完整藏文原文 · 德格版页 当前仅加载第 80 函德格 74b 版页；藏文 NFD、目录标记与异常页序保留在来源切片中，重复版页行以稳定序号区分。
ཐིག་ལེ་ལས། དཀྱིལ་འཁོར་དང་། ལྷ་མོ་དང་། གནས་དང་། དུར་ཁྲོད་དང་། ཤིང་དང་། མཆོད་པ་ཞེས་བྱ་བའི་ལེའུ་སྟེ་བཅུ་པའོ།། །།ཉོན་མོངས་ཐམས་ཅད་མེད་བྱེད་པ། །ཉོན་ཅིག་སྦྱིན་སྲེག་བདག་གིས་བཤད། །ལྟེ་བའི་གནས་ན་ཚུལ་ཡོད་པ། །ཚུལ་གྱིས་མཐའ་ན་གསང་པད་དོ། །དེ་རུ་རང་
D420.080.0074b01.01འབར་གྱི་ནི་རླུང་། །བསྐོར་བ་བྱས་ནས་ངལ་སོ་སྟེ། །དབང་པོ་གཉིས་ཤིང་སྦྱོར་བ་ཡིས། །རླུང་གིས་མེ་ནི་སྦར་བའོ། །མར་ཡོད་པ་ནི་སྟེང་འཁོར་ལོ། །དེ་ནི་མར་སྣོད་ཅེས་སུ་དྲན། །ཧ་ནི་བླུགས་གཟར་ཞེས་སུ་བཤད། །དགང་གཟར་འདི་རུ་རྡོ་རྗེར་བསྟན། །ཧོ་མ་ཁུང་བྷ་ག་ཞེས་སུ་བཤད། །འབྲུ་ནི་དབང་པོ་
D420.080.0074b02.01ལྔ་རུ་དྲན། །ཡམ་ཤིང་ཕུང་པོ་ཞེས་བྱར་བསྟན། །བྱང་ཆུབ་སེམས་ནི་མར་དུ་བསྲེག །མར་ངོ་ཡི་ནི་མན་ཆད་དུ། །ཉ་ལ་ཐུག་ནས་གཤེགས་སུ་གསོལ། །ཐིག་པ་ཕྱེད་ཙམ་དགང་གཟར་ལས། །ཧོམ་ཁུང་ཕྱི་རོལ་ཡང་མི་བྱ། །སངས་རྒྱས་བྱང་ཆུབ་སེམས་དཔའ་དང་། །ལྷ་དང་ལྷ་མིན་སྲིན་པོ་དང་། །
D420.080.0074b03.01འཇིག་རྟེན་སྐྱོང་བ་བརྒྱད་རྣམས་ལ། །བསྲེག་བྱ་ཡིས་ནི་རབ་ཚིམ་བྱ། །མཆོད་པ་གང་ཞིག་རྡོར་སེམས་ལ། །བསྲེག་རྫས་གང་བས་དབུལ་བར་བྱ། །ཧཱུྃ་ཕཊ་རྣམ་པའི་སྔགས་ཀྱིས་ནི། །མཁས་པས་བསྲེག་རྫས་སྦྱིན་པར་བྱ། །དེ་ཡིས་མཁའ་འགྲོ་མ་རྣམས་དང་། །གཞན་ཡང་རྣལ་འབྱོར་མ་མོ་མཉེས། །
D420.080.0074b04.01གང་ཞིག་ཡིད་ལ་ཅི་བསམས་པ། །དངོས་གྲུབ་ཆེན་པོ་མཐའ་ཡས་སྟེར། །རེ་བ་ཐམས་ཅད་འགྲུབ་བྱེད་པ། །དེ་ལྟའི་སྦྱིན་སྲེག་བདག་གིས་བཤད། །དཔལ་ཕྱག་རྒྱ་ཆེན་པོའི་ཐིག་ལེ་ལས་དོན་དམ་པའི་སྦྱིན་སྲེག་གི་ཆོ་ག་ཞེས་བྱ་བའི་ལེའུ་སྟེ་བཅུ་གཅིག་པའོ།། །།བདུད་རྩི་ལྔ་ཡི་ཆོ་གའི་རབ། །
D420.080.0074b05.01མདོར་བསྡུས་པ་ནི་བདག་གིས་བཤད། །རྣམ་སྣང་མི་བསྐྱོད་དོན་ཡོད་གྲུབ། །དཔག་མེད་རིན་འབྱུང་ཞེས་ལྔར་བསྟན། །རིན་ཆེན་འབྱུང་ལྡན་ཁྲག་ཅེས་བསྟན། །སྣང་བ་མཐའ་ཡས་ཁུ་པར་བརྗོད། །དོན་ཡོད་གྲུབ་པ་ཤ་ཆེན་ཏེ། །མི་བསྐྱོད་པ་ནི་རྡོ་རྗེ་ཆུའོ། །རྣམ་པར་སྣང་མཛད་དྲི་ཆེན་བཤད། །དེ་ནི་
D420.080.0074b06.01བདུད་རྩི་ལྔ་ཡིན་ནོ། །དབེན་དང་མི་མེད་དགྱེས་པ་ཡི། །གནོད་པ་ཐམས་ཅད་དང་བྲལ་བའི། །དེ་རུ་ཁང་པ་རབ་ཏུ་བྱ། །ཉིས་བརྩེགས་དང་ནི་སྒོ་དང་ལྡན། །གཅིག་ནི་ས་ཡི་འོག་ཏུ་བྱ། །དེ་ཡི་སྟེང་ནི་གཉིས་པའོ། །འཇིག་རྟེན་པ་ཡིས་གཅིག་ཏུ་ཤེས། །དེ་ལྟར་མཁས་པས་ཁང་པར་བྱ། །རེ་ཞིག་བསྒྲུབ་
D420.080.0074b07.01