完整藏文原文 · 德格版页 当前仅加载第 80 函德格 68a 版页；藏文 NFD、目录标记与异常页序保留在来源切片中，重复版页行以稳定序号区分。
དང་བདེ་བ་འབྱུང་། །བདེ་བ་འཕེལ་བར་བྱེད་པའོ། །དབྱངས་དང་དཔེ་བྱད་དང་བྲལ་ལོ། །གྲངས་མེད་པ་ཡི་ཁམས་གསུམ་ནི། །རྒྱུ་དང་སྐྱེ་བར་བྱེད་པའོ། །ཚུལ་ནི་གློ་བུར་བ་ཡི་གནས། །རྣམ་པ་ཐམས་ཅད་དང་བྲལ་བ། །དངོས་པོ་སྦྲུལ་ལྕེ་འདྲ་བ་ཡིན། །མཐོ་རིས་ས་ནི་སྐྱེད་པའོ། །
D420.080.0068a01.01ཡི་གེ་མ་ཡིན་ཁམས་ཀྱང་མེད། །ཟླ་ཚེས་ཐིག་ལེ་རྒྱན་དང་བྲལ། །སྐྱེ་མེད་གྲངས་མེད་མི་ཟད་པ། །དེ་ནི་དོན་དམ་ཚུལ་ཡིན་ནོ། །སྤྲུལ་པ་ཡི་ནི་འཁོར་ལོའི་གནས། །ལྟེ་བའི་སྙོམས་པ་ཞེས་སུ་གྲགས། །ཆོས་ཀྱི་འཁོར་ལོའི་ཚུལ་ཙམ་ནི། །དྲི་མ་མེད་པ་སྤྲུལ་མིག་འདྲ། །དྲི་མེད་མ་བཅོས་
D420.080.0068a02.01པ་ཡི་གནས། །གནས་མེད་རྣམ་པ་མེད་པའོ། །གཡོ་བ་མེད་དང་བརྗོད་དུ་མེད། །དབུགས་ཀྱི་རྒྱུ་བ་མེད་པའོ། །མཆོག་གི་ཡེ་ཤེས་ཚུལ་ཅན་ནི། །བཅུ་གསུམ་དབང་ཕྱུག་གིས་མི་ཤེས། །མཆོག་གི་ལོངས་སྤྱོད་འཁོར་ལོར་གནས། །མཆོག་གི་རྣམ་པ་བདུད་རྩི་མཆོག །ཐེག་པ་མཆོག་གི་
D420.080.0068a03.01མཐའ་ན་ཡོད། །ཇི་ལྟར་ཆང་གི་མཐུ་བཞིན་ནོ། །ཐམས་ཅད་བདག་ཉིད་བྱད་གཟུགས་བྲལ། །གཟུགས་མེད་བདག་ཉིད་ཀྱིས་བཞུགས་སོ། །གཞན་མཆོག་བདེ་ཆེན་འཁོར་ལོ་ལ། །ཐམས་ཅད་མཐའ་ཡི་མཐའ་ན་བཞུགས། །ལྟ་བར་བྱེད་དང་བལྟ་བྱ་མེད། །མཚན་ངན་ཐམས་ཅད་མེད་པའོ། །
D420.080.0068a04.01བརྗོད་མེད་མི་ཟད་ཞི་བསྟེ། །རང་དགའ་ཉམས་མྱོང་རྣམ་པའོ། །བླ་མ་ཡི་ནི་བཀའ་དྲིན་གྱིས། །ལེགས་དགྱེས་དབང་པོ་རྙེད་པར་འགྱུར། །དེ་ལྟ་བུ་ཡི་ཡེ་ཤེས་ཆེ། །རྣམ་པར་ཤེས་དྲུག་རང་བཞིན་ཅན། །འཁོར་ལོ་དྲུག་གི་དབུས་སུ་ནི། །དོན་དམ་པར་ནི་བཤད་པའོ། །སྟེང་དང་འོག་གི་སྦྱོར་བ་ཡིས། །
D420.080.0068a05.01ཁ་སྦྱར་བྱད་གཟུགས་ཀྱིས་ནི་ཡོད། །བཅུ་གཉིས་ཕྱེད་དང་དྲུག་གི་ཕྱེད། །དྲུག་ཅུ་རྩ་བཞི་དེ་བཞིན་བརྒྱད། །བརྒྱད་གཉིས་དང་ནི་བརྒྱད་བཞི་ནི། །འདི་ནི་འཁོར་ལོ་ཆུ་སྐྱེས་དུག །དཔལ་ཕྱག་རྒྱ་ཆེན་པོའི་ཐིག་ལེ་ལས་སྦྱོར་བ་དྲུག་གི་མཚན་ཉིད་དང་འཁོར་ལོ་དྲུག་གི་རང་གི་ངོ་བོ་ཞེས་བྱ་བའི་ལེའུ་སྟེ་གསུམ་
D420.080.0068a06.01པའོ།། །།ཉོན་ཅིག་ལྷ་མོ་སྐལ་ཆེན་མོ། །རྩ་ཡི་འཁོར་ལོ་འབྱུང་བ་མཆོག །སྟོང་ཕྲག་བདུན་ཅུ་རྩ་གཉིས་ཏེ། །རྩ་རྣམས་ཀྱི་ནི་རིགས་བཤད་དོ། །རིགས་ཆེན་པོ་ཡི་རྒྱུད་ཆེན་པོར། །རྒྱས་པར་བདག་གིས་གསལ་བར་བྱས། །འདི་རུ་འཁོར་ལོ་དྲུག་གི་གྲངས། །མདོར་བསྡུས་པ་ནི་བཤད་པར་
D420.080.0068a07.01