完整藏文原文 · 德格版页 当前仅加载第 80 函德格 85b 版页；藏文 NFD、目录标记与异常页序保留在来源切片中，重复版页行以稳定序号区分。
ཏྲཱྃ་ཧྲཱིཿཁྃ་གི་སྔགས་རྒྱལ་གྱིས། །བདུད་རྩི་ལྔ་ནི་སྤྱད་པར་བྱ། །ས་ཆུ་མེ་རླུང་རྣམས་ཀྱི་ནི། །ས་བོན་གྱིས་ནི་བཟའ་བར་བྱ། །དཔལ་ཕྱག་རྒྱ་ཆེན་པོའི་ཐིག་ལེ་ལས་འཁོར་ལོ་དྲུག་གི་ས་བོན་དང་། སྔགས་བཏུང་དང་། བདུད་རྩི་ལྔ་བཟའ་བ་དང་། །སྤྱད་པ་ཞེས་བྱ་བའི་ལེའུ་སྟེ་
D420.080.0085b01.01ཉི་ཤུ་རྩ་གཅིག་པའོ།། །།འབྱུང་པོ་རྣམས་ནི་བསྲུང་དོན་དུ། །ཉོན་ཅིག་གཏོར་མ་བདག་གིས་བཤད། །དུར་ཁྲོད་ཡང་ན་ཆུ་ངོགས་སམ། །ཡུལ་གྱི་མཐའ་འམ་ཡང་ན་ནི། །ཤིང་གཅིག་དང་ནི་ཁང་སྟོང་དུ། །གཏོར་མ་འབད་དེ་སྦྱིན་པར་བྱ། །ཚངས་པ་མ་དང་། དྲག་
D420.080.0085b02.01མོ་དང་། དབང་ཕྱུག་ཆེན་མོ་དང་། ཁྱབ་འཇུག་མ་དང་། ཕག་མོ་དང་། མིའི་སེང་གེ་མོ་དང་། བརྒྱ་བྱིན་མོ་དང་། མེ་མོ་དང་། ཆུ་ལྷ་མོ་དང་། རླུང་ལྷ་མོ་དང་། གཞོན་ནུ་མོ་དང་། གནོད་སྦྱིན་མོ་དང་། མཁའ་ལྡིང་མོ་དང་། སྤྲུལ་མོ་དང་། གླང་ཆེན་མོ་དང་། གཤིན་
D420.080.0085b03.01རྗེ་མོ་དང་། ནོར་སྦྱིན་མོ་དང་། ཉི་མ་མོ་དང་། གཏུམ་མོ་དང་། དེ་ལྟ་བུའི་རྣལ་འབྱོར་མ་འཁོར་དང་བཅས་པ་ཐམས་ཅད་རྣལ་འབྱོར་བས་འདིར་ཕྱག་རྒྱ་འདིས་དགུག་པར་བྱའོ། །རྡོ་རྗེ་ཁུ་ཚུར་གཉིས་བྱས་ཏེ། །རྒྱབ་དང་རྒྱབ་ཏུ་བསྣོལ་བར་བྱ། །མཐེའུ་ཆུང་ལུ་གུ་རྒྱུད་དུ་སྤྲེལ་
D420.080.0085b04.01མཛུབ་མོ་དྲང་པོར་བསྒྲེང་བྱས་ཏེ། །གཡས་དང་གཡོན་གྱི་ཕྱག་གཉིས་ནི། །ཅུང་ཟད་ཙམ་ནི་དགུག་པར་བྱ། །རྣལ་འབྱོར་མ་ཐམས་ཅད་དང་། མཁའ་འགྲོ་མ་ཐམས་ཅད་དང་། འབྱུང་པོ་དང་། {ཡི་དགས་,ཡི་དྭགས་}དང་། ཤ་ཟ་དང་། དྲག་པོ་ཆེན་པོ་དང་། བརྗེད་བྱེད་རྣམས་ཚུར་
D420.080.0085b05.01ཤོག་ཚུར་ཤོག །ཉ་དང་། ཤ་དང་། ཁྲག་ཆེན་པོ་དང་། བཟའ་བ་སྣ་ཚོགས་དང་ལྡན་པ། མེ་ཏོག་དང་། སྤོས་དང་། མར་མེ་དང་། དྲི་དང་། བདུད་རྩི་ལྔ་དང་། ཆང་དང་། རྒྱལ་མཚན་དང་། བ་དན་ལ་སོགས་པ་དང་། གདུགས་དང་། རྔུལ་ཡབ་ཀྱིས་བརྒྱན་པའི་གཏོར་མ་འདི་སྣོམས་
D420.080.0085b06.01ཤིག །དམ་ཚིག་འདི་སྲུངས་ཤིག །བདག་གི་དོན་ཐམས་ཅད་ཀྱི་གྲོགས་གྱིས་ཤིག །རྒྱུད་འདི་ལ་གང་ཞིག་དད་པ་ཡོད་པ་དེ་རྣམས་བསྲུང་བའི་དོན་དུ་གསོལ་ཅིག །འཐུང་ཤིག །རོལ་ཅིག །ཧཱུྃ་ཧཱུྃ་ཕཊ་ཕཊ་སྭཱ་ཧཱ། བྷ་གའི་ཕྱག་རྒྱ་མགོ་སྟེང་བཅའ། །ཕྱག་རྒྱ་འདི་ཡིས་གཏོར་
D420.080.0085b07.01