完整藏文原文 · 德格版页 当前仅加载第 49 函德格 252b 版页；藏文 NFD、目录标记与异常页序保留在来源切片中，重复版页行以稳定序号区分。
གཏོགས་པའི་ཕྱིར་རོ། །མ་ཉམས་པའི་མཚན་ཉིད་ནི་མི་སྐྱེ་བའི་ཕྱིར་ཆོས་ཐམས་ཅད་མ་སྐྱེས་པ་ཞེས་དམ་བཅས་ན་སྨྲ་བ་དེ་ཉམས་པར་འགྱུར་རོ། །བློ་གྲོས་ཆེན་པོ་ཡོད་པ་དང་། མེད་པ་མ་སྐྱེས་པར་དམ་བཅས་པའི་དམ་བཅས་པ་དེ་ནི་དངོས་པོ་ཐམས་ཅད་ཀྱི་ནང་དུ་གཏོགས་
D108.049.0252b01.01པས་ཡོད་པ་དང་མེད་པའི་མཚན་ཉིད་མི་དམིགས་སོ། །བློ་གྲོས་ཆེན་པོ་གལ་ཏེ་དམ་བཅས་པ་མ་སྐྱེས་པ་དེས་དངོས་པོ་ཐམས་ཅད་མ་སྐྱེས་པའོ་ཞེས་དམ་བཅའ་བར་བྱེད་ན། དེ་ལྟ་ན་ཡང་དམ་བཅས་པ་ལས་ཉམས་པར་འགྱུར་ཏེ། འདི་ལྟར་ཡོད་པ་དང་མེད་པའི་དངོས་
D108.049.0252b02.01པོའི་མཚན་ཉིད་ནི་མི་སྐྱེ་བའི་ཕྱིར་དམ་བཅའ་བར་མི་བྱའོ། །ཡན་ལག་ལྔ་དང་ལྡན་པའི་སྨྲ་བ་ནི་ཉེས་པ་མང་པོའི་ཕྱིར་དང་། ཕན་ཚུན་རྒྱུ་ཐ་དད་པའི་མཚན་ཉིད་ཀྱི་ཕྱིར་དང་། བྱས་པའི་ཕྱིར་ཡན་ལག་རྣམས་དམ་བཅའ་བར་མི་བྱའོ། །འདི་ལྟ་སྟེ། ཆོས་ཐམས་ཅད་
D108.049.0252b03.01མ་སྐྱེས་པ་དང་། དེ་བཞིན་དུ་ཆོས་ཐམས་ཅད་སྟོང་པ་དང་། རང་བཞིན་མེད་པའོ་ཞེས་དམ་བཅའ་བར་མི་བྱ་མོད་ཀྱི། བློ་གྲོས་ཆེན་པོ་འོན་ཀྱང་བྱང་ཆུབ་སེམས་དཔའ་སེམས་དཔའ་ཆེན་པོས་ཆོས་ཐམས་ཅད་སྒྱུ་མ་དང་། རྨི་ལམ་ལྟ་བུ་བསྟན་པར་བྱ་སྟེ། སྣང་བ་དང་།
D108.049.0252b04.01མི་སྣང་བའི་མཚན་ཉིད་ཀྱི་ཕྱིར་ལྟ་བ་དང་། བློ་སླུ་བར་བྱེད་པའི་ཕྱིར་ཆོས་ཐམས་ཅད་སྒྱུ་མ་དང་། རྨི་ལམ་ལྟ་བུའི་ངོ་བོ་ཉིད་དུ་བསྟན་པར་བྱའོ། །གཞན་དུ་ན་བྱིས་པ་སོ་སོའི་སྐྱེ་བོ་རྣམས་སྐྲག་པའི་གནས་སྤང་བར་བྱ་བའི་ཕྱིར་དང་། བློ་གྲོས་ཆེན་པོ་བྱིས་པ་སོ་སོའི་སྐྱེ་བོ་
D108.049.0252b05.01རྣམས་ཡོད་པ་དང་། མེད་པའི་ལྟ་བར་ལྷུང་བ་དེ་དག་སྐྲག་པར་མི་འགྱུར་ཞིང་ཐེག་པ་ཆེན་པོ་ལས་རིང་དུ་མི་འགྱུར་བར་བྱ་བའི་ཕྱིར་རོ། །དེ་ནས་བཅོམ་ལྡན་འདས་ཀྱིས་དོན་དེ་ཉིད་ཡང་བསྟན་པའི་ཕྱིར་ཚིགས་སུ་བཅད་པ་འདི་དག་གསུངས་སོ། །རང་བཞིན་མེད་པས་བརྗོད་དུ་
D108.049.0252b06.01མེད། །དངོས་པོ་མེད་ཅིང་མཚམས་སྦྱོར་མེད། །འདི་དག་རོ་བཞིན་བྱིས་པ་ཡི། །ལོག་པའི་བློ་ཡིས་རྣམ་པར་བརྟགས། །ཆོས་རྣམས་ཐམས་ཅད་མ་སྐྱེས་པ། །དེ་ནི་མུ་སྟེགས་གཞུང་མ་ཡིན། །མཐར་ནི་སྐྱེ་བ་གང་ཡང་མེད། །དངོས་པོ་རྐྱེན་གྱིས་བསྒྲུབས་པའོ། །
D108.049.0252b07.01