完整藏文原文 · 德格版页 当前仅加载第 49 函德格 262a 版页；藏文 NFD、目录标记与异常页序保留在来源切片中，重复版页行以稳定序号区分。
དང་། ཤེས་བྱ་ཡང་ཐ་དད་པ་ཡང་མ་ཡིན། ཐ་མི་དད་པ་ཡང་མ་ཡིན་ནོ། །བློ་གྲོས་ཆེན་པོ་ཤེས་པ་དང་། ཤེས་བྱ་ཐ་དད་པ་ཡང་མ་ཡིན། ཐ་མི་དད་པ་ཡང་མ་ཡིན་པ་ནི་རྟག་པ་ཡང་མ་ཡིན། མི་རྟག་པ་ཡང་མ་ཡིན། བྱེད་པ་ཡང་མ་ཡིན། བྱས་པ་ཡང་མ་ཡིན།
D108.049.0262a01.01འདུས་བྱས་ཀྱང་མ་ཡིན། འདུས་མ་བྱས་ཀྱང་མ་ཡིན། བློ་ཡང་མ་ཡིན། རིག་པར་བྱ་བ་ཡང་མ་ཡིན། མཚན་ཉིད་ཀྱང་མ་ཡིན། མཚན་ཉིད་ཀྱི་གཞི་ཡང་མ་ཡིན། ཕུང་པོ་རྣམས་ཀྱང་མ་ཡིན། ཕུང་པོ་རྣམས་ཐ་དད་པ་ཡང་མ་ཡིན། བཤད་པ་ཡང་མ་ཡིན། བཤད་པར་བྱ་བ་
D108.049.0262a02.01ཡང་མ་ཡིན། གཅིག་པ་ཡང་མ་ཡིན། ཐ་དད་པ་ཡང་མ་ཡིན། གཉི་ག་ཡང་མ་ཡིན། གཉི་ག་མ་ཡིན་པ་ཡང་མ་ཡིན་པའི་ཕྱིར་ཚད་མ་ཐམས་ཅད་དང་བྲལ་བའོ། །གང་ཚད་མ་ཐམས་ཅད་དང་བྲལ་བ་དེ་ནི་ཚིག་མེད་པའོ། །གང་ཚིག་མེད་པ་དེ་ནི་མ་སྐྱེས་པའོ། །གང་མ་སྐྱེས་པ་
D108.049.0262a03.01དེ་ནི་མ་འགགས་པའོ། །གང་མ་འགགས་པ་དེ་ནི་རབ་ཏུ་ཞི་བའོ། །གང་རབ་ཏུ་ཞི་བ་དེ་ནི་རང་བཞིན་གྱིས་མྱ་ངན་ལས་འདས་པའོ། །གང་རང་བཞིན་གྱིས་མྱ་ངན་ལས་འདས་པ་དེ་ནི་དངོས་པོ་དང་རྒྱུ་མེད་པའོ། །གང་དངོས་པོ་དང་རྒྱུ་མེད་པ་དེ་ནི་དམིགས་པ་མེད་པའོ། །གང་དམིགས་པ་མེད་
D108.049.0262a04.01པ་དེ་ནི་སྤྲོས་པ་ཐམས་ཅད་ལས་འདས་པའོ། །གང་སྤྲོས་པ་ཐམས་ཅད་ལས་འདས་པ་དེ་ནི་དེ་བཞིན་གཤེགས་པའོ། །དེ་བཞིན་གཤེགས་པ་གང་ཡིན་པ་དེ་ནི་ཡང་དག་པར་རྫོགས་པའི་སངས་རྒྱས་ཉིད་དོ། །བློ་གྲོས་ཆེན་པོ་དེ་ནི་ཡང་དག་པར་རྫོགས་པའི་སངས་རྒྱས་པ་ཉིད་ཅེས་བྱ་སྟེ།
D108.049.0262a05.01བློ་གྲོས་ཆེན་པོ་ཡང་དག་པར་རྫོགས་པའི་སངས་རྒྱས་པ་ནི་དབང་པོ་དང་། ཚད་མ་ཐམས་ཅད་དང་བྲལ་བའོ། །དེ་ནས་བཅོམ་ལྡན་འདས་ཀྱིས་དོན་དེ་ཉིད་ཡང་བསྟན་པའི་ཕྱིར་ཚིགས་སུ་བཅད་པ་འདི་དག་གསུངས་སོ། །དབང་པོ་ཚད་མ་རབ་བྲལ་ཞིང་། །དངོས་པོ་མེད་ཅིང་རྒྱུ་ཡང་མེད། །
D108.049.0262a06.01བློ་དང་རིག་བྱ་ཡོངས་སྤངས་ཤིང་། །མཚན་ཉིད་མཚན་ཉིད་གཞི་ཡང་སྤངས། །ཕུང་པོ་རྐྱེན་སོགས་སངས་རྒྱས་པ། །གཅིག་དང་ཐ་དད་མཐོང་མི་ནུས། །གལ་ཏེ་མཐོང་བ་ཡོད་མིན་ན། །ཅི་ཡི་ཕྱིར་ན་རྣམ་པར་རྟོག །བྱས་པ་མ་ཡིན་མ་བྱས་མིན། །དངོས་པོ་མ་ཡིན་རྒྱུ་ཡང་མིན། །ཕུང་
D108.049.0262a07.01