སྣང་བ་ཙམ་སྟེ། བྱིས་པ་སོ་སོའི་སྐྱེ་བོ་རྣམས་ཀྱིས་ཁོང་དུ་མི་ཆུད་དོ། །བྱིས་པ་སོ་སོའི་སྐྱེ་བོ་རྣམས་ཀྱིས་ཁོང་དུ་མི་ཆུད་པས་འདི་ལྟ་སྟེ། ང་དང་སངས་རྒྱས་དེ་དག་གིས་སའི་{གོ་རིམས་ཀྱི་,གོ་རིམ་གྱི་}མཚམས་སྦྱར་བ་དང་། ཁམས་གསུམ་གྱི་སྤྱོད་པ་སྣ་ཚོགས་བསྟན་ཏོ། །གཞན་ཡང་བློ་གྲོས་ཆེན་པོ་ཉན་ཐོས་དང་།
D108.049.0271a05.01རང་སངས་རྒྱས་རྣམས་ནི་བྱང་ཆུབ་སེམས་དཔའི་ས་བརྒྱད་ལ་འགོག་པའི་སྙོམས་པར་འཇུག་པའི་བདེ་བའི་མྱོས་པས་མྱོས་ཏེ། རང་གི་སེམས་སྣང་བ་ཙམ་ལ་མི་མཁས་པས་རང་དང་སྤྱིའི་མཚན་ཉིད་དུ་ལྷུང་བ། བག་ཆགས་ཀྱིས་བསྒྲིབས་པ། གང་ཟག་དང་ཆོས་བདག་མེད་པར་ལྷུང་བ་ཆོས་སུ་འཛིན་
D108.049.0271a06.01པར་ལྟ་བ། རྣམ་པར་རྟོག་པས་མྱ་ངན་ལས་འདས་པར་རབ་ཏུ་ཤེས་པར་གྱུར་ཏེ། རབ་ཏུ་དབེན་པ་ལ་མོས་པའི་བློ་ནི་མ་ཡིན་ནོ། །བློ་གྲོས་ཆེན་པོ་བྱང་ཆུབ་སེམས་དཔའི་ནི་སྒོའི་བདེ་བ་མཐོང་ཡང་སྔོན་གྱི་སྨོན་ལམ་དང་། སྙིང་བརྩེ་བ་དང་། སྙིང་རྗེ་ཆེན་པོ་དང་ལྡན་ཞིང་མཐར་ཐུག་པའི་གནས་བཅུ་རྣམ་
D108.049.0271a07.01