完整藏文原文 · 德格版页 当前仅加载第 80 函德格 86a 版页；藏文 NFD、目录标记与异常页序保留在来源切片中，重复版页行以稳定序号区分。
མ་སྦྱིན། །རྐང་པ་མནན་ཅིང་སྟེང་དུ་བལྟ། །ཧ་ཧའི་སྒྲ་ནི་སྒྲོགས་བྱེད་ཅིང་། །རུས་པའི་རྒྱན་དང་ལྡན་པ་ཡི། །ཧེ་རུ་ཀར་ནི་བདག་ཉིད་བསམ། །བརྒྱ་བྱིན་འདྲ་བའི་ལྷ་མ་ཡིན། །མདུན་དུ་བྱུང་བར་གྱུར་ན་ཡང་། །དེ་ལ་འཇིགས་པར་མི་བྱ་སྟེ། །གཞན་རྣམས་
D420.080.0086a01.01སྨོས་ཀྱང་ཅི་ཞིག་དགོས། །དཔལ་ཕྱག་རྒྱ་ཆེན་པོའི་ཐིག་ལེ་ལས་གཏོར་མའི་ལས་ཞེས་བྱ་བའི་ལེའུ་སྟེ་ཉི་ཤུ་རྩ་གཉིས་པའོ།། །།ཚོགས་ཀྱི་འཁོར་ལོའི་ཆོ་ག་ནི། །ཉོན་ཅིག་ལྷ་མོ་སྤྱན་{བཟངས་,བཟང་}མོ། །གསང་བ་མཆོག་གི་དགྱེས་པ་ཡི། །དེ་རུ་འཁོར་ལོ་རབ་ཏུ་བསྐོར། །
D420.080.0086a02.01ཐམས་ཅད་དམ་ཚིག་གཅིག་པ་དང་། །ཐམས་ཅད་རྟོག་པ་མེད་པ་དང་། །སེར་སྣ་ང་རྒྱལ་སྤངས་པ་དང་། །འདོད་ཆགས་ཞེ་སྡང་བྲལ་བ་དང་། །བླ་མ་ལ་གུས་བསམ་གཏན་ལྡན། །ཕྲག་དོག་མེད་ཅིང་རྩེ་གཅིག་པ། །དེ་ལྟར་དགྱེས་པ་ཚོགས་འཁོར་ལོ། །མཁས་པས་
D420.080.0086a03.01འབད་དེ་གཞུག་པར་བྱ། །དེ་ལྟར་མིན་ན་སྐྱོན་ཡོད་དེ། །འཁོར་ལོ་ཡང་ནི་འགྲུབ་མི་འགྱུར། །ཐབས་དང་མཉམ་པའི་ཤེས་རབ་མ། །ཉི་ཤུ་རྩ་ལྔ་ཡན་ཆད་སྤངས། །ཐབས་རེ་ཤེས་རབ་རེ་རེར་ལྡན། །ཀུན་ལ་གཅིག་ནི་མི་མཛེས་སོ། །དང་པོ་ཡིད་འཕྲོག་དགྱེས་པ་ཡིས། །མེ་
D420.080.0086a04.01ཏོག་དཀྱིལ་འཁོར་བྲི་བར་བྱ། །དེ་རུ་སྣ་ཚོགས་མཆོད་པ་ནི། །རྩེ་གཅིག་གིས་ནི་ལེགས་པར་བྱ། །བླ་མ་དངོས་པོ་ཐམས་ཅད་ཀྱིས། །དད་པ་ཡིས་ནི་མཆོད་པར་བྱ། །ཚོགས་པ་ལ་ཡང་འབད་དེ་མཆོད། །མཉམ་ཉིད་བལྟ་བ་སེམས་ཀྱིས་སོ། །ཇི་ལྟར་བླ་མས་ཕྱག་རྒྱ་འཛིན། །
D420.080.0086a05.01ཚོགས་ཀྱིས་ཀྱང་ནི་དེ་ལྟར་རོ། །རྩེ་གསུམ་ཡང་ན་རལ་གྲིས་བསད། །ནམ་ཕྱེད་ན་ནི་བླང་བར་བྱ། །སྣ་ཚོགས་མཆོད་པའི་མཆོད་སྦྱིན་གྱིས། །མཆོད་ནས་བླ་མའི་གདན་བྱའོ། །དབུས་སུ་བདག་ཉིད་ཧེ་རུ་ཀར། །ཕྱག་རྒྱ་ཆེན་པོ་དང་ལྡན་པ། །དེ་ནི་བླ་མ་ཞེས་སུ་བསྟན། །ལེགས་
D420.080.0086a06.01དགྱེས་དབང་མོ་བདག་ཉིད་དོ། །ཚོགས་ཀྱི་འཁོར་ལོའི་དབུས་སུ་ནི། །མཆིལ་མ་ལ་སོགས་དོར་མི་བྱ། །གཏམ་ཀྱང་སྨྲ་བར་མི་བྱ་སྟེ། །རྐང་པ་ལ་སོགས་{བརྐྱང་མ,རྐྱང་མ}ི་བྱ། །ཕྱག་རྒྱའི་བརྡ་དང་གསང་བའི་སྐད། །དེ་ལ་འབད་པས་བྱ་བའོ། །བཀའ་ལུང་མེད་ན་གར་དང་གླུ། །ནམ་
D420.080.0086a07.01