完整藏文原文 · 德格版页 当前仅加载第 49 函德格 233a 版页；藏文 NFD、目录标记与异常页序保留在来源切片中，重复版页行以稳定序号区分。
པར་རྟོག་པ་སྤངས་པའི་ཕྱིར་ཆོས་རྣམས་ལ་ཐེ་ཙོམ་མི་སྐྱེ་བས་གཞན་ལ་སྟོན་པའམ། དག་པའམ། མ་དག་པའི་ལྟ་བ་སྐྱེད་པར་མི་བྱེད་དེ། འདི་ནི་རྒྱུན་དུ་ཞུགས་པ་ཐེ་ཙོམ་སྤངས་པའི་མཚན་ཉིད་དོ། །བློ་གྲོས་ཆེན་པོ་ཅིའི་ཕྱིར་རྒྱུན་དུ་ཞུགས་པའི་ཚུལ་
D108.049.0233a01.01ཁྲིམས་མི་སྙེམས་ཤེ་ན། འདི་ལྟ་སྟེ། སྐྱེ་བའི་གནས་ཀྱི་སྡུག་བསྔལ་གྱི་མཚན་ཉིད་རབ་ཏུ་མཐོང་བས་ན་དེའི་ཕྱིར་མི་སྙེམས་སོ། །བློ་གྲོས་ཆེན་པོ་སྙེམས་པ་ནི་འདི་ལྟ་སྟེ། བྱིས་པ་སོ་སོའི་སྐྱེ་བོ་དག་མི་འགྱུར་བར་དཀའ་ཐུབ་ལེན་ཅིང་སྦྱོར་བ་དག་གིས་ལོངས་སྤྱོད་དང་།
D108.049.0233a02.01བདེ་བ་འདོད་པའི་ཕྱིར་སྐྱེ་བ་གཉེར་བར་བྱེད་དོ། །དེ་དེ་ལྟར་མི་སྙེམས་པ་ཡང་གཞན་དུ་ན་འདི་ལྟར་ཡོངས་སུ་སྔོ་བར་བྱེད་དེ། སོ་སོ་རང་གིས་རིག་པའི་ཁྱད་པར་རྣམ་པར་རྟོག་པ་དང་བྲལ་བ་ཟག་པ་མེད་པའི་ཆོས་ཀྱི་མཚན་ཉིད་ལ་རབ་ཏུ་སྦྱོར་བའི་ཕྱིར་ཚུལ་ཁྲིམས་ཀྱི་ཡན་ལག་
D108.049.0233a03.01ཡང་དག་པར་ལེན་ཅིང་སྲུང་བར་བྱེད་དེ། འདི་ནི་རྒྱུན་དུ་ཞུགས་པའི་ཚུལ་ཁྲིམས་དང་། བརྟུལ་ཞུགས་སྤངས་པའི་མཚན་ཉིད་ཡིན་ནོ། །རྒྱུན་དུ་ཞུགས་པས་ཀུན་ཏུ་སྦྱོར་བ་གསུམ་སྤངས་པ་ལ་ནི་འདོད་ཆགས་དང་། གཏི་མུག་མི་འབྱུང་སྟེ། གལ་ཏེ་རྒྱུན་དུ་ཞུགས་པ་
D108.049.0233a04.01འདི་སྙམ་དུ་ཀུན་དུ་སྦྱོར་བ་འདི་རྣམས་ནི་བདག་ལ་མངོན་པར་མ་གྲུབ་བོ་སྙམ་དུ་སེམས་པ་ནི་ཉེས་པ་རྣམས་གཉིས་ཡོད་པར་འགྱུར་ཏེ། འཇིག་ཚོགས་ལ་ལྟ་བར་སོང་བ་དང་། ཀུན་དུ་སྦྱོར་བ་རྣམས་མ་སྤངས་པའོ། །བློ་གྲོས་ཆེན་པོས་བཅོམ་ལྡན་འདས་ལ་གསོལ་པ། བཅོམ་ལྡན་
D108.049.0233a05.01འདས་ཀྱིས་ནི་འདོད་ཆགས་ཀྱི་རྣམ་པ་མང་དུ་གསུངས་ན། དེས་འདོད་ཆགས་གང་ཞིག་སྤངས་ལགས། བཅོམ་ལྡན་འདས་ཀྱིས་བཀའ་སྩལ་པ། བློ་གྲོས་ཆེན་པོ་བུད་མེད་ལ་སྲེད་ཅིང་འདོད་པ་དང་། མངོན་པར་ཆགས་ཤིང་ཞེན་པའི་ཐབས་རྣམ་པ་སྣ་ཚོགས་ལས་བྱུང་བ། ལུས་
D108.049.0233a06.01དང་ངག་གི་ལས་ཁ་ན་མ་ཐོ་བ་དང་བཅས་པ་དེས་ད་ལྟར་གྱི་བདེ་བ་ལ་སྲེད་ཅིང་མ་འོངས་པ་ན་སྡུག་བསྔལ་སྐྱེ་བར་འགྱུར་བ་དེ་དག་དེ་ལ་མི་འབྱུང་ངོ་། དེ་ཅིའི་ཕྱིར་ཞེ་ན། ཏིང་ངེ་འཛིན་གྱི་བདེ་བ་ལ་གནས་པ་ཐོབ་པས་དེའི་ཕྱིར་དེ་སྤངས་པ་ཡིན་ཏེ། མྱ་ངན་ལས་འདས་པ་རྟོགས་པར་བྱ་བའི་འདོད་
D108.049.0233a07.01