完整藏文原文 · 德格版页 当前仅加载第 80 函德格 71a 版页；藏文 NFD、目录标记与异常页序保留在来源切片中，重复版页行以稳定序号区分。
གསུམ་དང་གསུམ་སྤངས་པ། །དེ་ཁོ་ན་ཉིད་རང་བཞིན་ཤར། །དེ་ནི་གསང་བ་ཆེན་པོའི་མཆོག །གསང་བའི་གསང་བ་ཡང་དག་མཆོག །འདུས་པ་ལ་སོགས་རྒྱུད་རྣམས་སུ། །ལེགས་དགྱེས་དབང་མོ་སྦས་པ་བྱ། །སྡོམ་པའམ་ནི་ཀྱེའི་རྡོ་རྗེ། །དེར་ཡང་གསལ་བར་མ་བྱས་སོ། །
D420.080.0071a01.01ཁྱོད་ཀྱི་ངོར་མཛད་མཆོག་དེ་ནི། །གསང་ཆེན་བདག་གིས་གསལ་བར་བྱས། །སངས་རྒྱས་བྱང་ཆུབ་སེམས་དཔའ་དང་། །གཞན་མ་ཤི་མེད་ཀུན་ཉོན་མོངས། །དེ་ལྟའི་མཆོག་གི་དེ་ཁོ་ན། །བདག་མིན་ན་ནི་དེ་མི་ཤེས། །གཞན་ཡང་ཆོས་ཀྱི་དབྱིངས་གྲགས་པ། །དེ་ཉིད་ཉོན་ཅིག་བདག་གིས་བཤད། །
D420.080.0071a02.01ནམ་མཁའ་ཆོས་ཀྱི་དབྱིངས་ཡིན་ཏེ། །དབྱིངས་ནི་ས་བོན་ཞེས་སུ་དྲན། །ཆོས་རྣམས་ཀུན་གྱི་ནང་ན་ཡོད། །རྒྱུ་དང་མཆོག་གི་གནས་ཡིན་ནོ། །ཇི་ལྟར་ཏིལ་ལ་མར་ཡོད་དང་། །ཇི་ལྟར་ཤིང་ལ་མེ་ཡོད་པ། །དེ་བཞིན་ཆོས་རྣམས་ཀུན་ལ་ཡང་། །ཆོས་ཀྱི་དབྱིངས་ཀྱིས་ཁྱབ་པར་ནི། །ཡོད་ན་ཡར་ནི་
D420.080.0071a03.01མཐོང་མི་འགྱུར། །ཆོས་ཀྱི་དབྱིངས་ནི་བྷ་གར་གྲགས། །བྷ་ག་རིན་ཆེན་སྣོད་ཡིན་ནོ། །དབང་ཕྱུག་ལ་སོགས་ཡོན་ཏན་ལྡན། །དེ་ནི་བྷ་གར་ཀུན་ཏུ་གྲགས། །ཆོས་ནི་བྷ་ག་ཞེས་བྱར་བསྟན། །དབྱིངས་ནི་སེམས་སུ་ཤེས་པར་དྲན། །ཁམས་གསུམ་གྱི་ནི་མཐའ་ཡས་ལ། །སེམས་ནི་དེ་ཡི་
D420.080.0071a04.01རྒྱུ་ཡིན་ནོ། །ཀུན་རྫོབ་རྣམ་པའི་གཟུགས་སུ་ནི། །ཆུ་ཟླ་ལྟ་བུ་མཐོང་བར་འགྱུར། །དོན་དམ་དེ་ནི་མཐོང་བ་མེད། །མཐོང་མེད་མ་ཡིན་དངོས་མེད་མིན། །རང་རིག་པ་ནི་མཆོག་ཞི་བ། །དངོས་དང་དངོས་མེད་དང་བྲལ་བ། །དེ་ནི་མཆོག་གི་དེ་ཁོ་ན། །ཆོས་ཀྱི་དབྱིངས་བདག་ཞི་བའོ། །དཔལ་
D420.080.0071a05.01ཕྱག་རྒྱ་ཆེན་པོའི་ཐིག་ལེ་ལས་ཨཱ་ལི་ཀཱ་ལི་འབྱུང་བ་དང་དུས་ཀྱི་མཚན་ཉིད་དང་། ཆོས་ཀྱི་དབྱིངས་བསྟན་པ་ཞེས་བྱ་བའི་ལེའུ་སྟེ་དྲུག་པའོ།། །།གཞན་ཡང་ཉོན་ཅིག་བདག་གིས་བཤད། །ཇི་བཞིན་རྡོ་རྗེའི་མཚན་ཉིད་ཅན། །མི་ཕྱེད་རྡོ་རྗེ་ཞེས་སུ་བསྟན། །ཡེ་ཤེས་ལྔ་ཡི་བདག་
D420.080.0071a06.01ཉིད་མཆོག །ནམ་མཁའ་ལྔ་ཡི་དབུས་སུ་ཐིམ། །ནམ་མཁའ་ལྔ་ཡི་བདག་ཉིད་དོ། །པདྨའི་ལྟེ་བའི་ནང་ན་བཞུགས། །ཐིག་ལེ་གཅིག་པུ་ཡི་གེ་མེད། །རྣམ་པ་ཐམས་ཅད་རྣམ་པ་མེད། །དེ་ནི་རྡོ་རྗེར་ཀུན་ཏུ་གྲགས། །བདག་གི་སྒྲ་ཡི་ངེས་པའི་དོན། །ཉོན་ཅིག་བདག་གིས་དེ་ཉིད་བཤད། །
D420.080.0071a07.01