完整藏文原文 · 德格版页 当前仅加载第 80 函德格 72a 版页；藏文 NFD、目录标记与异常页序保留在来源切片中，重复版页行以稳定序号区分。
གི་ཚེ་ཡིན་ནོ། །ཆད་ལ་དེ་ནི་འོད་ཅེས་བསྟན། །འོད་ནི་རྣམ་པར་དག་ཅེས་དྲན། །རྣམ་པར་དག་པ་བདེ་ཆེན་དངོས། །དེ་ནི་རང་བཞིན་བསྟན་པའོ། །རྣམ་པར་དག་པ་འབྱུང་མིན་གནས། །བབས་པ་རྣམ་དག་བརྗོད་པ་ཡིན། །བབས་པ་དངོས་མིན་ཞེས་བྱར་བསྟན། །དངོས་མིན་རྣམ་དག་
D420.080.0072a01.01བརྗོད་མ་ཡིན། །རྣམ་དག་ཕྲ་བའི་ཕྲ་མོ་སྟེ། །ཕྲ་མོའི་རྣམ་དག་གཞན་ན་གནས། །ཕྲ་མོའི་རང་བཞིན་ཞེས་བྱར་བསྟན། །གཟུང་དང་འཛིན་པ་རྣམ་པར་སྤངས། །རང་དངོས་བདེ་བ་ཆེན་པོ་ནི། །ཡེ་ཤེས་རླུང་དུ་རབ་ཏུ་གྲགས། །དེ་ནི་ནམ་མཁའ་ཞེས་སུ་བཤད། །ནམ་མཁའ་སྟོང་པར་བསྟན་པའོ། །སྟོང་པ་
D420.080.0072a02.01ལས་ནི་ཐམས་ཅད་འབྱུང་། །སྟོང་པའི་ནང་དུ་ཐམས་ཅད་ཐིམ། །སྟོང་པ་ཡང་དག་དྲི་མེད་གནས། །རྣམ་པ་ཐམས་ཅད་དང་བྲལ་བ། །མཆོག་གི་རྣམ་པ་སྐྱེ་མེད་དག །རང་དགའ་ཉམས་སུ་མྱོང་བ་དངོས། །དེ་ནི་རང་བཞིན་ཞེས་སུ་བཤད། །ཐམས་ཅད་བདག་ཉིད་རྟག་ཏུ་བཞུགས། །རིགས་
D420.080.0072a03.01ལྔ་ཡི་ནི་མཚན་ཉིད་དེ། །ཉོན་ཅིག་བདག་གིས་བཤད་པར་བྱ། །རིགས་ནི་ཀ་པཱ་ལ་ཞེས་བརྗོད། །ཀ་པཱ་ལ་ནི་ཀ་རུ་བཤད། །ཀ་ནི་རྩ་བ་ཞེས་བྱར་གྲགས། །རྩ་བ་བྱེ་བྲག་ལྔ་རུ་དྲན། །དེ་བཞིན་གཤེགས་པ་ལྔ་ཡི་སྐུ། །དེ་ནི་ཕུང་པོ་ལྔ་ཞེས་དྲན། །ཕུང་པོ་ལྔ་ནི་གྲུབ་པའི་སྐུ། །འབྱུང་བ་ལྔ་ཡི་
D420.080.0072a04.01རང་བཞིན་ཅན། །ཚངས་པ་ཁྱབ་འཇུག་དྲག་པོ་དང་། །དབང་ཕྱུག་རྟག་ཏུ་ཞི་བ་ལ། །ལྔ་ལ་ཁྱབ་པ་གཅིག་པུ་སྟེ། །བདག་ནི་དོན་དམ་པ་ཡི་ཕ། །ཐམས་ཅད་ཁྱབ་པའི་སྟོང་ཆེན་པོ། །བདག་ནི་འཕོ་མེད་མ་སྐྱེས་པའོ། །ཀ་ནི་གང་ཞིག་ཐུགས་རྗེ་འཐུང་། །པཱ་ནི་དམ་ཚིག་སྐྱོང་བ་ཡིན། །ལ་ནི་
D420.080.0072a05.01ངན་འགྲོའི་ཕ་རོལ་ཕྱིན། །དེ་ནི་ཀ་པཱ་ལ་རུ་བཤད། །ཀ་ཡི་སྒྲ་ནི་རང་བཞིན་ཡིན། །ཀ་ནི་གང་དུའང་མི་གནས་པའོ། །དངོས་པོ་ཐམས་ཅད་ཁྱབ་པའོ། །དེ་ནི་ཀ་ཞེས་བསྟན་པའོ། །དེ་བདག་ཧེ་རུ་ཀ་ཡི་དངོས། །ཆོས་ཀྱི་འཁོར་ལོའི་གནས་ན་བཞུགས། །རྟག་ཏུ་ཞི་བ་ལོངས་སྤྱོད་འཁོར། །དབང་
D420.080.0072a06.01ཕྱུག་བདེ་ཆེན་འཁོར་ལོའོ། །དྲག་པོ་ལྟེ་བའི་འཁོར་ལོར་གནས། །ཁྱབ་འཇུག་མེ་ཡི་འཁོར་ལོའོ། །ཚངས་པ་རླུང་གི་འཁོར་ལོར་ཏེ། །རླུང་ནི་ཐམས་ཅད་ནང་ཡོད་ཚེ། །བདག་ནི་འཁོར་ལོ་དྲུག་གི་དབུས། །ཀུན་ལ་དེ་ནི་ཁྱབ་པར་བཞུགས། །སྟོང་ཉིད་གཞན་མཆོག་སྟོང་པ་ཉིད། །བདག་དཔལ་
D420.080.0072a07.01