完整藏文原文 · 德格版页 当前仅加载第 80 函德格 73a 版页；藏文 NFD、目录标记与异常页序保留在来源切片中，重复版页行以稳定序号区分。
ཡིན་ཏེ། །སངས་རྒྱས་རིན་པོ་ཆེ་ཡི་སྣོད། །སྲིང་མོ་ཁུ་བའི་རྩ་ཡིན་ཏེ། །མཆོག་མའི་གནས་ན་ཡོད་པའོ། །བུ་མོ་ཁྲག་གི་རྩ་ཡིན་ཏེ། །ཁུ་བའི་རྩ་ཡི་འོག་ན་ཡོད། །ཆུང་མ་དྲི་ཆུའི་རྩ་ཡིན་ཏེ། །གཉིས་ཀྱི་བར་ན་ཡོད་པའོ། །མནའ་མ་མཆི་མའི་རྩ་ཡིན་ཏེ། །མགྲིན་པའི་གནས་ན་ཡོད་
D420.080.0073a01.01པའོ། །སྒྱུག་མོ་སྣབས་ཀྱི་རྩ་ཡིན་ཏེ། །དཔྲལ་བའི་གནས་ན་ཡོད་པའོ། །མ་ནི་ས་རུ་ཤེས་པར་བྱ། །སྲིང་མོ་ཆུ་རུ་དྲན་པའོ། །བུ་མོ་མེ་ནི་ཡིན་པར་དྲན། །ཆུང་མ་རླུང་དུ་རབ་ཏུ་གྲགས། །མནའ་མ་དེ་ནི་ནམ་མཁའ་སྟེ། །སྒྱུག་མོ་ནམ་མཁའ་མ་ཡིན་ནོ། །མ་ནི་མངར་བ་ཡིན་པར་འགྱུར། །སྲིང་མོ་དེ་ནི་
D420.080.0073a02.01སྐྱུར་བར་དྲན། །བུ་མོ་ཁ་བར་ཤེས་བྱ་སྟེ། །ཆུང་མ་ལན་ཚྭར་འདི་རུ་དྲན། །ཚ་བ་དེ་ནི་མནའ་མ་སྟེ། །སྒྱུག་མོ་བསྐ་བར་དྲན་པའོ། །དེ་རྣམས་འབད་པས་མཆོད་པར་བྱ། །མྱུར་དུ་དངོས་གྲུབ་ཐོབ་པར་འགྱུར། །རྣལ་འབྱོར་རྒྱུད་ལས་རྙེད་དཀའ་བ། །ཕྱག་རྒྱའི་རིགས་སུ་བདག་གིས་བཤད། །དཔལ་
D420.080.0073a03.01ཕྱག་རྒྱ་ཆེན་པོའི་ཐིག་ལེ་ལས་ཕྱག་རྒྱའི་བརྡ་དང་མཆོད་པའི་ཆོ་ག་ཞེས་བྱ་བའི་ལེའུ་སྟེ་དགུ་པའོ།། །།དེ་ནས་མཆོད་པའི་ཆོ་ག་ནི། །ཕྱི་དང་ནང་ནི་བདག་གིས་བསྟན། །ས་རྡོ་ལ་སོགས་མཆོད་རྟེན་ལ། །ནམ་ཡང་དེ་ལ་ཕྱག་མི་བྱ། །རབ་གནས་དཀྱིལ་འཁོར་སྦྱིན་སྲེག་རྣམས། །ནམ་ཡང་དེ་
D420.080.0073a04.01ནི་མི་བྱའོ། །དྲི་ཆེན་རྡོར་ཆུ་ས་བོན་སོགས། །རྟག་ཏུ་བདག་ཉིད་མཆོད་པར་བྱ། །འགྲོ་དང་མི་འགྲོ་གང་ཞིག་ནི། །དེ་ནི་ཐམས་ཅད་སེམས་ཡིན་ནོ། །དེ་ཡི་གཟུགས་གྲུབ་སེམས་མ་ཡིན། །སེམས་ནི་སྟོང་པའི་རང་བཞིན་ནོ། །ངོ་བོ་ཉིད་བྲལ་སྟོང་པ་སྟེ། །དེ་བས་འགྲོ་བ་སེམས་སུ་གྲུབ། །དེ་ལྟ་བུ་ཡི་
D420.080.0073a05.01དག་བྱས་ན། །རྩ་སོགས་ལ་ཡང་མཆོད་པ་བྱ། །ཉིད་ནི་མངའ་བདག་རྡོ་རྗེ་སེམས། །སེམས་ནི་བདག་ཉིད་དྲན་པའོ། །སེམས་མ་ཡིན་པ་ལྷ་ཡི་དངོས། །ཕྱི་རོལ་གཞན་མ་མེད་པའོ། །དེ་ལྟར་ཤེས་ནས་བདག་ཉིད་ནི། །དང་པོ་དེ་ཉིད་མཆོད་པར་བྱ། །རིགས་ལྔ་དག་ཏུ་ཀུན་སྤྱོད་པ། །རིགས་གཅིག་
D420.080.0073a06.01ཏུ་ནི་རྣམ་པར་བརྟག །བྱམས་དང་སྡང་བའི་བྱེ་བྲག་དང་། །བཏུང་དང་མི་བཏུང་སྤང་བར་བྱ། །བུད་མེད་གང་ཡང་སྣོད་མིན་མེད། །དགེ་དང་མི་དགེ་སྨྲ་མི་བྱ། །དངོས་གྲུབ་རྣལ་འབྱོར་མེད་པ་དང་། །སྔགས་མེད་སྔགས་པ་མེད་པར་ནི། །དངོས་གྲུབ་ཆེན་པོ་ཐོབ་འདོད་ན། །དེ་ལྟ་བུ་ཡི་སེམས་མི་
D420.080.0073a07.01