完整藏文原文 · 德格版页 当前仅加载第 80 函德格 80b 版页；藏文 NFD、目录标记与异常页序保留在来源切片中，重复版页行以稳定序号区分。
དགའ་བའི་དོན་ཡིན་ནོ། །ཨུ་ཏ་དང་ནི་ཚུལ་དང་གཉིད། །ལྷན་ཅིག་སྐྱེས་དགའ་བཞི་པའོ། །དེ་ནི་སྦྱོར་བ་བཞི་བ་ཡིན། །དགའ་བའི་བྱེ་བྲག་བཅུ་དྲུག་གོ། །བཞི་རྣམས་གཞན་མིན་འདི་རུ་ནི། །རབ་ཀྱི་དོན་ནི་འདི་ལྟར་འགྱུར། །འདོད་པ་འདུན་པ་ཡིན་པར་བཤད། །དཔལ་ལྡན་ཤེས་
D420.080.0080b01.01རབ་མས་སྦུལ་ལོ། །དེ་ནི་འདུན་པ་ལས་ནི་དཀྲུག །རང་གི་ཡིད་ཀྱིས་བྱེད་པའོ། །འདོད་པའི་སྒྲས་ནི་དགའ་བ་ཡིན། །མཐོང་བ་ལས་ནི་བྱེད་པའོ། །དེ་ཉིད་བཅོམ་ལྡན་ཤེས་རབ་མ། །འདོད་ཆགས་ཆེན་པོས་རྒྱས་པ་ན། །དེ་ཚེ་རྒྱས་པ་ཡིན་པར་འགྱུར། །མཆོག་གི་དགའ་བ་
D420.080.0080b02.01གཉིས་པའོ། །རྒྱས་པའི་དུས་སུ་ཕྱི་དང་ནང་། །གང་ཚེ་ཤིན་ཏུ་འབར་འགྱུར་ན། །དེ་ཚེ་ཡན་ལག་རབ་དེ་ནི། །སྐད་ཅིག་གིས་ནི་ཞུ་བར་འགྱུར། །ད་ནི་འབར་བའི་ཐིག་ལེས་ནི། །མིང་ནི་གསལ་བར་གྱུར་པའོ། །དེ་ནི་དགའ་བྲལ་དགའ་བ་སྟེ། །གསུམ་པ་ཞེས་བྱ་བཤད་པའོ། །ཡང་
D420.080.0080b03.01ན་དེ་ཉིད་གཙོ་མོ་ནི། །མཆོག་གི་རྣམ་པ་རབ་བདེ་བ། །དེ་ཚེ་ཨུ་ཏའི་དགུག་པ་ནི། །སྲིད་པ་དང་བྲལ་བྱེད་པའོ། །དེ་ནི་བཞི་བ་ཡང་དག་མཆོག །ལྷན་ཅིག་སྐྱེས་དགའ་བསྟན་པའོ། །དེ་ནི་ཨུ་ཏའི་དགུག་པ་ནི། །ཐིག་ལེའི་ཐར་པ་གསུམ་གྱི་མཐར། །ལྷན་སྐྱེས་ཀྱི་ནི་གནས་སུའོ། །དགའ་
D420.080.0080b04.01བ་ལ་སོགས་བྱེ་བྲག་གིས། །ལྷན་ཅིག་སྐྱེས་རིམ་ཤེས་པར་བྱ། །བདེ་བ་ཆེན་པོའི་གཙུག་ཏོར་ནས། །སྨིན་ཕྲག་འཁོར་ལོའི་དབུས་ཡན་ཆད། །དེ་ཙམ་དགའ་བའི་གནས་ཡིན་ཏེ། །ཐིག་ལེ་གཅིག་པུའི་མཚན་ཉིད་དོ། །སྨིན་ཕྲག་འཁོར་ལོས་མགྲིན་འཁོར་ལོ། །དེ་ཙམ་མཆོག་གི་དགའ་
D420.080.0080b05.01བའོ། །མགྲིན་པའི་གནས་ནས་སྙིང་འཁོར་ལོ། །དེ་ཙམ་དགའ་བྲལ་དགའ་བའོ། །དེ་ནས་ཡང་ནི་རིམ་པ་ཡིས། །རིམ་པའི་གནས་ནི་རབ་ཏུ་བཤད། །ལྟེ་བའི་འཁོར་ནས་རྒྱུ་ཞབས་སུ། །དེ་ཙམ་དུ་ནི་དགའ་བ་ཡིན། །རྒྱུ་ཞབས་སུ་ནི་མདུད་པའི་རྩར། །དེ་ཙམ་མཆོག་གི་དགའ་བའོ། །མདུད་
D420.080.0080b06.01པའི་གནས་ནས་རིན་ཆེན་མཁར། །དེ་ཙམ་དགའ་བྲལ་དགའ་བའོ། །རྡོ་རྗེ་རིན་ཆེན་རྩེ་ནང་ཡོད། །ལྷན་སྐྱེས་དེ་ནི་དོན་དམ་པའོ། །དཔལ་ཕྱག་རྒྱ་ཆེན་པོའི་ཐིག་ལེ་ལས་དཀྱིལ་འཁོར་དང་། དགའ་བའི་བྱེ་བྲག་དང་། ཐིག་ལེའི་མཚན་ཉིད་དང་། བསྐྱེད་པ་དང་། རྫོགས་པའི་རིམ་པ་ཞེས་
D420.080.0080b07.01