完整藏文原文 · 德格版页 当前仅加载第 49 函德格 268b 版页；藏文 NFD、目录标记与异常页序保留在来源切片中，重复版页行以稳定序号区分。
གོ། །བློ་གྲོས་ཆེན་པོ་འདི་ནི་དངོས་པོ་ཐམས་ཅད་ཀྱི་དངོས་པོ་མེད་པའི་ཕྱིར་མི་རྟག་པའི་བྱ་བའོ། །མི་རྟག་པ་མ་གཏོགས་པར་གཞན་གང་ཡང་ཆོས་ཐམས་ཅད་ཀྱི་དངོས་པོ་དངོས་པོ་མེད་པར་བྱེད་པ་མི་དམིགས་ཏེ། ཇི་ལྟར་དབྱུག་པ་དང་། གྱོ་མོ་དང་། རྡོ་བས་དངོས་པོ་དག་བཅོམ་པར་བྱེད་
D108.049.0268b01.01པ་བཞིན་ནོ། །མངོན་སུམ་དུ་སོ་སོས་ཐ་མི་དད་པར་མཐོང་བས་མི་རྟག་པ་ཉིད་དངོས་པོའི་བྱ་བ་ཡིན་གྱི། བྱེད་པ་དང་བྱ་བ་བྱེ་བྲག་ཡོད་པ་ནི་མ་ཡིན་ཏེ། འདི་ནི་མི་རྟག་པ་ཉིད་དོ། །འདི་ནི་བྱ་བའོ་ཞེས་བྱ་བའི་བྱེ་བྲག་མེད་པའི་ཕྱིར་རོ། །བྱེད་པ་དང་བྱ་བ་ཐ་མི་དད་ན་ནི་དངོས་པོ་ཐམས་ཅད་རྟག་
D108.049.0268b02.01ཅིང་རྒྱུའི་ངོ་བོ་ཉིད་མེད་པར་འགྱུར་རོ། །བློ་གྲོས་ཆེན་པོ་དངོས་པོ་ཐམས་ཅད་ཀྱི་ངོ་བོ་ཉིད་མེད་པ་ནི་རྒྱུ་ཡོད་དེ། བྱིས་པ་སོ་སོའི་སྐྱེ་བོ་རྣམས་ཀྱིས་ཤེས་པར་བྱ་བ་མ་ཡིན་ནོ། །རྒྱུ་མ་ཡིན་ན་མི་འདྲ་བའི་དངོས་པོ་སྐྱེད་པར་འགྱུར་རོ། །ཅི་སྟེ་སྐྱེད་ན་ནི་དངོས་པོ་ཐམས་ཅད་མི་རྟག་པར་ཡང་འགྱུར་
D108.049.0268b03.01ཞིང་། །དངོས་པོ་མི་འདྲ་བ་ཡང་ཡིན་པས་བྱེད་པ་དང་བྱ་བ་ཡང་བྱེ་བྲག་མེད་པར་ཡང་འགྱུར་ལ། ཐམས་ཅད་ཀྱིས་བྱེ་བྲག་ཡོད་པར་ཡང་མཐོང་བར་འགྱུར་རོ། །གལ་ཏེ་ངོ་བོ་ཉིད་མི་རྟག་པ་ཉིད་ཡིན་ན་ནི་བྱ་བའི་རྒྱུའི་ངོ་བོ་ཉིད་ཀྱི་མཚན་ཉིད་དུ་ལྷུང་བར་གྱུར་ན་ནི་དངོས་པོ་ཐམས་ཅད་ཡོངས་
D108.049.0268b04.01སུ་རྫོགས་པར་མི་འགྱུར་རོ། །དངོས་པོ་ཐམས་ཅད་བྱེད་པའི་རྒྱུའི་མཚན་ཉིད་དུ་ལྷུང་ན་ནི་མི་རྟག་པ་བདག་ཉིད་མི་རྟག་པར་འགྱུར་རོ། །མི་རྟག་པ་ཉིད་མི་རྟག་པའི་ཕྱིར་དངོས་པོ་ཐམས་ཅད་མི་རྟག་པར་མི་འགྱུར་ཏེ་རྟག་པ་ཉིད་དུ་འགྱུར་རོ། །གལ་ཏེ་མི་རྟག་པ་དངོས་པོ་ཐམས་ཅད་ཀྱི་ནང་དུ་སོང་བ་
D108.049.0268b05.01ཡིན་ན་ནི་དུས་གསུམ་དུ་ལྷུང་བར་འགྱུར་ཏེ། གང་འདས་པའི་གཟུགས་དེ་ནི་ཞིག་པ་དང་ལྡན་པའོ། །གང་མ་འོངས་པ་ནི་མ་སྐྱེས་པ་སྟེ། གཟུགས་མ་སྐྱེས་པའི་ཕྱིར་རོ། །ད་ལྟར་གྱི་གཟུགས་ནི་འཇིག་པའི་མཚན་ཉིད་དང་ལྡན་པའོ། །དེ་ལ་གཟུགས་ནི་འབྱུང་བ་ཆེན་པོ་རྣམས་བསགས་པའི་བྱེ་བྲག་
D108.049.0268b06.01གོ། །འབྱུང་བ་ཆེན་པོ་དག་དང་། འབྱུང་བ་ལས་གྱུར་པའི་གཟུགས་རྣམས་ཀྱི་རང་བཞིན་ནི་མི་འཇིག་སྟེ། ཐ་དད་པ་དང་། ཐ་དད་པ་མ་ཡིན་པ་སྤངས་པའི་ཕྱིར་རོ་ཞེས་མུ་སྟེགས་ཅན་ཐམས་ཅད་འབྱུང་བ་ཆེན་པོ་རྣམས་མི་འཇིག་པར་རྟོག་གོ། །བློ་གྲོས་ཆེན་པོ་སྲིད་པ་གསུམ་པོ་ཐམས་ཅད་
D108.049.0268b07.01