完整藏文原文 · 德格版页 当前仅加载第 49 函德格 238b 版页；藏文 NFD、目录标记与异常页序保留在来源切片中，重复版页行以稳定序号区分。
ཡོངས་སུ་དག་རིག་པ། །དེ་ནི་དོན་དམ་ཞེས་བྱའོ། །ཀུན་བརྟགས་རྣམ་པ་བཅུ་གཉིས་ཏེ། །གཞན་གྱི་དབང་ནི་རྣམ་པ་དྲུག །སོ་སོ་རང་རིག་ཡེ་ཤེས་ཀྱིས། །ཤེས་བྱ་དེ་ལ་བྱེ་བྲག་མེད། །ཆོས་ལྔ་ཡང་དག་ཉིད་ཡིན་ཏེ། །རང་བཞིན་ལ་ནི་རྣམ་གསུམ་ཡོད། །རྣལ་འབྱོར་ཅན་གྱིས་དེ་བསྒོམས་
D108.049.0238b01.01ན། །དེ་བཞིན་ཉིད་ལས་མི་འདའོ། །མཚན་མ་དག་དང་གཞན་གྱི་དབང་། །མིང་དེས་ཀུན་དུ་བརྟགས་པ་སྐྱེད། །ཀུན་བརྟགས་མཚན་མ་དེ་དག་ནི། །གཞན་དབང་དེ་ལས་བྱུང་བའོ། །བློ་ཡིས་སོ་སོར་རབ་བརྟགས་ན། །གཞན་དབང་མེད་ཅིང་བརྟགས་པའང་མེད། །ཡོངས་གྲུབ་ལ་ནི་དངོས་
D108.049.0238b02.01མེད་ན། །བློ་ཡིས་ཅི་ཞིག་རྣམ་པར་བརྟགས། །ཀུན་བརྟགས་རང་བཞིན་དེ་དག་ལ། །རང་བཞིན་གཉིས་ནི་རྣམ་པར་གཞག །བརྟགས་པ་དག་ནི་སྣ་ཚོགས་སྣང་། །རྣམ་དག་འཕགས་པའི་སྤྱོད་ཡུལ་ལོ། །ཀུན་བརྟགས་རི་མོའི་རྣམ་པ་བཞིན། །གཞན་གྱི་དབང་ལས་བརྟགས་པ་སྟེ། །རྣམ་
D108.049.0238b03.01པ་གཞན་དུ་བརྟགས་ན་ནི། །མུ་སྟེགས་སྨྲ་ལ་གནས་པར་འགྱུར། །རྟོགས་པས་བརྟགས་ཞེས་བརྗོད་པ་སྟེ། །འདུས་ལས་སྐྱེ་བར་མཐོང་བའི་རྒྱུས། །རྣམ་རྟོག་གཉིས་ལས་གྲོལ་བ་ནི། །དེ་ཉིད་ཡོངས་སུ་གྲུབ་པ་ཡིན། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་བློ་གྲོས་ཆེན་པོས་
D108.049.0238b04.01ཡང་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་འཕགས་པ་སོ་སོ་རང་གིས་རིག་པའི་ཡེ་ཤེས་དང་། ཐེག་པ་གཅིག་གི་མཚན་ཉིད་བཤད་དུ་གསོལ། འཕགས་པ་སོ་སོ་རང་གིས་རིག་པའི་ཡེ་ཤེས་ཀྱི་མཚན་ཉིད་དང་། ཐེག་པ་གཅིག་རྟོགས་པའི་མཚན་ཉིད་
D108.049.0238b05.01དེས་བདག་དང་བྱང་ཆུབ་སེམས་དཔའ་སེམས་དཔའ་ཆེན་པོ་གཞན་རྣམས་འཕགས་པ་སོ་སོ་རང་གིས་རིག་པའི་ཡེ་ཤེས་ཀྱི་མཚན་ཉིད་དང་། ཐེག་པ་གཅིག་ལ་མཁས་ཤིང་གཞན་གྱི་དྲིང་ལ་མི་འཇོག་པར་སངས་རྒྱས་ཀྱི་ཆོས་ཐམས་ཅད་རྟོགས་པར་འགྱུར་རོ། །བཅོམ་ལྡན་འདས་
D108.049.0238b06.01ཀྱིས་བཀའ་སྩལ་པ། །བློ་གྲོས་ཆེན་པོ་དེའི་ཕྱིར་ཤིན་ཏུ་ལེགས་པར་ཉོན་ལ་ཡིད་ལ་ཟུང་ཤིག་དང་། ངས་ཁྱོད་ལ་བཤད་དོ། །བློ་གྲོས་ཆེན་པོས་བཅོམ་ལྡན་འདས་ལ་གསོལ་པ། དེ་བཞིན་འཚལ་ལོ་ཞེས་བཀའ་མཉན་པ་དང་། བཅོམ་ལྡན་འདས་ཀྱིས་འདི་སྐད་ཅེས་
D108.049.0238b07.01