完整藏文原文 · 德格版页 当前仅加载第 80 函德格 66a 版页；藏文 NFD、目录标记与异常页序保留在来源切片中，重复版页行以稳定序号区分。
༄༅༅། །རྒྱ་གར་སྐད་དུ། ཤྲཱི་མ་ཧཱ་མུ་དྲཱ་ཏི་ལ་ཀཾ་ནཱ་མ་མ་ཧཱ་ཡོ་གི་ནཱི་ཏནྟྲ་རཱ་ཛ་ཨ་དྷི་པ་ཏི། བོད་སྐད་དུ། དཔལ་ཕྱག་རྒྱ་ཆེན་པོའི་ཐིག་ལེ་ཞེས་བྱ་བ་རྣལ་འབྱོར་མ་ཆེན་མོའི་རྒྱུད་ཀྱི་རྒྱལ་པོའི་མངའ་བདག །དཔལ་ཕྱག་རྒྱ་ཆེན་པོའི་ཐིག་ལེ་ལ་ཕྱག་འཚལ་ལོ། །བཅོམ་ལྡན་མཁའ་འགྲོ་
D420.080.0066a01.01ཡེ་ཤེས་ཉིད། །གསང་པད་སྙིང་པོའི་ཁ་འབྱེད་པ། །གསང་པད་ལྟེ་བའི་ནང་ན་བཞུགས། །བདག་གིས་ཞུ་བ་ཁྱོད་གསོན་ཅིག །ཡེ་ཤེས་རྒྱ་མཚོའི་ཀྱེ་རྡོ་རྗེ། །འབུམ་ལྔ་ཡི་ནི་བདག་ཉིད་རྒྱུད། །གང་ཞིག་ཁྱོད་ཀྱིས་དེ་ཉིད་གསུངས། །སྦྱོར་དྲུག་རྣལ་འབྱོར་མ་ཡི་གཞུང་། །ཐམས་ཅད་
D420.080.0066a02.01མཁྱེན་པ་དབང་ཕྱུག་མཆོག །དེ་ནི་དཔའ་བོ་བདག་གིས་ཤེས། །དོན་དམ་པ་ནི་ཇི་ལྟ་བུ། །དེ་རུ་བདག་ནི་ཐེ་ཚོམ་སྐྱེས། །ཆར་དང་ཐིག་ལེ་ཚུལ་དང་ནི། །ཚུལ་ཙམ་མཆོག་གི་མཆོག་གཞན་ཡིན། །སྦྱོར་བ་དྲུག་གིས་རྣམ་པར་ཤེས། །དེ་ཡི་གནས་ནི་གང་ན་ཡོད། །སྲོག་ནི་གང་ནས་འབྱུང་བ་ཡིན། །
D420.080.0066a03.01རྡོ་རྗེ་འཛིན་པ་གང་དུ་བརླག །རྡོ་རྗེ་མཚན་མོ་གང་ཉིད་ཅི། །མཚམས་གང་ཤར་བ་གང་ཞིག་ལགས། །གང་དུ་ནུབ་པའི་དུས་དང་རྩ། །མཆོག་གི་དབང་ཕྱུག་དུ་ཙམ་མཆིས། །དུས་ཀྱི་མཚན་ཉིད་གང་ལགས་གསུངས། །དེ་ཡི་དུས་ཀྱིས་དོན་ཅི་བྱེད། །ཨཱ་ལི་ཀཱ་ལི་བྱ་བ་གང་། །མངའ་བདག་གང་
D420.080.0066a04.01ནས་འབྱུང་བ་ལགས། །རོ་ཡི་བྱེ་བྲག་དུ་ཞིག་བསྟན། །དགའ་བ་ཡང་ནི་དེ་བཞིན་ནོ། །གང་གི་དུས་ཀྱི་དགའ་བ་རྣམས། །རྡོ་རྗེ་དབང་ཕྱུག་འབྱུང་བ་གསུངས། །ཆོས་ཀྱི་དབྱིངས་ནི་ཇི་ལྟར་བཤད། །རྡོ་རྗེ་ཡང་ནི་ཇི་ལྟར་བསྟན། །བདག་གི་སྒྲ་ནི་ཇི་ལྟར་གསུངས། །གསང་བ་ཞེས་བགྱི་ཇི་ལྟར་
D420.080.0066a05.01ལགས། །མཆོག་ཅེས་བགྱི་པ་ཇི་ལྟར་བཤད། །དགྱེས་པའི་དོན་ནི་གསལ་བར་མཛོད། །རིགས་ཀྱི་བྱེ་བྲག་ཏུ་ཙམ་བསྟན། །ཕུང་པོ་ལ་སོགས་སྐྱེ་མཆེད་ཅི། །ཚངས་དང་ཁྱབ་འཇུག་དྲག་པོ་དང་། །དབང་ཕྱུག་རྟག་ཏུ་ཞི་བ་དང་། །གང་ནས་འབྱུང་ཞིང་གང་དུ་གནས། །ཆེན་པོའི་ཆེན་པོ་
D420.080.0066a06.01དེ་ཇི་ལྟར། །ཕྱག་རྒྱའི་བྱེ་བྲག་དུ་ཞིག་བཤད། །ཕྱག་རྒྱ་ཆེན་པོ་ཇི་ལྟར་ལགས། །མགོན་པོ་མཆོད་པའི་བྱེ་བྲག་ཅི། །དེ་རུ་མེ་ཏོག་ཇི་ལྟར་ཡིན། །མགོན་པོ་ཆེན་པོ་མཆོད་སྦྱིན་ནི། །ཇི་ལྟ་བུ་ཞིག་འཚལ་བ་ལགས། །མཆོག་གི་དངོས་པོའི་དཀྱིལ་འཁོར་ནི། །བཅོམ་ལྡན་འདས་དེ་ཇི་ལྟ་བུ། །
D420.080.0066a07.01