完整藏文原文 · 德格版页 当前仅加载第 49 函德格 258b 版页；藏文 NFD、目录标记与异常页序保留在来源切片中，重复版页行以稳定序号区分。
པར་སྨྲ་བ་ཡོངས་སུ་བཟུང་བས་ནི་རྟག་པར་ལྟ་བ་འབྱུང་ངོ་། །ཕྱི་རོལ་གྱི་རྒྱུ་འཇིག་ཅིང་རྒྱུ་དང་རྐྱེན་དངོས་པོ་མེད་པར་མཐོང་བ་ལས་ནི་ཆད་པར་ལྟ་བ་འབྱུང་སྟེ། བློ་གྲོས་ཆེན་པོ་དེ་ནི་སྐྱེ་བ་དང་། གནས་པ་དང་། འཇིག་པ་མི་མཐོང་བའི་ཕྱིར་ཆོས་ཞེས་བྱའོ། །བློ་གྲོས་ཆེན་
D108.049.0258b01.01པོ་དེ་ནི་ཟང་ཟིང་དང་ཆོས་ཞེས་བྱ་སྟེ། དེ་ལ་ཁྱོད་དང་བྱང་ཆུབ་སེམས་དཔའ་སེམས་དཔའ་ཆེན་པོ་གཞན་དག་གིས་བསླབ་པར་བྱའོ། །དེ་ནས་བཅོམ་ལྡན་འདས་ཀྱིས་དོན་དེ་ཉིད་ཡང་བསྟན་པའི་ཕྱིར་ཚིགས་སུ་བཅད་པ་འདི་དག་གསུངས་སོ། །འཇིག་རྟེན་རྒྱང་པན་ཐམས་
D108.049.0258b02.01ཅད་ནི། །མུ་སྟེགས་ཅན་གྱིས་བཤད་དེ་{བརྫུན,རྫུན}། །རྣམ་རྟོག་བྱེད་དང་བྱ་བར་མཐོང་། །དེ་ལ་རང་གི་གྲུབ་མཐའ་མེད། །ང་ཡི་གྲུབ་མཐའ་འདི་འབའ་ཞིག །བྱེད་དང་བྱ་བ་ཡོངས་སུ་སྤངས། །འཇིག་རྟེན་རྒྱང་པན་རྣམ་བྲལ་བ། །སློབ་མ་རྣམས་ལ་རབ་ཏུ་བཤད། །སེམས་
D108.049.0258b03.01ཙམ་དེ་ནི་མི་དམིགས་པས། །སེམས་གཉིས་སོ་སོར་རྟོག་མི་བྱེད། །གཟུང་དང་འཛིན་པ་དངོས་མེད་དེ། །རྟག་ཆད་གཉི་ག་ཡོངས་སུ་སྤངས། །ཇི་སྲིད་སེམས་ནི་འཇུག་པའི་བར། །དེ་སྲིད་འཇིག་རྟེན་རྒྱང་པན་ཡིན། །རྣམ་པར་རྟོག་པ་མི་འཇུག་ན། །དེས་ནི་རང་གི་
D108.049.0258b04.01སེམས་མཐོང་ངོ་། །འོང་ཚེ་དངོས་པོ་སྐྱེ་ཞེས་བྱ། །འགྲོ་ཚེ་དངོས་པོ་ཡོང་མི་སྣང་། །འགྲོ་འོང་ལེགས་པར་གསལ་རྟོགས་ན། །རྣམ་པར་རྟོག་པ་ཡང་མི་སྐྱེ། །རྟག་པ་དང་ནི་མི་རྟག་དང་། །བྱས་པ་དང་ནི་མ་བྱས་པ། །འཇིག་རྟེན་འདི་དང་འཇིག་རྟེན་གཞན། །ཐམས་ཅད་
D108.049.0258b05.01འཇིག་རྟེན་རྒྱང་པན་ཚུལ། །དེ་ནས་ཡང་བློ་གྲོས་ཆེན་པོས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་མྱ་ངན་ལས་འདས་པ་ཞེས་བགྱི་བ། ཆོས་ཇི་ལྟ་བུ་ཞིག་ལ་མྱ་ངན་ལས་འདས་པ་ཞེས་བགྱི་ན། མུ་སྟེགས་ཅན་རྣམས་སོ་སོ་ནས་རྣམ་པར་
D108.049.0258b06.01རྟོག་པ་སྐྱེད་པར་བགྱིད། བཅོམ་ལྡན་འདས་ཀྱིས་བཀའ་སྩལ་པ། བློ་གྲོས་ཆེན་པོ་དེའི་ཕྱིར་ཤིན་ཏུ་ལེགས་པར་ཉོན་ལ་ཡིད་ལ་ཟུང་ཤིག་དང་། ངས་ཁྱོད་ལ་ཇི་ལྟར་མུ་སྟེགས་ཅན་རྣམས་མྱ་ངན་ལས་འདས་པར་རྣམ་པར་རྟོག་པ་དང་། དེ་དག་གི་རྣམ་པར་རྟོག་པ་
D108.049.0258b07.01