完整藏文原文 · 德格版页 当前仅加载第 80 函德格 70b 版页；藏文 NFD、目录标记与异常页序保留在来源切片中，重复版页行以稳定序号区分。
ཏུ་དུས་དང་ངན་དུས་དང་། །སྣ་ཡི་འཕར་མ་བུ་ག་གཉིས། །འོང་བ་དེ་ནི་བཟང་དུས་བསྟན། །འགྲོ་བ་བཟང་མིན་དུས་སུ་བཤད། །བཟང་བ་མིན་དུས་ཆད་ཅེས་བྱ། །བཟང་བ་དེ་ནི་མཆོག་ཏུ་དྲན། །གཉི་ག་དང་བྲལ་དེ་ཁོ་ཉིད། །དེ་ནི་སྔར་མེད་འདི་རུ་འདུས། །ལྟ་བ་མེད་དང་བལྟ་རུ་མེད། །མཚན་
D420.080.0070b01.01ངན་ཐམས་ཅད་དང་བྲལ་ལོ། །དེ་ལྟའི་དུས་ནི་བདག་གིས་གཞན། །ཞལ་བཟང་ཡང་དག་བཤད་པ་ཡིན། །དེ་ཡི་དུས་སུ་གཞན་དུ་ཡིད། །རྣལ་འབྱོར་པ་དེ་མི་བགྱིད་ན། །དམ་ཚིག་དབང་མོ་བདག་ཇི་ལྟར། །གཞན་མིན་རྡོ་རྗེ་འཛིན་པར་འགྱུར། །ཨཱ་ལི་ཀཱ་ལི་གང་ནས་འབྱུང་། །ཉོན་
D420.080.0070b02.01ཅིག་དེ་ནི་བདག་གིས་བཤད། །ཡང་དག་དྲི་མེད་གནས་ནས་འབྱུང་། །སྣང་བ་མཆེད་པའི་གཟུགས་ཅན་ནོ། །དཔེ་བྱད་སུམ་ཅུ་གསུམ་དང་ལྡན། །ཀཱ་ལིའི་དཀྱིལ་འཁོར་ཤིན་ཏུ་གསལ། །སྣང་བ་མཆེད་པའི་གནས་ནས་ཏེ། །སྣང་བ་དེ་ནི་གསལ་བར་འབྱུང་། །དབྱངས་ཀྱི་ཡི་གེ་བཅུ་དྲུག་ལྡན། །རྒྱས་
D420.080.0070b03.01པ་ཨཱ་ལིའི་དཀྱིལ་འཁོར་རོ། །དེ་གཉིས་མཉམ་པར་སྦྱོར་བ་ཡིས། །དལ་བུས་རོ་ཆེན་སྐྱེ་བར་འགྱུར། །མཆོག་གི་བདུད་རྩི་རྣམ་པ་ནི། །བདེ་བ་ཆེན་པོའི་བདེ་བའི་གནས། །རིག་མའི་སྣ་རྩེའི་གནས་ན་བཞུགས། །ཆུ་སྐྱེ་འཁོར་ལོ་དྲུག་གསལ་བྱེད། །དེ་ཡི་རེག་བྱ་བདེ་སྦྱིན་པ། །རོ་ཆེན་བརྒྱད་ནི་ཤེས་པར་
D420.080.0070b04.01བྱ། །འདར་དང་རྡུལ་དང་བ་སྤུ་ལངས། །སྐད་འགག་པ་དང་མདོག་གསལ་དང་། །ཁ་དོག་འགྱུར་ཞིང་མཆི་མ་མྱོས། །དེ་ནི་སྙིང་པོའི་རོ་བརྒྱད་དོ། །རོ་ཡིས་དགུག་བྱས་དགའ་བ་རྣམས། །ཤིན་ཏུ་བཟང་པོ་སྐྱེ་བར་འགྱུར། །དགའ་དང་མཆོག་གི་དགའ་བ་དང་། །དགའ་བྲལ་ལྷན་སྐྱེས་དེ་བཞིན་ནོ། །
D420.080.0070b05.01དགའ་བ་ཞེས་བྱ་སྣང་བ་ཡིན། །མཆོག་དགའ་སྣང་བ་མཆེད་པར་བསྟན། །དགའ་བྲལ་སྣང་བ་ཐོབ་ཅེས་བྱ། །ལྷན་སྐྱེས་དེ་ནི་ཡང་དག་འོད། །དེ་ཡི་དུས་ན་སྐད་ཅིག་སྐྱེ། །སྣ་ཚོགས་ལ་སོགས་མཚན་ཉིད་དོ། །སྣང་བ་ཟླ་བ་ཞེས་སུ་བསྟན། །སྣང་བ་མཆེད་པ་ཉི་མའོ། །མཚམས་ནི་སྣང་བ་ཐོབ་པར་
D420.080.0070b06.01གྲགས། །གསུམ་དང་བྲལ་བ་ཡང་དག་འོད། །གང་ཆེ་མདུད་པའི་ནང་དུ་སེམས། །དེ་ཚེ་དགའ་བ་འབྱུང་བར་འགྱུར། །མདུད་པའི་མཚམས་ནས་ནས་གསུམ་ཙམ། །མཆོག་གི་དགའ་བ་འབྱུང་བར་འགྱུར། །གསུམ་གྱི་གནས་ནས་གསུམ་དུ་འགྲོ། །དགའ་བྲལ་འབྱུང་བར་འགྱུར་བའོ། །གང་ཞིག་
D420.080.0070b07.01