完整藏文原文 · 德格版页 当前仅加载第 49 函德格 215a 版页；藏文 NFD、目录标记与异常页序保留在来源切片中，重复版页行以稳定序号区分。
བཤད་དོ། །བློ་གྲོས་ཆེན་པོ་དེ་ལ་མདོར་བཤད་ན་སྟོང་པ་ཉིད་ནི་རྣམ་པ་བདུན་ཏེ། འདི་ལྟ་སྟེ། མཚན་ཉིད་སྟོང་པ་ཉིད་དང་། དངོས་པོའི་རང་བཞིན་སྟོང་པ་ཉིད་དང་། འདུ་བྱེད་སྟོང་པ་ཉིད་དང་། འདུ་བྱེད་མེད་པ་སྟོང་པ་ཉིད་དང་། ཆོས་ཐམས་ཅད་བརྗོད་པ་དང་བྲལ་
D108.049.0215a01.01བའི་སྟོང་པ་ཉིད་དང་། དོན་དམ་པ་འཕགས་པའི་ཡེ་ཤེས་ཆེན་པོ་སྟོང་པ་ཉིད་དང་། གཅིག་གིས་གཅིག་སྟོང་པའི་སྟོང་པ་ཉིད་དོ། །དེ་ལ་མཚན་ཉིད་སྟོང་པ་ཉིད་གང་ཞེ་ན། འདི་ལྟར་དངོས་པོ་ཐམས་ཅད་རང་དང་སྤྱིའི་མཚན་ཉིད་ཀྱིས་སྟོང་པ་སྟེ། ཕན་ཚུན་འདུས་པ་ལས་སོ་སོར་རབ་ཏུ་རྟོག་པའི་
D108.049.0215a02.01ཕྱིར་དངོས་པོ་མེད་པར་རབ་ཏུ་དབྱེ་བས་རང་དང་སྤྱིའི་མཚན་ཉིད་མི་སྐྱེ་བ་དང་། བདག་དང་གཞན་དང་གཉི་གའི་དངོས་པོ་མེད་པའི་ཕྱིར་མཚན་ཉིད་མི་གནས་ཏེ། དེའི་ཕྱིར་དངོས་པོ་ཐམས་ཅད་མཚན་ཉིད་སྟོང་པ་ཞེས་བཤད་དེ། འདི་ནི་མཚན་ཉིད་སྟོང་པ་ཉིད་ཅེས་བྱའོ། །དངོས་པོའི་རང་བཞིན་
D108.049.0215a03.01སྟོང་པ་ཉིད་གང་ཞེ་ན། འདི་ལྟ་སྟེ། བདག་ཉིད་ཀྱི་དངོས་པོའི་རང་བཞིན་མི་སྐྱེ་བས་ཆོས་ཐམས་ཅད་ཀྱི་དངོས་པོའི་རང་བཞིན་སྟོང་པ་ཉིད་ཅེས་བྱ་སྟེ། དེའི་ཕྱིར་དངོས་པོའི་རང་བཞིན་སྟོང་པ་ཉིད་ཅེས་བཤད་དོ། །འདུ་བྱེད་སྟོང་པ་ཉིད་གང་ཞེ་ན། འདི་ལྟ་སྟེ། ཕུང་པོ་རྣམས་བདག་དང་བདག་གི་
D108.049.0215a04.01དང་བྲལ་ཞིང་རྒྱུ་དང་འགྲུབ་པར་བྱེད་པ་དང་། བྱ་བ་དང་། ལས་དང་། སྦྱོར་བ་ལས་སྐྱེ་བ་སྟེ། འདི་ནི་འདུ་བྱེད་སྟོང་པ་ཉིད་ཅེས་བྱའོ། །བློ་གྲོས་ཆེན་པོ་འདི་ལྟར་འདུ་བྱེད་སྟོང་པ་ཉིད་དེས་ན་ཕན་ཚུན་གྱི་རྐྱེན་གྱིས་འབྱུང་གི་རང་བཞིན་གྱི་དངོས་པོ་མེད་པས་འདུ་བྱེད་མེད་པ་སྟོང་པ་ཉིད་ཅེས་བྱའོ། །
D108.049.0215a05.01ཆོས་ཐམས་ཅད་བརྗོད་པ་དང་བྲལ་བའི་སྟོང་པ་ཉིད་གང་ཞེ་ན། འདི་ལྟ་སྟེ། ཀུན་བརྟགས་པའི་རང་བཞིན་བརྗོད་དུ་མེད་པའི་ཕྱིར་ཆོས་ཐམས་ཅད་བརྗོད་པ་དང་བྲལ་བ་སྟེ། འདི་ནི་ཆོས་ཐམས་ཅད་བརྗོད་པ་དང་བྲལ་བའི་སྟོང་པ་ཉིད་ཅེས་བྱའོ། །ཆོས་ཐམས་ཅད་ཀྱི་དོན་དམ་པ་འཕགས་པའི་
D108.049.0215a06.01ཡེ་ཤེས་ཆེན་པོ་སྟོང་པ་ཉིད་གང་ཞེ་ན། འདི་ལྟ་སྟེ། སོ་སོ་རང་གིས་རིག་པ་འཕགས་པའི་ཡེ་ཤེས་ཐོབ་པ་ནི་ལྟ་བ་དང་ཉེས་པ་ཐམས་ཅད་ཀྱི་བག་ཆགས་ཀྱིས་སྟོང་སྟེ། འདི་ནི་ཆོས་ཐམས་ཅད་ཀྱི་དོན་དམ་པ་འཕགས་པའི་ཡེ་ཤེས་ཆེན་པོ་སྟོང་པ་ཉིད་ཅེས་བྱའོ། །གཅིག་གིས་གཅིག་སྟོང་
D108.049.0215a07.01