完整藏文原文 · 德格版页 当前仅加载第 49 函德格 274a 版页；藏文 NFD、目录标记与异常页序保留在来源切片中，重复版页行以稳定序号区分。
བ་ལ་མཁས་པའི་རྣལ་འབྱོར་པ་རྣམས་རྣམ་པར་གྲོལ་བའི་འདུ་ཤེས་སུ་བྱེད་དེ། རབ་ཏུ་མ་སྤངས་ཤིང་ཡོངས་སུ་མ་གྱུར་པ་ནི་དེ་བཞིན་གཤེགས་པའི་སྙིང་པོ་ཀུན་གཞི་རྣམ་པར་ཤེས་པ་ཞེས་བྱའོ། །རྣམ་པར་ཤེས་པ་བདུན་ནི་འཁོར་བར་འཇུག་ཅིང་འགག་པ་མེད་དེ། དེ་ཅིའི་ཕྱིར་ཞེ་ན།
D108.049.0274a01.01དེའི་རྒྱུ་དང་དམིགས་པ་ལས་རྣམ་པར་ཤེས་པ་རྣམས་རབ་ཏུ་སྐྱེ་བའི་ཕྱིར་རོ། །ཉན་ཐོས་དང་། རང་སངས་རྒྱས་ཀྱི་རྣལ་འབྱོར་པ་རྣམས་ཀྱི་སྤྱོད་ཡུལ་མ་ཡིན་པ། བདག་མེད་པ་མ་རྟོགས་པས་རང་དང་སྤྱིའི་མཚན་ཉིད་ཀྱིས་བསྡུས་པའི་ཕུང་པོ་དང་། ཁམས་དང་། སྐྱེ་མཆེད་རྣམས་སྐྱེད་པ། དེ་བཞིན་གཤེགས་
D108.049.0274a02.01པའི་སྙིང་པོ་མཐོང་བར་གྱུར་པ་ན། ཆོས་ལྔ་དང་། རང་བཞིན་དང་། གང་ཟག་དང་། ཆོས་བདག་མེད་པ་རྣམས་ལྡོག་པར་གྱུར་ཏེ། སའི་རིམ་པའི་མཚམས་སྦྱོར་བ་ཁྱད་པར་དུ་གྱུར་པས་གཞན་མུ་སྟེགས་ཅན་གྱི་ལྟ་བ་རྣམས་ཀྱིས་བསྐྱོད་པར་མི་ནུས་པ་ནི་བྱང་ཆུབ་སེམས་དཔའི་ས་མི་གཡོ་བ་ལ་རབ་ཏུ་
D108.049.0274a03.01གནས་པ་ཞེས་བྱའོ། །ཏིང་ངེ་འཛིན་གྱི་བདེ་བའི་སྒོའི་ལམ་བཅུ་རབ་ཏུ་འཐོབ་པར་འགྱུར་ཏེ། ཏིང་ངེ་འཛིན་བློས་ཡོངས་སུ་བཟུང་བས་སངས་རྒྱས་ཀྱི་ཆོས་བསམ་གྱིས་མི་ཁྱབ་པ་ལ་སོ་སོར་རབ་ཏུ་རྟོག་པ་དང་། རང་གི་སྨོན་ལམ་གྱིས་ཏིང་ངེ་འཛིན་གྱི་སྒོའི་བདེ་བ་མི་ལེན་ཅིང་ཡང་དག་པའི་མཐའ་ལ་མི་གནས་པར་
D108.049.0274a04.01འཕགས་པའི་སོ་སོ་རང་གིས་རིག་པར་འགྲོ་བ་དང་། ཉན་ཐོས་དང་། རང་སངས་རྒྱས་དང་། མུ་སྟེགས་ཅན་ཐམས་ཅད་དང་ཐུན་མོང་མ་ཡིན་པའི་རྣལ་འབྱོར་གྱི་ལམ་འཕགས་པའི་རིགས་ཀྱི་ལམ་བཅུ་དང་། སྐུ་དང་། ཡེ་ཤེས་དང་། ཡིད་ལས་སྐྱེས་པ་དང་། ཏིང་ངེ་འཛིན་མངོན་པར་འདུ་བྱེད་པ་མེད་
D108.049.0274a05.01པ་རབ་ཏུ་འཐོབ་པར་འགྱུར་རོ། །དེ་ལྟ་བས་ན་བློ་གྲོས་ཆེན་པོ་བྱང་ཆུབ་སེམས་དཔའ་སེམས་དཔའ་ཆེན་པོ་ཁྱད་པར་འདོད་པ་རྣམས་ཀྱིས་དེ་བཞིན་གཤེགས་པའི་སྙིང་པོ་ཀུན་གཞི་རྣམ་པར་ཤེས་པ་ཞེས་བྱ་བ་ཡོངས་སུ་སྦྱང་བ་བྱའོ། །བློ་གྲོས་ཆེན་པོ་གལ་ཏེ་ཀུན་གཞི་རྣམ་པར་ཤེས་པ་མེད་པ་ལ་དེ་བཞིན་
D108.049.0274a06.01གཤེགས་པའི་སྙིང་པོ་ཞེས་བྱ་བ་ནི་སྐྱེ་བ་དང་། འཇིག་པ་ཡང་མེད་པར་འགྱུར་ཏེ། བློ་གྲོས་ཆེན་པོ་འོན་ཀྱང་བྱིས་པ་དང་འཕགས་པ་རྣམས་ལ་སྐྱེ་བ་དང་འཇིག་པ་ཡོད་པས་རྣལ་འབྱོར་པ་རྣམས་འཕགས་པའི་སོ་སོ་རང་གིས་རིག་པ་ལ་འཇུག་ཅིང་མཐོང་བའི་ཆོས་ལ་བདེ་བར་གནས་པའི་སྦྱོར་བ་མི་གཏོང་ངོ་། །
D108.049.0274a07.01