完整藏文原文 · 德格版页 当前仅加载第 49 函德格 206a 版页；藏文 NFD、目录标记与异常页序保留在来源切片中，重复版页行以稳定序号区分。
དང་རྣམ་པར་ཤེས། །རང་བཞིན་དང་ནི་ཆོས་ལྔ་དང་། །བདག་མེད་ཡོངས་སུ་དག་གཉིས་ནི། །རྣམ་པར་འདྲེན་པས་རབ་ཏུ་གསུངས། །རིང་ཐུང་ཡོད་མེད་ལ་སོགས་པ། །ཕན་ཚུན་ལྟོས་ནས་རབ་ཏུ་སྐྱེ། །མེད་པའི་ཕྱིར་ནི་ཡོད་པ་གྲུབ། །
D108.049.0206a01.01ཡོད་པའི་ཕྱིར་ནི་མེད་པ་གྲུབ། །དངོས་པོ་རྡུལ་དུ་རྣམ་ཕྱེ་སྟེ། །གཟུགས་ཀྱི་རྣམ་རྟོག་མི་སྐྱེད་དོ། །སེམས་ཙམ་རྣམ་པར་གཞག་པའི་གནས། །ལྟ་བ་ངན་པས་མོས་མི་འགྱུར། །འཇིག་རྟེན་མགོན་པོས་གསུངས་པ་ཡི། །རང་གི་སྤྱོད་ཡུལ་གང་ཡིན་པ། །རྟོག་པ་ཅན་གྱི་ཡུལ་
D108.049.0206a02.01མ་ཡིན། །དེ་བཞིན་ཉན་ཐོས་ཀྱི་ཡང་མིན། །དེ་ནས་བྱང་ཆུབ་སེམས་དཔའ་བློ་གྲོས་ཆེན་པོས་རང་གི་སེམས་སྣང་བའི་རྒྱུད་རྣམ་པར་དག་པར་བྱ་བའི་ཕྱིར་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་རང་གི་སེམས་སྣང་བའི་རྒྱུད་ཇི་ལྟར་རྣམ་པར་དག་པར་
D108.049.0206a03.01བགྱི། ཅིག་ཅར་རམ་འོན་ཏེ་རིམ་གྱིས་ལགས། བཅོམ་ལྡན་འདས་ཀྱིས་བཀའ་སྩལ་པ། བློ་གྲོས་ཆེན་པོ་རིམ་གྱིས་རྣམ་པར་འདག་གི །ཅིག་ཅར་ནི་མ་ཡིན་ཏེ། དཔེར་ན་ཤིང་ཨ་མྲའི་འབྲས་བུ་ནི་རིམ་གྱིས་སྨིན་པར་འགྱུར་གྱི་ཅིག་ཅར་མ་ཡིན་ནོ། །དེ་བཞིན་དུ་དེ་བཞིན་
D108.049.0206a04.01གཤེགས་པས་སེམས་ཅན་རྣམས་ཀྱི་རང་གི་སེམས་སྣང་བའི་རྒྱུད་ཡོངས་སུ་སྦྱོང་བ་ཡང་རིམ་གྱིས་རྣམ་པར་འདག་གི་ཅིག་ཅར་མ་ཡིན་ནོ། །དཔེར་ན་རྫ་མཁན་སྣོད་རྣམས་བྱེད་པ་ནི་རིམ་གྱིས་བྱེད་དེ། ཅིག་ཅར་མ་ཡིན་ནོ། །དེ་བཞིན་དུ་དེ་བཞིན་གཤེགས་པས་སེམས་ཅན་
D108.049.0206a05.01རྣམས་ཀྱི་རང་གི་སེམས་སྣང་བའི་རྒྱུད་ཡོངས་སུ་སྦྱོང་བ་ཡང་རིམ་གྱིས་རྣམ་པར་འདག་གི་ཅིག་ཅར་མ་ཡིན་ནོ། །དཔེར་ན་ས་ཆེན་པོ་ལས་རྫས་རྣམས་རིམ་གྱིས་སྐྱེའི་ཅིག་ཅར་སྐྱེ་བ་མ་ཡིན་ནོ། །དེ་བཞིན་དུ་དེ་བཞིན་གཤེགས་པས་སེམས་ཅན་རྣམས་ཀྱི་རང་གི་སེམས་སྣང་བའི་རྒྱུད་
D108.049.0206a06.01ཡོངས་སུ་སྦྱོང་བ་ཡང་རིམ་གྱིས་རྣམ་པར་འདག་གི་ཅིག་ཅར་མ་ཡིན་ནོ། །དཔེར་ན་མི་ལ་ལ་རོལ་མོ་དང་། ཡི་གེ་དང་། རི་མོ་དང་། བཟོ་སྣ་ཚོགས་སློབ་པ་རིམ་གྱིས་མངོན་པར་འགྲུབ་པར་འགྱུར་གྱིས་ཅིག་ཅར་མ་ཡིན་ནོ། །དེ་བཞིན་དུ་དེ་བཞིན་གཤེགས་པས་སེམས་ཅན་རྣམས་
D108.049.0206a07.01