完整藏文原文 · 德格版页 当前仅加载第 80 函德格 69b 版页；藏文 NFD、目录标记与异常页序保留在来源切片中，重复版页行以稳定序号区分。
པོར་འགྱུར། །དེ་གཉིས་ནང་ན་མེ་གནས་པ། །སྒོང་སྐྱེས་གཉིས་ལོག་ཇི་བཞིན་ནོ། །སྔོན་གྱི་ལས་རླུང་རྣམ་ཤེས་ནི། །གང་ཚེ་འཁོར་བར་གྱུར་པ་ན། །དེ་ཡི་ཚེ་ན་བྷ་གའི་ནང་། །འདོད་ཆགས་ཆེན་པོས་ཡིད་འགྱུར་རོ། །གང་ཚེ་མ་ཡི་ཟླ་མཚན་འབྱུང་། །མེ་དང་ཉི་མ་གསལ་བར་འབྱུང་། །དེ་ཚེ་འདོད་
D420.080.0069b01.01ཆགས་ཆེན་པོའི་ཡིད། །རེག་བྱ་བདུན་པ་མཆོག་ཏུ་འགྱུར། །བོལླ་ཀཀྐོ་ལ་ཞུགས་ནས། །ཇི་ལྟར་ཆུ་ལ་ཆུ་བཞག་བཞིན། །དེ་ཚེ་ས་བོན་འབྱུང་བ་ཡིན། །ས་བོན་ལས་ནི་གོང་བུ་འབྱུང་། །ལྷ་མོ་དེ་ལས་རྩ་རྣམས་འབྱུང་། །འབྲས་བུ་ངེས་པར་འབྱུང་བའོ། །དཔལ་ཕྱག་རྒྱ་ཆེན་པོའི་ཐིག་ལེ་ལས་
D420.080.0069b02.01འཁོར་ལོ་དྲུག་གི་རྩ་འབྱུང་བ་ཞེས་བྱ་བའི་ལེའུ་སྟེ་བཞི་པའོ།། །།སྲོག་ནི་འབྱུང་བར་ཐིམ་པའི་ཚུལ། །ཉོན་ཅིག་ལྷ་མོ་བདག་གིས་བཤད། །མ་སྐྱེས་པ་ཡི་ཆར་ཡང་ནི། །གསང་བའི་མཇལ་གྱི་ནང་དུ་བཞུགས། །དེ་ནི་རྣམ་ཤེས་མེད་པ་དང་། །བདག་ཉིད་མེད་པའི་ཡེ་ཤེས་སྐུ། །དེ་ཡི་གནས་ནས་
D420.080.0069b03.01སྲོག་འབྱུང་སྟེ། །སྲོག་ཅན་རྣམས་ཀྱི་སྲོག་ནི་མཆོག །རྟག་ཏུ་བདག་ཉིད་སྲོག་ཆེན་པོ། །གནས་ལྔའི་གནས་ན་བཞུགས་པའོ། །ནམ་མཁའ་ལྔ་ཞེས་བྱ་བར་གྲགས། །ནམ་མཁའ་ལྔ་ཡི་ནང་དུ་ཐིམ། །འབྱུང་བ་ཆེན་པོ་བཞི་པོ་ནི། །སྲོག་གི་རྟེན་དུ་ཤེས་པར་བྱ། །ཡང་ན་སྲོག་ནི་དེ་རྣམས་རྟེན། །
D420.080.0069b04.01ལེགས་དགྱེས་དབང་མོ་ཤེས་པར་འགྱུར། །རྣམ་ཤེས་ལས་ནི་རླུང་སྐྱེའོ། །དེ་ལས་མེ་ནི་སྐྱེ་བར་འགྱུར། །དེ་ལས་ཆུ་ནི་སྐྱེ་འགྱུར་ཏེ། །དེ་ལས་ས་ནི་སྐྱེ་བའོ། །དེ་རྣམས་ཀུན་ལས་ཕུང་པོར་འབྱུང་། །དེ་ནས་སྐྱེ་མཆེད་འབྱུང་བར་འགྱུར། །དེ་ནས་ཡེ་ཤེས་རང་བཞིན་སྐྱེ། །བརྒྱ་རྩ་བརྒྱད་ཀྱི་རིམ་པས་སོ། །རྡོ་
D420.080.0069b05.01རྗེ་ཕྲེང་བའི་རྒྱུད་ཆེན་ལས། །སྔར་ནི་བདག་གིས་བསྟན་པའོ། །མཚན་མོ་གང་ཡིན་ཉིན་གང་ཡིན། །མཚན་མོ་བདག་གིས་བཤད་པར་བྱ། །མཚན་མོ་ཤེས་རབ་ཏུ་ནི་གྲགས། །ཤེས་རབ་མཚན་མོ་ཡིན་པར་འགྱུར། །མཚན་མེའི་རྣམ་པ་ཟླ་བར་འགྱུར། །ཟླ་བ་མྱ་ངན་འདས་རང་བཞིན། །ཀུན་
D420.080.0069b06.01རྫོབ་དང་ནི་དོན་དམ་པར། །ཤེས་རབ་གཉིས་ཀྱིས་ཤེས་པར་བྱ། །ཀུན་རྫོབ་རེག་བྱར་ཤེས་པར་བྱ། །གང་ཞིག་རེག་བྱ་མེད་པར་བདེ། །བལྟ་བར་དཀའ་བའི་མཚན་ཉིད་དོ། །རང་བཞིན་མེད་པའི་རང་བཞིན་ཅན། །དེ་ནི་བདག་གིས་མཚན་མོར་བཤད། །ཉིན་མོ་ཐབས་སུ་གྲགས་པ་སྟེ། །ཐབས་
D420.080.0069b07.01