完整藏文原文 · 德格版页 当前仅加载第 49 函德格 284b 版页；藏文 NFD、目录标记与异常页序保留在来源切片中，重复版页行以稳定序号区分。
སོར་མོའི་ཕྲེང་བའི་མདོ་དག་དང་། །ལང་ཀར་གཤེགས་པའི་མདོ་འདི་ལས། །ངས་ནི་ཤ་རྣམས་རབ་ཏུ་བཀག །སངས་རྒྱས་བྱང་ཆུབ་སེམས་དཔའ་དང་། །ཉན་ཐོས་རྣམས་ཀྱིས་སྨད་པ་དང་། །ངོ་མི་ཚ་བར་ཟ་བ་ནི། །རྟག་ཏུ་གླེན་པར་སྐྱེ་བར་འགྱུར། །
D108.049.0284b01.01སྔར་ཡང་མཐོང་ཐོས་དོགས་པ་ཡི། །ཤ་རྣམས་ཐམས་ཅད་སྤང་བར་བཤད། །རྟོག་གེ་རྣམས་ཀྱིས་མ་རྟོགས་པས། །དེ་ཕྱིར་ཤ་ཟན་གནས་སུ་སྐྱེས། །ཇི་ལྟར་འདོད་ཆགས་ཉེས་པ་ཡིས། །འཕགས་པའི་རྣམ་གྲོལ་སྒྲིབ་འགྱུར་ཞིང་། །ཤ་
D108.049.0284b02.01ཆང་སྒོག་བཙོང་ལ་སོགས་པའང་། །འཕགས་པའི་ལམ་གྱི་བར་ཆད་བྱེད། །མ་འོངས་དུས་ཀྱི་སྐྱེ་བོ་དག །ཤ་ཟ་གཏི་མུག་སྨྲ་བ་རྣམས། །ཤ་ནི་སྡིག་མེད་རུང་བས་ན། །སངས་རྒྱས་ངེད་ལ་གནང་ཞེས་ཟེར། །ཟས་ལ་སྨན་སྟེན་འདུ་ཤེས་དང་། །
D108.049.0284b03.01དེ་བཞིན་བུ་ཤ་ལྟ་བུར་ཡང་། །ཆོས་ཤེས་སྐྱོ་བ་བསྐྱེད་ནས་ནི། །རྣལ་འབྱོར་ཅན་གྱིས་བསོད་སྙོམས་སྤྱད། །སྙིང་རྗེ་སེམས་ལ་གང་གནས་པ། །ཡོངས་སུ་སྐྱོ་བར་ང་ཡིས་བཤད། །སྟག་དང་སྤྱང་ཀི་གཅན་གཟན་རྣམས། །རྟག་ཏུ་ལྷན་ཅིག་
D108.049.0284b04.01འགྲོགས་ཤིང་གནས། །གལ་ཏེ་ཤ་རྣམས་ཟ་བྱེད་ན། །སེམས་ཅན་དག་ནི་སྐྲག་འགྱུར་བས། །དེ་ཕྱིར་རྣལ་འབྱོར་པ་དག་གིས། །སྙིང་རྗེའི་སེམས་ཀྱིས་ཤ་མི་བཟའ། །ཤ་ཟ་སྙིང་རྗེ་ཤེས་རབ་མེད། །རྣམ་པར་གྲོལ་ལ་རྒྱབ་ཀྱིས་ཕྱོགས། །འཕགས་པའི་
D108.049.0284b05.01རྒྱལ་མཚན་དག་དང་འགལ། །དེ་ཡི་ཕྱིར་ན་བཟའ་མི་རིགས། །བྲམ་ཟེའི་རིགས་སུ་སྐྱེ་བར་འགྱུར། །གཞན་ཡང་རྣལ་འབྱོར་པ་ཡི་གནས། །ཤེས་རབ་ཕྱུག་པོའི་ཁྱིམ་དུ་སྐྱེ། །འདི་ནི་ཤ་སྤངས་དབང་གིས་སོ། །འཕགས་པ་ལང་ཀར་གཤེགས་པ་རིན་པོ་ཆེའི་མདོ་ལས་སངས་རྒྱས་
D108.049.0284b06.01ཐམས་ཅད་ཀྱི་གསུང་གི་སྙིང་པོའི་ལེའུ་ཞེས་བྱ་བ་རྫོགས་སོ།། །།དཔལ་ལྷ་བཙན་པོའི་བཀའ་ལུང་གིས་རྒྱའི་སློབ་དཔོན་ཝེན་ཧྭི་ཡིས་མཛད་པའི་འགྲེལ་པ་དང་སྦྱར་ནས། ལོ་ཙྪ་བ་དགེ་སློང་འགོས་ཆོས་གྲུབ་ཀྱིས་བསྒྱུར་ཅིང་ཞུས།། །།
D108.049.0284b07.01