完整藏文原文 · 德格版页 当前仅加载第 80 函德格 69a 版页；藏文 NFD、目录标记与异常页序保留在来源切片中，重复版页行以稳定序号区分。
གཉིད་མ་གཉིད་སྐྱེས་མ། །ཆང་འཚོང་ཆང་སྟེར་བདུད་རྩི་མ། །དུང་མ་དང་ནི་དུང་རྣ་མ། །དུང་མིག་མ་དང་དུང་སྣ་མ། །མཐུས་ཕྱུག་མ་དང་མཐུ་སེར་མ། །མཐུ་རྨོངས་མ་དང་མཐུ་རྔམ་མ། །འགྱིང་མ་དང་ནི་རི་རྟེན་མ། །སུམ་ཅུ་རྩ་གཉིས་ཐོད་པའི་གནས། །བདེ་ཆེན་འཁོར་ལོའི་རྒྱལ་པོ་འདི། །
D420.080.0069a01.01དེས་ནི་འཁོར་ལོ་རྣམས་ལ་ཁྱབ། །ཐམས་ཅད་ཕྲ་མོ་རེག་བྱ་མེད། །གཟུང་དང་འཛིན་པ་རྣམ་པར་སྤངས། །བདེ་ཆེན་བདེ་བའི་རྣམ་པ་ཅན། །བདེ་ཆེན་ལ་སོགས་སྦྱིན་པར་བྱེད། །དེ་ཡི་རྩ་བའི་འབྱུང་བ་ཡི། །ཡང་དག་ཐར་འདོད་པས་ཤེས་བྱ། །ལྷ་མོ་རྩ་བྱུང་མེད་གྱུར་ན། །ཕུང་པོའི་འབྱུང་བ་ཇི་ལྟར་འགྱུར། །
D420.080.0069a02.01ཕུང་པོ་མེད་ན་ཡེ་ཤེས་ཆེ། །རྣལ་འབྱོར་རྣམས་ཀྱིས་ཇི་ལྟར་རྙེད། །ཕུང་པོ་ལྔ་ནི་བདག་ཉིད་སྐུ། །མཁའ་འགྲོ་ལྔར་ནི་རབ་ཏུ་གྲགས། །མཁའ་འགྲོ་ལྔ་ནི་ཡེ་ཤེས་ལྔ། །འབྱུང་བ་ལྔ་ཡི་རང་བཞིན་ཅན། །རྩ་ཉིད་འབྱུང་བ་མེད་འགྱུར་ན། །ཕུང་པོ་རྣམས་ནི་འབྱུང་བ་མེད། །ཕུང་པོ་མེད་ན་དངོས་གྲུབ་ནི། །
D420.080.0069a03.01རྣལ་འབྱོར་ཆེན་པོས་རྙེད་མི་འགྱུར། །དེ་བས་འབད་པ་ཐམས་ཅད་ཀྱིས། །རྩ་ཡི་འཁོར་ལོ་བཙལ་བར་བྱ། །ཇི་ལྟར་སྤྲིན་གྱི་ཆར་གྱིས་ནི། །རྟག་པར་དེ་ནི་ཆེ་བར་འཕེལ། །འབྲས་བུ་མང་ཞིང་མཐའ་ཡས་ནི། །ཐེ་ཚོམ་མེད་པར་སྦྱིན་པར་བྱེད། །དེ་ལྟར་ཕུང་པོའི་ཤིང་ཞེས་བྱ། །རྩ་ཡི་ཆུ་ཡིས་ཆེ་བར་འཕེལ། །
D420.080.0069a04.01ཆེར་གྱུར་འབྲས་བུ་ཐར་པ་ནི། །ཐེ་ཚོམ་མེད་པར་སྦྱིན་པར་བྱེད། །ལྷ་མོའི་དངོས་པོ་གཟུགས་སུ་ནི། །རྩ་ཡི་བྱད་གཟུགས་ཡིན་པར་འགྱུར། །རེག་ཁམས་རྒྱལ་མཚན་སྦྱོར་བ་ཡིས། །མེ་འཁོར་ནང་དུ་ཆུ་སྐྱེས་ནི། །གང་ཚེ་རྡོ་རྗེས་སྐྱོད་པར་བྱེད། །དེ་ཚེ་མེ་ནི་ཁོང་དུ་ཆུད། །འཁོར་ལོ་ཆུ་སྐྱེས་
D420.080.0069a05.01ཐམས་ཅད་ནི། །ཇེ་གསལ་ཇེ་གསལ་ཁ་འབྱར་འགྱུར། །དེ་ནས་རྩ་ཀུན་འཛག་འགྱུར་ཏེ། །སྣོད་འཛག་པ་ཡི་ཆུ་ཐིགས་བཞིན། །དེ་ནས་སྤྲུལ་པའི་འཁོར་ལོར་ནི། །འདུས་ནས་གཅིག་ཏུ་གྱུར་པའོ། །རྩ་གཉིས་ཁ་ཡི་རྩེ་མོ་ལས། །ཟླ་བ་དང་ནི་ཉི་མ་འཛག །མངལ་གྱི་དབུས་ན་རྩ་གནས་པ། །ཐག་
D420.080.0069a06.01པའི་རྣམ་པའི་གཟུགས་སུ་ཡོད། །དེ་ནི་གཅིག་ཏུ་རྒྱུ་ཞེས་བྱ། །འབྲས་བུའི་བྱེ་བྲག་གཉིས་སུ་འགྱུར། །གཡོན་ནས་ཁུ་བ་འབྱུང་བ་དང་། །གཡས་ནས་ཁྲག་ནི་འབྱུང་བའོ། །གང་ཚེ་གཡས་ཕྱོགས་ཉི་མ་ནི། །དེ་ཚེ་བདེ་བ་དམར་པོར་འགྱུར། །གཡོན་ནས་ཟླ་བ་འབྱུང་བའི་ཕྱིར། །དེ་ནི་བདེ་བ་དཀར་
D420.080.0069a07.01