完整藏文原文 · 德格版页 当前仅加载第 80 函德格 84a 版页；藏文 NFD、目录标记与异常页序保留在来源切片中，重复版页行以稳定序号区分。
བྱ། །སློབ་མ་དེ་ཡི་ཐིག་ལེ་བ། །བུ་མོ་ལ་ཡང་དེ་ལྟར་རོ། །ཤ་ཆེན་ལ་སོགས་ཀྱིས་གང་བའི། །གཏོར་མ་ཕྱོགས་བཞིར་གཏང་བར་བྱ། །ཚོགས་ལ་འབད་དེ་མཆོད་པ་བྱ། །མེད་ན་ཡང་ནི་འབད་པས་སོ། །སྔགས་བཏུབ་ཡི་དུས་སུ་ན། །འབད་དེ་བླ་མ་མཆོད་
D420.080.0084a01.01པར་བྱ། །བླ་མ་དགྱེས་ན་སྔགས་རྒྱལ་ནི། །ཐེ་ཚོམ་མེད་པར་ཐོབ་པར་འགྱུར། །དེ་ལྟར་མིན་ན་སྐྱོན་ཡོད་དེ། །སྔགས་ཀྱང་ཐོབ་པར་མི་འགྱུར་རོ། །རྡོ་རྗེ་ཕྲེང་བས་བསྐོར་བ་ཡིས། །འདབ་མ་བརྒྱད་པའི་པདྨ་བྲི། །དབུས་སུ་ཀྵ་ཡི་ས་བོན་ནི། །རྡོ་རྗེ་སེམས་དཔའི་རང་བཞིན་
D420.080.0084a02.01ཅན། །ཨཱ་ལི་ཀཱ་ལི་མཉམ་སྦྱར་ནས། །ཐུབ་པ་བདུན་ནི་བཏུ་བར་བྱ། །དང་པོར་རྣམ་པར་སྣང་མཛད་བྲི། །ལྔ་བ་ཡི་ནི་ལྔ་པ་དང་། །ཨུཥྨ་ཡི་ནི་བཞི་པ་དང་། །བཅུ་དྲུག་པ་ཡི་གཉིས་པར་ལྡན། །དང་པོ་ཡི་ནི་དང་པོ་དང་། །མེ་ཡིས་འོག་ཏུ་བརྒྱན་པའོ། །དབྱངས་ཡིག་
D420.080.0084a03.01བཅུ་གསུམ་པ་དང་ལྡན། །གཏི་མུག་ཐམས་ཅད་མཚོན་ཆའོ། །བཞི་པ་ཡི་ནི་བཞི་པ་དང་། །དབྱངས་ཡིག་བཅུ་གཅིག་པ་དང་ལྡན། །ཨུཥྨ་ཤ་ཡི་དང་པོ་དང་། །ཨནྟ་སྠ་ཡི་བཞི་པར་ལྡན། །དེ་ནས་མེ་ཡི་ས་བོན་དང་། །གཉིས་པ་ཡི་ནི་གསུམ་པ་དང་། །ཨནྟ་སྠ་ཡི་
D420.080.0084a04.01དང་པོ་དང་། །ཨནྟ་སྠ་ཡི་བཞི་པ་དང་། །དབྱངས་ཡིག་གསུམ་པ་དང་ལྡན་པ། །ཐམས་ཅད་ཀྱི་ནི་སྙིང་པོ་བཅོམ། །གཉིས་པ་ཡི་ནི་གསུམ་པ་དང་། །དེ་ནས་བརྒྱད་པའི་དང་པོ་དང་། །དབྱངས་ཡིག་གཉིས་པ་དང་ལྡན་པ། །ཡི་གེ་མཆོག་ཉིད་གནས་ཡིན་ནོ། །གསུམ་
D420.080.0084a05.01པ་ཡི་ནི་དང་པོ་དང་། །དེ་ཉིད་ཀྱི་ནི་འོག་ཏུ་བརྒྱན། །ཡང་ན་དེ་ཉིད་བྲི་བར་བྱ། །ཨུཥྨ་ཡི་ནི་བཞི་པ་དང་། །དབྱངས་ཡིག་གཉིས་པ་དང་ལྡན་པ། །རྡོ་རྗེ་སེམས་དཔའི་རང་བཞིན་ཅན། །ཨུཥྨ་ཡི་ནི་གསུམ་པ་དང་། །ལྔ་པ་ཡི་ནི་ལྔ་པ་དང་། །ཨུཥྨ་ཡི་ནི་བཞི་པ་དང་། །དབྱངས་ཡིག་
D420.080.0084a06.01གཉིས་པས་བརྒྱན་པའོ། །དང་པོ་ཡི་ནི་དང་པོ་དང་། །ཨནྟ་སྠ་ཡི་གསུམ་པ་དང་། །ལྔ་པ་ཡི་ནི་དང་པོ་དང་། །དབྱངས་ནི་གཉིས་པས་བརྒྱན་པའོ། །དང་པོ་ཡི་ནི་གསུམ་པ་དང་། །ཉི་ཤུ་བ་ཡིས་བརྒྱན་པའོ། །དབྱངས་ཡིག་གསུམ་པ་དང་ལྡན་པ། །ཁྲོ་བོ་ཡི་ནི་
D420.080.0084a07.01