完整藏文原文 · 德格版页 当前仅加载第 80 函德格 70a 版页；藏文 NFD、目录标记与异常页序保留在来源切片中，重复版页行以稳定序号区分。
ནི་ཉི་མ་ཡིན་པར་འགྱུར། །བྷ་གའི་འབྱུང་བ་ཉི་མ་ཡིན། །ཉི་མ་བྷ་གའི་བདག་པོར་འགྱུར། །སྲིད་པའི་རྣམ་པ་ཉི་མ་ཡིན། །ཟླ་བ་མྱ་ངན་འདས་པའི་གཟུགས། །སྲིད་པ་དེ་ནི་རིགས་ཞེས་བསྟན། །ཉི་ལས་འབྱུང་བ་ཟླ་བའི་རིགས། །དྲི་མ་མེད་ཕྱིར་ཉི་མ་སྟེ། །རྟོག་པའི་དྲ་བ་མེད་པའོ། །
D420.080.0070a01.01དྲི་མ་མེད་པ་མཆོག་ཕྲ་བ། །ཤིན་ཏུ་གསལ་བ་སྟོང་སྐུའོ། །ཡང་དག་དྲི་མེད་གནས་ཞི་བ། །ཐམས་ཅད་ཀུན་ན་བཞུགས་པའོ། །རྒྱུད་རྣམས་ཀུན་དུ་སྦས་པ་ཡི། །དེ་ལྟའི་ཉིན་མོ་བདག་གིས་བཤད། །མཚམས་ནི་གཉིས་ཀ་ཕྲད་པ་སྟེ། །རྡོ་རྗེ་པདྨ་ཉི་ཟླ་འབྱུང་། །ལྟེ་བ་གཉིས་ཀ་ཕྲད་པ་ནི། །ཕྲ་ལྟར་
D420.080.0070a02.01སྐད་ཅིག་མཚན་ཉིད་དོ། །ཉོན་མོངས་ལས་གྲོལ་མཚམས་ཡིན་ཏེ། །རྣམ་པ་མེད་པ་མཆོག་གི་མཆོག །སྦྱོར་གཉིས་དབུས་ན་ཡོད་པ་སྟེ། །བྱུག་པ་དང་ནི་སྲེད་པ་མེད། །དེ་མཚམས་སེམས་ཅན་ཐམས་ཅད་ཀྱི། །འཁོར་བའི་ལམ་རབ་དག་པར་བྱེད། །ཤར་ནི་མཆོག་ཏུ་གྲགས་པ་སྟེ། །དགའ་བྲལ་ལ་
D420.080.0070a03.01སོགས་དང་བྲལ་བ། །མདུད་པའི་རྩེ་མོ་མཆོག་གི་གནས། །ཙ་ན་ཀ་ཡི་རུས་རྣམས་གཟུགས། །དེ་ཡི་ཁ་ནི་གཉིས་ཡོད་དོ། །ཤར་ནི་ཟླ་བའི་བདག་པོར་ཤེས། །ཟླ་བ་གྱེན་དུ་འགྲོ་བའི་ཕྱིར། །ཟླ་བའི་ཐིག་ལེ་མཉམ་པར་གྲགས། །ཐིག་ལེ་བཞིར་གྱེས་བསྟན་པའོ། །ཐོག་མ་ཐ་མའི་དབུས་གནས་ན། །
D420.080.0070a04.01བཞི་བ་གང་ནའང་མེད་པའོ། །རང་རིག་པ་ཡི་བདག་ཉིད་ཕྱིར། །དེ་བས་བརྗོད་དུ་མེད་པའོ། །དེ་ནི་གསང་བར་བསྟན་པ་སྟེ། །ཤར་བའི་དོན་ནི་འདུས་པའོ། །ཉོན་ཅིག་ལྷ་མོ་བདེ་སྦྱིན་མ། །ནུབ་པའི་ཡང་དག་བདག་གིས་བསྟན། །གང་ཚེ་སེམས་ནི་ནུབ་པ་ན། །སྔར་ནི་ཟླ་བའི་རྣམ་པར་འགྱུར། །དེ་ཚེ་
D420.080.0070a05.01ནུབ་པའི་གནས་སུ་འགྲོ། །མི་འགྲོ་བ་ནི་འགྲོ་བར་འགྱུར། །གང་ཚེ་ཐོག་མ་ཐ་མར་འགྲོ། །དེ་ཚེ་ནུབ་པར་བསྟན་པའོ། །ཐ་མ་ནུབ་པར་བསྟན་པ་ནི། །རྟེན་པའི་གནས་ལ་རྟེན་མེད་གནས། །རྟེན་པ་ཡིས་ནི་མཆོག་བདེ་ལ། །རྟེན་མེད་བདེ་བ་ག་ལ་ཡོད། །དཔལ་ཕྱག་རྒྱ་ཆེན་པོའི་ཐིག་ལེ་ལས་སྲོག་དང་མཚན་
D420.080.0070a06.01མོ་དང་། ཉིན་མོ་དང་མཚམས་དང་། ཤར་བ་དང་ནུབ་པ་བསྟན་པ་ཞེས་བྱ་བའི་ལེའུ་སྟེ་ལྔ་པའོ།། །།རྩ་ཡི་འབྱུང་བ་ཐོག་མར་བསྟན། །དུས་ནི་ཉོན་ཅིག་བདག་གིས་བཤད། །དུས་ནི་ཚོད་ཅེས་བསྟན་པ་སྟེ། །དུས་ལ་བྱེ་བྲག་གཉིས་སུ་དབྱེ། །དུས་ནི་བསམ་དུ་མེད་པ་དང་། །ཤིན་ཏུའི་དུས་ནི་དུས་ཡིན་ནོ། །ཤིན་
D420.080.0070a07.01