完整藏文原文 · 德格版页 当前仅加载第 80 函德格 90b 版页；藏文 NFD、目录标记与异常页序保留在来源切片中，重复版页行以稳定序号区分。
གསོལ་ཏོ། །བཅོམ་ལྡན་རྣལ་འབྱོར་མ་ཡི་བདག །ཅུང་ཟད་བདག་ལ་ཐེ་ཚོམ་སྐྱེས། །གང་ཞིག་དཀྱིལ་འཁོར་ཆོ་ག་ནི། །རྩ་བ་ཡི་ནི་རྒྱུད་དུ་བཤད། །བདག་དང་གཞན་གྱི་གནས་དེ་ནི། །སྔར་ནི་བདག་གིས་མ་ཤེས་སོ། །བཅོམ་ལྡན་འདས་ཀྱིས་
D420.080.0090b01.01བཀའ་སྩལ་པ། །བདག་གི་གནས་དང་གཞན་དེ་བཞིན། །ཉོན་ཅིག་ཡང་དག་བདག་གིས་བཤད། །གཞན་གྱི་གནས་ནི་བྷ་གར་བརྗོད། །བདག་གི་གནས་ནི་སྙིང་པོའོ། །སྒོ་ཡི་ཕྱི་རོལ་གཞན་གྱི་གནས། །བདག་གི་གནས་ནི་དཀྱིལ་འཁོར་རོ། །ཡང་
D420.080.0090b02.01ན་གཞན་གནས་སྦྱོར་བ་ཡིན། །ཉེ་བའི་སྦྱོར་བ་བདག་གནས་སོ། །སྦྱོར་བ་མཐོ་རིས་ཞེས་སུ་བསྟན། །དེ་བཞིན་དུ་ཡང་མི་ཡུལ་སྦྱོར། །ཉེ་བའི་སྦྱོར་བ་ས་འོག་སྟེ། །མཐོ་རིས་ཆོས་ཀྱི་སྙིང་པདྨ། །ཉེ་བའི་སྦྱོར་བ་རི་རབ་རྩེ། །མི་ཡུལ་ལྟེ་བའི་ལྟེ་བའོ། །
D420.080.0090b03.01ས་འོག་སྤྲུལ་པའི་སྙིང་པོ་སྟེ། །རི་རབ་རྩེ་མོ་གསང་སྣའོ། །དེ་ལྟར་གཞན་ནི་གསང་ཆེན་པོ། །ཡང་དག་གཞན་དུ་ངས་མ་བཤད། །འབད་དེ་དེ་ནི་བསྲུང་བྱ་སྟེ། །སུ་ལ་ཡང་ནི་མི་སྦྱིན་ནོ། །རྣལ་འབྱོར་མ་རྒྱུད་དབང་ཕྱུག་རྒྱལ། །རྣལ་འབྱོར་མ་ལ་བཤད་པར་བྱ། །
D420.080.0090b04.01ཡང་ན་སེམས་དཔའ་ཆེན་པོ་འདི། །ལེགས་པར་བརྟགས་ནས་གསལ་བར་བྱ། །དཔལ་ཧེ་རུ་ཀ་ཆེན་པོའི་དང་པོའི་དང་པོ་གྲུབ་པ། དེ་བཞིན་གཤེགས་པ་ཐམས་ཅད་ཀྱི་གསང་བླ་ལས་ཀྱང་ཆེས་གསང་བའི་རྒྱུད་ཕྱི་མ་དཔལ་ཕྱག་རྒྱ་ཆེན་པོའི་ཐིག་ལེ་རྣལ་འབྱོར་མ་ཆེན་པོའི་
D420.080.0090b05.01རྒྱུད་ཀྱི་རྒྱལ་པོའི་མངའ་བདག །ཐམས་ཅད་མཁྱེན་པས་ཀྱང་རྙེད་པར་དཀའ་བ། རྨད་དུ་བྱུང་བའི་རྨད་དུ་བྱུང་བ་ཞེས་བྱ་བའི་ལེའུ་སྟེ། ཉི་ཤུ་རྩ་བརྒྱད་པའོ།། །།དཔལ་ཕྱག་རྒྱ་ཆེན་པོའི་ཐིག་ལེ་རྣལ་འབྱོར་མ་ཆེན་མོའི་རྒྱུད་ཀྱི་རྒྱལ་པོའི་མངའ་བདག་ཅེས་
D420.080.0090b06.01བྱ་བ་རྫོགས་སོ།། །།རྒྱ་གར་གྱི་སློབ་དཔོན་རྣལ་འབྱོར་གྱི་དབང་ཕྱུག་ཆེན་པོ་དཔལ་ཤེས་རབ་གསང་བའི་ཞལ་སྔར། ཀ་མ་ཆོས་ཀྱི་ཡེ་ཤེས་དང་། ཕྱུག་མཚམས་དགྲ་བཅོམ་གྱིས་དད་ཅིང་གུས་པས་ཞུས་ཏེ་བསྒྱུར་ཅིང་གཏན་ལ་ཕབ་པ།། །།
D420.080.0090b07.01