完整藏文原文 · 德格版页 当前仅加载第 49 函德格 208b 版页；藏文 NFD、目录标记与异常页序保留在来源切片中，重复版页行以稳定序号区分。
པ་ཞིག་ཡིན་ན་ནི་དེས་རྟག་པ་ཉིད་དུ་འགྱུར་བ་ཞིག་ན། འདི་ལྟར་བྱེད་པའི་རྒྱུའི་མཚན་ཉིད་ཀྱི་ཕྱིར་རྟག་པ་དང་། བསམ་གྱིས་མི་ཁྱབ་པར་མི་འགྲུབ་བོ།། །།བློ་གྲོས་ཆེན་པོ་ངའི་དོན་དམ་པ་རྟག་པ་དང་། བསམ་གྱིས་མི་ཁྱབ་པ་ནི་དོན་དམ་པའི་རྒྱུའི་མཚན་ཉིད་ལས་གྲུབ་པ་ཡིན་
D108.049.0208b01.01ཏེ། དངོས་པོ་དང་དངོས་པོ་མེད་པ་དང་བྲལ་བ་རང་གིས་རིག་པའི་མཚན་ཉིད་ཐོབ་པའི་ཕྱིར་མཚན་ཉིད་དང་ལྡན་པའོ། །དོན་དམ་པའི་ཡེ་ཤེས་ཀྱི་རྒྱུར་གྱུར་པའི་ཕྱིར་རྒྱུ་དང་ལྡན་པའོ། །དངོས་པོ་དང་དངོས་པོ་མེད་པ་དང་བྲལ་བའི་ཕྱིར། དཔེར་ན་མ་བྱས་པ་ནམ་མཁའ་དང་།
D108.049.0208b02.01མྱ་ངན་ལས་འདས་པ་དང་། འགོག་པ་དང་འདྲ་བའི་ཕྱིར་རྟག་པ་སྟེ། དེའི་ཕྱིར་བློ་གྲོས་ཆེན་པོ་འདི་ནི་མུ་སྟེགས་ཅན་གྱི་རྟག་པ་དང་། བསམ་གྱིས་མི་ཁྱབ་པར་སྨྲ་བ་དང་། མཚུངས་པ་མ་ཡིན་ནོ། །བློ་གྲོས་ཆེན་པོ་རྟག་པ་དང་། བསམ་གྱིས་མི་ཁྱབ་པ་འདི་ནི་དེ་བཞིན་
D108.049.0208b03.01གཤེགས་པ་རྣམས་ཀྱི་སོ་སོ་རང་གིས་རིག་པ་འཕགས་པའི་ཡེ་ཤེས་ཀྱིས་ཐུགས་སུ་ཆུད་པར་བྱའོ། །དེ་བས་ན་རྟག་པ་དང་། བསམ་གྱིས་མི་ཁྱབ་པ་སོ་སོ་རང་གིས་རིག་པ་འཕགས་པའི་ཡེ་ཤེས་ཁོང་དུ་ཆུད་པར་བྱ་བ་ལ་རབ་ཏུ་བརྩོན་པར་བྱའོ། །གཞན་ཡང་བློ་གྲོས་
D108.049.0208b04.01ཆེན་པོ་མུ་སྟེགས་ཅན་གྱི་རྟག་པ་དང་། བསམ་གྱིས་མི་ཁྱབ་པ་ནི་མི་རྟག་པ་ཉིད་དེ། ཐ་དད་པའི་མཚན་ཉིད་ཀྱི་རྒྱུའི་ཕྱིར་དང་། བདག་གིས་བྱས་པའི་རྒྱུའི་མཚན་ཉིད་ཀྱི་སྟོབས་ཀྱི་ཕྱིར་རྟག་པ་མ་ཡིན་ནོ། །གཞན་ཡང་བློ་གྲོས་ཆེན་པོ་མུ་སྟེགས་ཅན་རྣམས་ཀྱི་རྟག་པ་དང་།
D108.049.0208b05.01བསམ་གྱིས་མི་ཁྱབ་པ་ནི་བྱས་པའི་དངོས་པོ་དངོས་པོ་མེད་པས་མི་རྟག་པ་ཉིད་དུ་མཐོང་ནས་རྟག་པ་ཡིན་ནོ་སྙམ་དུ་རྟོག་གོ། །བློ་གྲོས་ཆེན་པོ་ང་ཡང་དེ་བཞིན་དུ་རྒྱུ་དང་རྐྱེན་གྱིས་བྱས་པའི་དངོས་པོ་དངོས་པོ་མེད་པས་མི་རྟག་པ་ཉིད་དུ་མཐོང་ནས་སོ་སོ་རང་གིས་རིག་པའི་
D108.049.0208b06.01འཕགས་པའི་ཡེ་ཤེས་ཀྱིས་དེ་ལ་རྟག་པའི་རྒྱུ་མེད་པར་སྟོན་ཏོ། །བློ་གྲོས་ཆེན་པོ་གལ་ཏེ་ཡང་མུ་སྟེགས་ཅན་རྣམས་ཀྱི་རྒྱུའི་མཚན་ཉིད་དུ་གྲུབ་པ་ཞིག་ཡིན་ན་ནི་རྟག་པ་དང་། བསམ་གྱིས་མི་ཁྱབ་པའི་རྒྱུའི་རང་གི་མཚན་ཉིད་ཀྱི་དངོས་པོ་དངོས་པོ་མེད་པས་རི་བོང་གི་
D108.049.0208b07.01