完整藏文原文 · 德格版页 当前仅加载第 49 函德格 249b 版页；藏文 NFD、目录标记与异常页序保留在来源切片中，重复版页行以稳定序号区分。
ཉིད་ལ་མཁས་པས་ཚིག་དང་ཡི་གེ་ལ་རྣམ་པར་རྟོག་པའི་བློ་ཡོངས་སུ་སྤངས་ཏེ། སངས་རྒྱས་ཀྱི་ཞིང་ཐམས་ཅད་བགྲོད་ཅིང་འཁོར་གྱི་དཀྱིལ་འཁོར་དཔག་ཏུ་མ་མཆིས་པར་མཆི་བ་དང་། སྟོབས་དང་། དབང་བ་དང་། མངོན་པར་ཤེས་པ་དང་། གཟུངས་ཀྱི་ཕྱག་རྒྱ་དང་།
D108.049.0249b01.01སྤྲུལ་པ་སྣ་ཚོགས་དང་། འོད་ཟེར་གྱིས་ཀུན་དུ་གསལ་བར་བགྱིད་ཅིང་རིག་པའི་བློས་མཐར་ཐུག་པའི་གནས་བཅུ་ལ་རབ་ཏུ་འཇུག་པ་དང་། སྦྱོར་བ་མངོན་པར་འདུ་བགྱིད་པ་མ་མཆིས་པས་ཉི་མ་དང་། ཟླ་བ་དང་། ནོར་བུ་དང་། འབྱུང་བ་ཆེན་པོ་བཞི་དང་མཚུངས་པ་དང་།
D108.049.0249b02.01ས་ཐམས་ཅད་ལ་རང་གི་སེམས་རྣམ་པར་རྟོག་པའི་མཚན་ཉིད་དུ་ལྟ་བ་སྤངས་ཤིང་ཆོས་ཐམས་ཅད་སྒྱུ་མ་དང་། རྨི་ལམ་ལ་སོགས་པ་ལྟ་བུར་མཐོང་བས་སངས་རྒྱས་ཀྱི་ས་དང་སྐུ་ལ་འཇུག་པ་དང་། སེམས་ཅན་གྱི་ཁམས་ཐམས་ཅད་ལ་ཅི་རིགས་པར་ཆོས་སྟོན་པས་དྲངས་ཏེ།
D108.049.0249b03.01ཆོས་ཐམས་ཅད་སྒྱུ་མ་དང་། རྨི་ལམ་ལ་སོགས་པ་ལྟ་བུར་ཁོང་དུ་ཆུད་པར་བགྱི་བ་དང་། མཆིས་པ་དང་མ་མཆིས་པའི་ཕྱོགས་དང་། སྐྱེ་བ་དང་། འཇིག་པའི་རྣམ་པར་རྟོག་པ་སྤོང་བར་བརྗོད་པ་དང་། ཐ་དད་པའི་དོན་ལ་རབ་ཏུ་འགོད་པས་ལུས་ཁྱད་པར་ཅན་དུ་ཡང་འགྱུར་
D108.049.0249b04.01རོ། །བཅོམ་ལྡན་འདས་ཀྱིས་བཀའ་སྩལ་པ། བློ་གྲོས་ཆེན་པོ་ལེགས་སོ་ལེགས་སོ། །དེའི་ཕྱིར་ཤིན་ཏུ་ལེགས་པར་ཉོན་ལ་ཡིད་ལ་ཟུང་ཤིག་དང་། ངས་ཁྱོད་ལ་བཤད་དོ། །བློ་གྲོས་ཆེན་པོས་བཅོམ་ལྡན་འདས་ཀྱིས་གསུངས་པ་དེ་བཞིན་དུ་འཚལ་ལོ་ཞེས་བཀའ་
D108.049.0249b05.01མཉན་པ་དང་། བཅོམ་ལྡན་འདས་ཀྱིས་བཀའ་སྩལ་པ། བློ་གྲོས་ཆེན་པོ་ཆོས་ཐམས་ཅད་ལ་སྒྲ་ཇི་བཞིན་དུ་མངོན་པར་ཞེན་པའི་མཚམས་སྦྱོར་བ་ནི་ཚད་མེད་དེ། འདི་ལྟ་སྟེ། མཚན་ཉིད་ལ་མངོན་པར་ཞེན་པའི་མཚམས་སྦྱོར་བ་དང་། རྐྱེན་ལ་མངོན་པར་ཞེན་པའི་
D108.049.0249b06.01མཚམས་སྦྱོར་བ་དང་། དངོས་པོ་དང་དངོས་པོ་མེད་པ་ལ་མངོན་པར་ཞེན་པའི་མཚམས་སྦྱོར་བ་དང་། སྐྱེ་བ་དང་མི་སྐྱེ་བར་རྣམ་པར་རྟོག་པ་ལ་མངོན་པར་ཞེན་པའི་མཚམས་སྦྱོར་བ་དང་། འགོག་པ་མ་ཡིན་པར་རྣམ་པར་རྟོག་པ་མངོན་པར་ཞེན་པའི་མཚམས་སྦྱོར་བ་དང་།
D108.049.0249b07.01