完整藏文原文 · 德格版页 当前仅加载第 49 函德格 194a 版页；藏文 NFD、目录标记与异常页序保留在来源切片中，重复版页行以稳定序号区分。
ངན་པའི་མི་རྣམས་ཇི་ལྟ་བུ། །རྒྱུ་གང་གིས་ནི་ངན་པར་འགྱུར། །ཚིག་དྲུག་གིས་ནི་ཇི་ལྟར་བསྡུས། །འདོད་ཆེན་པར་ཡང་ཇི་ལྟར་འགྱུར། །སྐྱེས་པ་བུད་མེད་མ་ནིང་རྣམས། །དེ་དག་ཐམས་ཅད་ཅི་སླད་འབྱུང་། །རྣལ་འབྱོར་ལས་ནི་ཇི་ལྟར་ལྡོག །
D108.049.0194a01.01རྣལ་འབྱོར་ཇི་ལྟར་སྐྱེ་བར་འགྱུར། །རྣལ་འབྱོར་པས་ནི་ཆོས་གང་གིས། །ཅི་འདྲའི་གང་ཟག་རྣམ་པར་འཇོག །སེམས་ཅན་འགྲོ་བར་སྐྱེ་བ་རྣམས། །མཚན་ཉིད་མཚན་མའི་རྣམ་པ་ཅི། །ཕྱུག་པོར་གྱུར་པ་ཇི་ལྟ་བུ། །རྒྱུ་གང་གིས་ནི་ཕྱུག་པོར་འགྱུར། །ཤཱཀྱའི་རིགས་
D108.049.0194a02.01ནི་ཇི་ལྟ་བུ། །ཅི་ཡི་རྒྱུ་ཡིས་ཤཱཀྱ་བྱུང་། །བུ་རམ་ཤིང་པ་ཇི་ལྟར་བྱུང་། །བླ་མེད་གཙོ་བོས་བཤད་དུ་གསོལ། །ཡུན་རིང་དཀའ་ཐུབ་དྲང་སྲོང་གང་། །དེས་ནི་ཇི་ལྟར་རྗེས་སུ་སྟོན། །དེ་བཞིན་གཤེགས་པ་ཞིང་རྣམས་སུ། །མཚན་དང་དེ་བཞིན་གཟུགས་སྣ་ཚོགས། །རྒྱལ་
D108.049.0194a03.01བའི་སྲས་ཀྱིས་བསྐོར་བ་ཡང་། །ཅི་ཡི་སླད་དུ་ཀུན་ན་གདའ། །ཅི་སླད་ཤ་རྣམས་གསོལ་མི་མཛད། །ཅི་སླད་ཤ་ནི་རབ་ཏུ་བཀག །ཤ་ཟའི་རིགས་སུ་སྐྱེས་པ་རྣམས། །རྒྱུ་གང་གིས་ནི་ཤ་འཚལ་ལགས། །ཉི་ཟླའི་དབྱིབས་ཤིང་ཇི་ལྟ་བུ། །རི་རབ་པདྨ་འདྲ་བ་དང་། །སེང་གེ་
D108.049.0194a04.01མཚན་མཆོག་ཞིང་དག་དང་། །འཇིག་རྟེན་གཟུར་གནས་སྤྱིའུ་ཚུགས་དང་། །དབང་པོའི་དྲ་བ་འདྲ་བ་དང་། །ཁ་ཅིག་རིན་ཆེན་ཀུན་གྱི་ཞིང་། །དགུ་པོ་རྒྱུད་{མངས་,མང་}རྔ་འདྲ་དང་། །མེ་ཏོག་སྣ་ཚོགས་དབྱིབས་འདྲ་དང་། །ཁ་ཅིག་ཉི་ཟླའི་འོད་དང་བྲལ། །འདྲི་ལ་སོགས་པ་ཚད་མ་
D108.049.0194a05.01མཆིས། །སྤྲུལ་པའི་སངས་རྒྱས་ཇི་ལྟ་བུ། །རྣམ་སྨིན་ལས་བྱུང་སངས་རྒྱས་དང་། །དེ་བཞིན་ཉིད་ཀྱི་སངས་རྒྱས་ཅི། །ཡེ་ཤེས་སངས་རྒྱས་ཇི་ལྟ་བུ། །ཅི་སླད་འདོད་པའི་ཁམས་རྣམས་སུ། །མངོན་པར་རྫོགས་པར་འཚང་མི་རྒྱ། །ཅི་ཡི་སླད་དུ་འོག་མིན་པ། །ཆགས་བྲལ་
D108.049.0194a06.01ཁྲོད་དུ་བྱང་ཆུབ་བརྙེས། །བདེ་གཤེགས་མྱ་ངན་འདས་ནས་ནི། །ཡང་དག་བསྟན་པ་སུ་ཞིག་འཛིན། །ལྷ་ཡི་སྟོན་པ་ཇི་སྲིད་བཞུགས། །ཡང་དག་ཆོས་ནི་ཇི་སྲིད་གནས། །གྲུབ་མཐའ་དང་ནི་ལྟ་བ་ཡང་། །དེ་དག་ལ་ནི་རྣམ་པ་དུ། །འདུལ་བ་དང་ནི་དགེ་སློང་རིས། །ཅི་སླད་རྒྱུ་དང་རྐྱེན་
D108.049.0194a07.01