完整藏文原文 · 德格版页 当前仅加载第 49 函德格 283b 版页；藏文 NFD、目录标记与异常页序保留在来源切片中，重复版页行以稳定序号区分。
བའི་ཕྱིར་ཤ་བཟའ་བར་མི་བྱའོ། །དགོན་པའི་གནས་ནགས་ཚལ་དག་ན་གནས་པའི་ཚེ་སྟག་དང་སྤྱང་ཀི་ལ་སོགས་པས་དྲི་ཚོར་བར་འགྱུར་བའི་ཕྱིར་ཤ་བཟའ་བར་མི་བྱའོ། །ཟས་ཀྱི་ཚོད་མི་ཟིན་པར་བྱེད་པའི་ཕྱིར་ཤ་བཟའ་བར་མི་བྱའོ། །རྣལ་འབྱོར་པ་རྣམས་ཡོངས་སུ་སྐྱོ་བའི་སེམས་སྐྱེ་
D108.049.0283b01.01བར་མི་འགྱུར་བའི་ཕྱིར་ཤ་བཟའ་བར་མི་བྱའོ། །ངས་རྟག་ཏུ་ཇི་ཙམ་དུ་བཟའ་བ་དང་བཏུང་བ་རྣམས་ལ་བུའི་ཤའི་འདུ་ཤེས་དང་། སྨན་གྱི་འདུ་ཤེས་བྱའོ་ཞེས་བཤད་པའི་ཕྱིར་ཤ་བཟའ་བར་མི་བྱ་སྟེ། ངས་ཤ་བཟའ་བར་གནང་ངོ་ཞེས་ཟེར་ན་དེ་ནི་གནས་མེད་དོ། །གཞན་ཡང་
D108.049.0283b02.01བློ་གྲོས་ཆེན་པོ་སྔོན་འདས་པའི་དུས་ན་རྒྱལ་པོ་སེང་གེ་འབངས་བཟང་ཞེས་བྱ་བ་ཞིག་བྱུང་སྟེ། ཤ་སྣ་ཚོགས་ལ་ཟ་ཞིང་མི་ཤ་ཡང་ཟོས་པར་གྱུར་པས་བློན་པོ་དང་། གཉེན་དང་། གཉེན་འདབ་ཀྱི་སྐྱེ་བོའི་ཚོགས་རྣམས་ལོག་ནས་སྔོན་གྱི་དབང་ཐང་རྣམས་ཀྱང་བཅད་པས་
D108.049.0283b03.01ཉོན་མོངས་པར་གྱུར་ཏོ། །དེ་ལྟ་བས་ན་ཤ་ཟ་བ་ལ་ཉེས་དམིགས་འདི་ལྟ་བུ་ཡོད་པའི་ཕྱིར་ཤ་བཟའ་བར་མི་བྱའོ། །གཞན་ཡང་བློ་གྲོས་ཆེན་པོ་དེ་ལ་སྲོག་གཅོད་པ་དག་ནི་ཁེ་འདོད་པའི་ཕྱིར་སྲོག་བཅད་ནས་འཚོང་བར་བྱེད་དོ། །གང་བླུན་པོ་ཤ་ཟ་བ་དེ་དག་ནི་རིན་གྱིས་
D108.049.0283b04.01ཤ་རྣམས་ཉོ་བར་བྱེད་དོ། །སྲོག་གཅོད་པར་བྱེད་པ་དེ་དག་ཁེ་འདོད་པའི་ཕྱིར་ལྕགས་ཀྱུ་དང་རྒྱ་རྣམས་ཀྱིས་སྲོག་ཆགས་ནམ་མཁའ་ལ་རྒྱུ་བ་དང་། ཆུ་ལ་གནས་པ་དང་། ས་ལ་འགྲོ་བ་དག་རྣམ་པ་དུ་མས་གསོད་ཅིང་ཁེ་ཚོལ་བར་བྱེད་དོ། །བློ་གྲོས་ཆེན་པོ་
D108.049.0283b05.01བྱེད་དུ་མ་བཅུག་པ་དང་། མ་བཙལ་བ་དང་། འདུ་ཤེས་མེད་པ་ཞེས་བྱ་བའི་ཤ་གང་ཡང་མེད་པས་དེའི་ཕྱིར་ཤ་བཟའ་བར་མི་བྱའོ། །བློ་གྲོས་ཆེན་པོ་ངས་སྔར་ཤ་རྣམ་པ་ལྔ་དང་བཅུ་བཀག་ལ་མདོ་སྡེ་འདིར་ནི་རྣམ་པ་ཐམས་ཅད་དང་དུས་ཐམས་ཅད་དུ་ཐབས་ཀྱིས་གནང་བ་
D108.049.0283b06.01ཐམས་ཅད་ཀྱང་བཀག་གོ། །བློ་གྲོས་ཆེན་པོ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ལ་ནི་བཟའ་བར་བྱ་བ་ཡང་མེད་ན་ཉའི་ཤ་ཟ་བ་ལྟ་ཅི་སྨོས་ཏེ། གཞན་ཡང་བྱེད་དུ་མི་འཇུག་གོ། །ཐུགས་རྗེ་ཆེན་པོ་སྔོན་དུ་འགྲོ་བའི་ཕྱིར་
D108.049.0283b07.01