完整藏文原文 · 德格版页 当前仅加载第 49 函德格 203a 版页；藏文 NFD、目录标记与异常页序保留在来源切片中，重复版页行以稳定序号区分。
མེད་པས་འཛིན་པའང་མེད། །དབའ་རླབས་དེ་དང་རབ་ཏུ་མཚུངས། །ལོངས་སྤྱོད་ལུས་དག་རྣམ་གཞག་པ། །སེམས་ཅན་སྣང་བའི་རྣམ་ཤེས་ཡིན། །དེ་ལས་ལས་རྣམས་སྣང་བར་བྱེད། །དཔེར་ན་རྒྱ་མཚོའི་རླབས་དང་མཚུངས། །དེ་ནས་བྱང་ཆུབ་
D108.049.0203a01.01སེམས་དཔའ་བློ་གྲོས་ཆེན་པོས་ཡང་ཚིགས་སུ་བཅད་དེ་གསོལ་པ། རྒྱ་མཚོའི་དབའ་རླབས་དངོས་པོ་ནི། །གར་བགྱིད་གཡོ་བས་རིག་འགྱུར་ལ། །ཀུན་གཞི་ལས་ཀྱང་དེ་ལྟར་ན། །ཅི་ཡི་སླད་དུ་བློས་མི་རིག །དེ་ནས་བཅོམ་ལྡན་འདས་ཀྱིས་ཚིགས་སུ་བཅད་དེ་བཀའ་སྩལ་པ།
D108.049.0203a02.01བྱིས་པ་བློ་དང་མི་ལྡན་པས། །ཀུན་གཞི་རྒྱ་མཚོ་འདྲ་བ་དང་། །ལས་ཀྱི་མཚན་ཉིད་རླབས་ལྟ་བུའི། །དཔེ་ལ་བརྟེན་ནས་རྟོགས་པར་འགྱུར། །དེ་ནས་བྱང་ཆུབ་སེམས་དཔའ་བློ་གྲོས་ཆེན་པོས་ཡང་ཚིགས་སུ་བཅད་དེ་གསོལ་པ། སྐྱེ་བོ་བཟང་ངན་བར་མ་ལ། །གདུགས་ནི་མཉམ་པར་
D108.049.0203a03.01ཤར་བ་བཞིན། །བདེ་གཤེགས་འཇིག་རྟེན་སྣང་མཛད་པའང་། །བྱིས་པ་རྣམས་ལ་ཡང་དག་ཆོས། །རབ་ཏུ་རྣམ་འབྱེད་གསུང་རིགས་ན། །ཅི་སླད་ཡང་དག་གསུང་མི་མཛད། །དེ་ནས་བཅོམ་ལྡན་འདས་ཀྱིས་ཚིགས་སུ་བཅད་དེ་བཀའ་སྩལ་པ། ཅི་སྟེ་ཡང་དག་བཤད་དུ་ནི། །
D108.049.0203a04.01དེ་ཡི་སེམས་ལ་ཡང་དག་མེད། །ཇི་ལྟར་རྒྱ་མཚོའི་དབའ་རླབས་དང་། །མེ་ལོང་གཟུགས་བརྙན་རྨི་ལམ་དག །དེ་དག་ཐམས་ཅད་ཅིག་ཅར་སྣང་། །སེམས་ཀྱི་སྤྱོད་ཡུལ་དེ་བཞིན་ནོ། །ཡུལ་རྣམས་དང་ནི་མི་ལྡན་ཕྱིར། །རིམ་གྱིས་ལས་དག་འཇུག་ཅིང་སྐྱེ། །རྣམ་པར་ཤེས་པས་
D108.049.0203a05.01རྣམ་པར་རིག །ཡིད་ནི་དེ་བཞིན་སེམས་པར་བྱེད། །ལྔ་པོ་དག་ནི་སྣང་བར་འགྱུར། །དེ་ལ་{གོ་རིམས་,གོ་རིམ་}ངེས་པ་མེད། །ཇི་ལྟར་རི་མོའི་མཁན་པོ་དང་། །རི་མོ་མཁན་གྱི་སློབ་མ་དག །རི་མོའི་དོན་དུ་ཚོན་འགྱེད་ལྟར། །ང་ཡི་བཤད་པའང་དེ་བཞིན་ནོ། །ཚོན་ལ་རི་མོ་ཡོད་མ་ཡིན། །
D108.049.0203a06.01སྨྱིག་གུ་དང་ནི་གཞི་ལ་མེད། །སེམས་ཅན་དགའ་བ་བསྐྱེད་པའི་ཕྱིར། །ཚོན་གྱིས་རི་མོ་མངོན་པར་བསྒྲུབས། །བཤད་པ་དག་ནི་གཞན་ཕྱིར་སྤྱོད། །ཡང་དག་ཉིད་ནི་ཡི་གེ་སྤངས། །རྣམ་འབྱེད་ལས་ནི་དང་པོ་པ། །རྣལ་འབྱོར་པ་ལ་ཡང་དག་བསྟན། །སོ་སོ་རང་རིག་ཡང་དག་
D108.049.0203a07.01