完整藏文原文 · 德格版页 当前仅加载第 80 函德格 82a 版页；藏文 NFD、目录标记与异常页序保留在来源切片中，重复版页行以稳定序号区分。
འདོད་པ་བྱ། །རིམ་པ་ཡིས་ནི་བསྐྱོད་པར་བྱ། །ཁུ་བ་ཇི་ལྟར་འབྱུང་འགྱུར་བ། །ཐམས་ཅད་འབྱུང་བར་གྱུར་པ་ན། །པདྨའི་ནང་དུ་སྤང་བར་བྱ། །ལེགས་དགྱེས་ཀྱི་ནི་དབང་ཕྱུག་མ། །འདི་ནི་སློབ་དཔོན་དབང་གི་རབ། །ཡང་ནི་གསང་བའི་དབང་འདི་ནི། །དད་པས་ཉོན་
D420.080.0082a01.01ཅིག་བདག་གིས་བཤད། །གང་ཚེ་གསང་གནས་ན་སེམས་ཡོད། །དེ་ནི་གསང་བར་རབ་ཏུ་གྲགས། །གསང་བ་པདྨའི་ཁུ་བ་ཡིན། །མདུད་པའི་ནང་དུ་གསང་བའོ། །དེ་ཡི་གནས་སུ་བརྟན་པར་བྱ། །སེམས་ནི་ནམ་མཁའི་པདྨར་མིན། །ཐམས་ཅད་རྒྱུད་ལས་རྙེད་དཀའ་བའི། །
D420.080.0082a02.01ཤེས་རབ་ཡེ་ཤེས་བདག་གིས་བཤད། །ཤེས་རབ་མྱ་ངན་འདས་ཞེས་བཤད། །ཡེ་ཤེས་སྲིད་པ་ཞེས་བྱར་དྲན། །འཁོར་བ་དེ་ནི་མཆོག་དགའ་བ། །མྱ་ངན་འདས་པ་དགའ་བྲལ་དྲན། །ཡང་ན་མྱ་ངན་འདས་གྲགས་པ། །སངས་རྒྱས་རིན་ཆེན་པདྨའི་སྣོད། །བུད་མེད་བྷ་གའི་ཕྱག་རྒྱའོ། །
D420.080.0082a03.01དེ་ནི་ཤེས་རབ་ཅེས་བྱར་དྲན། །ཡེ་ཤེས་སྣོད་ནི་ཡིན་པར་གྲགས། །ཐམས་ཅད་བདེ་བའི་མཆོག་གི་གནས། །ཁུ་བ་ཤེས་རབ་ཅེས་སུ་ཤེས། །ཡེ་ཤེས་བདེ་བ་ཞེས་སུ་དྲན། །དབང་བསྐུར་འོད་དུ་ཞུ་བར་འགྱུར། །ཡེ་ཤེས་དུས་ལས་གཞན་པའོ། །དེ་ནི་འགོག་པ་བཞི་པ་སྟེ། །རང་
D420.080.0082a04.01བཞིན་ཡེ་ཤེས་མཚན་ཉིད་དོ། །འོད་དང་སྟོབས་དང་སྤྲིན་དང་ཚུལ། །དབུགས་དང་ཨུཏྤལ་ས་དང་ལིད། །སྙིང་པོ་ཟླ་ཉི་མུན་པ་དང་། །མཆོག་དང་སྒྲ་དང་རོ་དང་གློག །དེ་ནི་བཅུ་དྲུག་ཤེས་པར་བྱ། །བདེ་བའི་ཐིག་ལེ་དྲི་མེད་དོ། །ཚངས་བུག་ནས་ནི་མགྲིན་གནས་སུ། །དེ་ཙམ་དུ་ནི་
D420.080.0082a05.01ཐིག་ལེ་བཞི། །དེ་ཡི་གནས་སུ་དགའ་བ་བཞི། །རོ་གཉིས་དང་ནི་ལྡན་པའོ། །མགྲིན་པ་ནས་ནི་སྙིང་གར་གནས། །ཡང་ནི་དེ་ཙམ་བཞི་ཡིན་ནོ། །མཆོག་གི་དགའ་བའི་བཞི་ཡིན་ཏེ། །རོ་གཉིས་དང་ནི་ལྡན་པའོ། །སྙིང་གའི་གནས་ནས་རིན་ཆེན་སྐེར། །ཡང་ནི་དེ་ཙམ་བཞི་ཡིན་ནོ། །
D420.080.0082a06.01དགའ་བྲལ་དགའ་བའི་བཞི་ཡིན་ཏེ། །རོ་གཉིས་དང་ནི་ལྡན་པའོ། །རིན་ཆེན་སྐེ་ནས་སྟེང་གི་གནས། །ཡང་ནི་དེ་ཙམ་བཞི་ཡིན་ནོ། །ལྷན་ཅིག་སྐྱེས་དགའ་བཞི་ཡིན་ཏེ། །རོ་གཉིས་དང་ནི་ལྡན་པའོ། །དགའ་བ་བཅུ་དྲུག་ཐིག་ལེ་སྟེ། །ཟླ་བའི་ཆ་རུ་རབ་ཏུ་དྲན། །ཨཱ་ལི་ཐིག་ལེར་ཤེས་པར་
D420.080.0082a07.01