完整藏文原文 · 德格版页 当前仅加载第 80 函德格 81b 版页；藏文 NFD、目录标记与异常页序保留在来源切片中，重复版页行以稳定序号区分。
ཡིན་པར་འགྱུར། །དེ་ཡི་ཚེ་ན་སྲོག་གི་རླུང་། །གྱེན་དུ་ལམ་དུ་འགྲོ་བའོ། །གསོ་རླུང་ལྟེ་བའི་གནས་སུ་ནི། །ངེས་པ་ཡི་ནི་གནས་བྱེད་དོ། །ཡང་ན་གང་ཚེ་སྲོག་གི་རླུང་། །གཙུག་ཏོར་ལས་ནི་ཕྱིར་འགྲོ་ན། །དེ་ཚེ་གསོ་བའི་རླུང་དེ་ནི། །རང་གི་གནས་སུ་འགྲོ་བའོ། །དེ་ནི་སྲོག་གི་རླུང་
D420.080.0081b01.01ཡིན་ཏེ། །ལྟེ་བའི་གནས་སུ་འདུག་ས་བྱེད། །དཔལ་ཕྱག་རྒྱ་ཆེན་པོའི་ཐིག་ལེ་ལས་ཚུལ་དང་། ཆར་ཡང་དང་། ཐིག་ལེ་དང་། ཡེ་ཤེས་ཀྱི་གནས་དང་། རྩའི་ཀུན་སྤྱོད་ཅེས་བྱ་བའི་ལེའུ་སྟེ་བཅུ་བདུན་པའོ།། །།བཅོམ་ལྡན་དེ་རུ་བདག་ཞུ་སྟེ། །དེ་ཡི་བསམ་གཏན་ཇི་ལྟ་བུ། །ཁ་སྦྱར་
D420.080.0081b02.01རྣམ་པའི་སྦྱོར་བ་ཡིས། །པད་རྣམས་འདུག་སའི་མཚན་ཉིད་དོ། །རིམ་པ་གང་གིས་སེམས་དེ་ནི། །འགྲོ་དང་འོང་བ་ཇི་ལྟར་འགྱུར། །བཅོམ་ལྡན་འདས་ཀྱིས་བཀའ་སྩལ་པ། །དྲིས་པ་ཡང་དག་གསང་བ་སྟེ། །འདི་ནི་སུས་ཀྱང་མི་ཤེས་སོ། །གང་གིས་ཁྱོད་ཀྱིས་གསལ་བར་ཤེས། །
D420.080.0081b03.01ཉོན་ཅིག་ཡང་དག་བདག་གིས་བཤད། །གང་ཚེ་ལེགས་དགྱེས་ཤིན་ཏུ་བདེ། །ཤེས་རབ་ཐབས་ཀྱི་སྦྱོར་བ་ལས། །དེ་ཚེ་རྟོག་པ་མེད་པའི་ལམ། །བྱང་ཆུབ་སེམས་ནི་འབྱུང་བར་འགྱུར། །ལྟེ་བའི་རྩ་བར་སྲོག་རླུང་ནི། །སྐད་ཅིག་ཙམ་ཡང་མི་བྱེད་ན། །གང་ཞིག་པདྨ་ཁས་སྦུབ་
D420.080.0081b04.01འདི། །སྐད་ཅིག་གིས་ནི་གྱེན་དུ་འགྱུར། །དེ་ཡི་ལྟེ་བའི་དབུས་སུ་ནི། །སེམས་ནི་བརྟན་པར་འགྱུར་བའོ། །དེ་ཚེ་ཐུར་དུ་འགྲོ་མི་འགྱུར། །ཇི་ལྟར་མ་རྡོལ་སྣོད་དུ་ནི། །ཆུ་ནི་འཛག་པ་མེད་པར་གནས། །དེ་བཞིན་ངེས་པར་སེམས་འགྱུར་རོ། །དེ་ནི་སྐད་ཅིག་སྒོམ་བྱེད་དོ། །སངས་
D420.080.0081b05.01རྒྱས་ཉིད་འགྱུར་ཐེ་ཚོམ་མེད། །དཔལ་ཕྱག་རྒྱ་ཆེན་པོའི་ཐིག་ལེའས་བྱང་ཆུབ་ཀྱི་སེམས་བརྟན་པར་བྱེད་པ་དང་། བསམ་གཏན་བརྟན་པ་ཞེས་བྱ་བའི་ལེའུ་སྟེ་{བཅྭ་,བཅོ་}བརྒྱད་པའོ།། །།དབང་བསྐུར་ཡེ་ཤེས་མཚན་ཉིད་ནི། །བཅོམ་ལྡན་དེ་ཉིད་དོན་ནི་གསུངས། །བཅོམ་ལྡན་འདས་ཀྱིས་བཀའ་
D420.080.0081b06.01སྩལ་པ། །དབང་བསྐུར་བ་ཡི་ཡེ་ཤེས་དོན། །ཉོན་ཅིག་ཡང་དག་བདག་གིས་བཤད། །གཟུགས་བཟང་བཅུ་དྲུག་ལོན་པ་དང་། །སིཧླ་ག་བུར་ཡོད་པ་ཡི། །ཕྱག་རྒྱ་གཅེར་བུར་བྱས་ནས་ནི། །ལགས་དགྱེས་ཀྱིས་ནི་མཆོད་པར་བྱ། །པདྨ་ཁ་སྦྱར་སྦྱོར་བྱ་ཡིས། །ཡང་དང་ཡང་དུ་
D420.080.0081b07.01