完整藏文原文 · 德格版页 当前仅加载第 80 函德格 86b 版页；藏文 NFD、目录标记与异常页序保留在来源切片中，重复版页行以稳定序号区分。
ཡང་ཚོགས་ཀྱིས་མི་བྱའོ། །དུམ་བུ་གཅིག་པའི་མཚན་ལྡན་སྣོད། །བླ་མའི་མདུན་དུ་གཞག་པར་བྱ། །ཡང་ན་དུམ་བུ་གསུམ་པ་ནི། །ལྷ་ཡི་ཆང་གིས་བཀང་བར་བྱ། །སྣ་ཚོགས་མཆོད་པའི་མཆོད་སྦྱིན་གྱིས། །སྣོད་དེ་ལ་ནི་མཆོད་པར་བྱ། །ཚོགས་ཀྱི་འཁོར་ལོར་སྣོད་གཞན་
D420.080.0086b01.01ནི། །མེ་ཏོག་རྒྱན་གྱིས་བརྒྱན་པའོ། །བཟའ་བ་སྣ་ཚོགས་དང་ལྡན་པའི། །དང་པོར་གཏོར་མ་ཆེན་པོ་ནི། །ཇི་ལྟར་དགའ་བ་མེད་མི་འགྱུར། །ཇེ་མང་ཇེ་མང་བཏུང་བར་བྱ། །ཡང་དང་ཡང་དུ་ཕྱག་བྱ་ཞིང་། །ཕྱག་རྒྱ་བཅིངས་ལ་བཏུང་བར་བྱ། །དེ་ནས་བཟའ་བ་ཐམས་ཅད་ཀུན། །དག་པར་
D420.080.0086b02.01བྱས་ནས་བཟའ་བར་བྱ། །ལྟེ་བའི་རི་བོང་འཛིན་དཀར་དང་། །རྟ་མགྲིན་མཆོག་དང་ལྡན་པ་དང་། །ཧུྃ་གིས་རྡོ་རྗེ་དཀར་ལེགས་སྤྱད། །ཨཿཡིས་རབ་ཏུ་རྟོགས་བྱས་ཤིང་། །ཨོཾ་ཀྱི་འོད་ཀྱིས་འབར་འགྱུར་བར། །བྱིན་གྱིས་བརླབས་ནས་མངོན་པར་བཟའ། །རང་ལྕེ་པད་འདབ་དབུས་མ་རུ། །ཧུྃ་བྱུང་རྡོ་རྗེ་
D420.080.0086b03.01དཀར་པོ་དགོད། །ཕྱི་ནང་བདག་ཉིད་ཐམས་ཅད་ཀུན། །འཁོར་ལོ་དེ་ཡིས་རབ་ཚིམ་བྱ། །འཁོར་ལོ་བཞི་ཡི་དབྱེ་བ་ཡིས། །འཁོར་ལོ་མ་ལུས་ཀུན་སྦྱང་བྱ། །དཔའ་བོའི་ལྕེ་ལ་དཔའ་བོ་ནི། །དཔའ་བོའི་དཔའ་བོ་དབུས་སུའོ། །དཔའ་བོའི་ཁ་ལ་དཔའ་བོ་ནི། །མཆོད་པའི་དུས་སུ་མཆོད་པར་བྱ། །ལྟེ་བ་
D420.080.0086b04.01གཉིས་ཀྱི་དབུས་སུ་ནི། །དཔའ་བོ་ཀུན་གྱི་མཆོག་གི་གནས། །དཔའ་བོ་རྣམས་ཀྱི་མཆོག་གི་དོན། །དཔའ་བོ་དེ་ཀུན་མི་ཤེས་ན། །དེ་ཡིས་ཚོགས་ཀྱི་འཁོར་ལོ་ནི། །ནམ་ཡང་ཐོབ་པར་མི་འགྱུར་རོ། །གང་ཅི་དེ་ལྟའི་རིམ་པ་ཡིས། །ཕྱི་དང་ནང་གི་བྱ་བའོ། །དེ་ལྟར་བྱས་ན་དངོས་གྲུབ་འཐོབ། །
D420.080.0086b05.01མཁའ་འགྲོ་མ་ཡང་ལྷན་ཅིག་འདུས། །གལ་ཏེ་གཞན་མའི་རྣལ་འབྱོར་མ། །བརྟག་པའི་དོན་དུ་འོང་འགྱུར་ན། །དེ་ལ་རེ་ཞིག་ཐེ་ཚོམ་ནི། །མཁས་པས་ནམ་ཡང་མི་བྱའོ། །གཏམ་ནི་སྨྲ་བར་མི་བྱ་སྟེ། །ཕྱག་རྒྱས་བསྙུན་ནི་གསོལ་བར་བྱ། །གང་ཞིག་དེ་རུ་བླ་མ་ཡིས། །གསུང་བ་དང་ནི་མཛད་
D420.080.0086b06.01པའང་དེ། །ཡང་ན་ལས་ཀྱི་རྡོ་རྗེ་ནི། །ཐམས་ཅད་དོན་ཀུན་བྱེད་པའང་རུང་། །ཇི་ལྟར་རྡོ་རྗེ་སེམས་དཔས་རོལ། །ལས་ཀྱི་རྡོ་རྗེས་དེ་ལྟར་རོ། །སྣ་ཚོགས་གཟུགས་ཀྱིས་རྣལ་འབྱོར་མ། །ཡང་དང་ཡང་ནི་འོང་འགྱུར་ན། །དེ་རུ་རེ་ཞིག་འཇིགས་མི་བྱ། །དཔའ་བོ་ཡི་ནི་གཟུགས་སུ་སྤྱོད། །བསྡམས་
D420.080.0086b07.01