完整藏文原文 · 德格版页 当前仅加载第 80 函德格 78a 版页；藏文 NFD、目录标记与异常页序保留在来源切片中，重复版页行以稳定序号区分。
སྨན་ནག་པོའམ་ནམ་མཁའ་འདྲ། །རྩེ་གསུམ་རྣམ་པ་ཕྲ་བ་རུ། །གདུག་པའི་ལས་ལ་རྟག་ཏུ་དགའ། །དུར་ཁྲོད་རྟག་ཏུ་འགྲོ་བ་དང་། །འཇིགས་པ་མེད་ཅིང་སྙིང་བརྩེ་མེད། །དེ་ལ་ཁྱིམ་དུ་མཆོད་པ་ནི། །ཆང་ལ་སོགས་པས་མཆོད་བྱེད་པ། །ཧེ་རུ་ཀ་དཔལ་རིགས་འབྱུང་བའི། །
D420.080.0078a01.01མཁའ་འགྲོ་ཡིན་པར་གདོན་མི་ཟ། །སར་པ་སྤྲིན་གྱི་མདོག་འདྲ་བ། །གཡོན་གྱི་མཆེ་བ་གཙིགས་པ་དག །དེ་ཡི་ཁྱིམ་དུ་དགྲ་སྟ་ནི། །འདྲི་ཞིང་རྟག་ཏུ་མཆོད་བྱེད་པ། །ཧེ་རུ་ཀ་དཔལ་རིགས་འབྱུང་བའི། །མཁའ་འགྲོ་མར་ནི་ཐེ་ཚོམ་མེད། །མཁའ་འགྲོ་མ་ནི་ཐམས་ཅད་ཀྱི། །མདོག་དང་མཚན་མ་
D420.080.0078a02.01རིགས་འབྱུང་བ། །མདོར་བསྡུས་པ་ནི་འདི་རུ་བཤད། །རྒྱས་པར་ཡེ་ཤེས་སྙིང་པོར་རོ། །དཔལ་ཕྱག་རྒྱ་ཆེན་པོའི་ཐིག་ལེ་ལས་མཁའ་འགྲོ་མའི་གཟུགས་དང་། མཚན་ཉིད་དང་། རིགས་འབྱུང་བ་ཞེས་བྱ་བའི་ལེའུ་སྟེ་{བཅྭ་,བཅོ་}ལྔ་པའོ།། །།གང་ཞིག་གཞན་མིན་བདག་ཉིད་བཞུགས། །
D420.080.0078a03.01ཉོན་ཅིག་དཀྱིལ་འཁོར་རྒྱལ་དབང་བ། །ཧཱུྃ་གི་རྣམ་པའི་རྣམ་པ་ཅན། །བདག་ཉིད་ཧཱུྃ་གི་དངོས་པོ་ཡིན། །ཧཱུྃ་གི་རྣམ་པ་ལས་གཟུགས་འབྱུང་། །མཚན་དང་དཔེ་བྱད་ལྡན་པ་དག །ཉི་མའི་དཀྱིལ་འཁོར་སྟེང་ན་བཞུགས། །ཉི་མ་བྱེ་བའི་འོད་དང་མཉམ། །ཁྱོད་དང་ལྷན་ཅིག་སྦྱོར་བ་ཡིས། །
D420.080.0078a04.01ཆུ་སྐྱེས་སྔོན་པོའི་གཟུགས་དང་ལྡན། །ཞལ་བཞི་སྤྱན་གསུམ་ཕྱག་བརྒྱད་དེ། །གཡས་བརྐྱང་བས་ནི་གནས་ན་བཞུགས། །རྡོ་རྗེ་དྲིལ་བུ་ཉི་ཟླ་དང་། །མདའ་གཞུ་དག་ནི་འགེངས་པ་དང་། །ཁ་ཊྭཱྃ་ག་དང་ཀ་པཱ་ལ། །ཁྲག་ཆེན་པོ་ཡིས་གང་བའོ། །བདེ་བའི་གནས་སུ་བདག་དང་ཁྱེད། །
D420.080.0078a05.01ལེགས་དགྱེས་དགྱེས་པར་རོལ་བགྱིད་དེ། །དེ་ནས་དང་པོའི་རོ་ལས་ནི། །སྤྲོས་ནས་རྡོ་རྗེ་རོ་ལངས་མ། །གཟུགས་གནག་པ་ལ་ཕྱག་བཞི་བ། །མདའ་གཞུ་ལག་ན་འགེངས་པ་དང་། །ཆུ་སྲིན་གཡས་ན་ཐོགས་པ་དང་། །ཀ་པཱ་ལ་དང་ཁ་ཊྭཱྃ་ག། །གཡོན་གྱི་ལག་ན་ཐོགས་པ་སྟེ། །ཤར་
D420.080.0078a06.01གྱི་སྒོ་ན་གནས་པ་སྟེ། །ཡང་ནི་བསྲུབ་ཐབས་སྦྱོར་བ་ཡིས། །གཉིས་པ་ཡི་ནི་རོ་ལས་ནི། །རྡོ་རྗེ་དྲ་བ་འཕྲོས་པ་ནི། །གཅེར་བུ་དང་ནི་སྤྱན་གསུམ་པ། །མདོག་དམར་ལག་ན་ཉ་ཐོགས་ཏེ། །བྱང་གི་སྒོ་ཡི་གནས་ན་བཞུགས། །ཡང་ནི་རོ་ནི་གསུམ་པ་ལས། །རྡོ་རྗེ་རྩེ་མོ་སྤྲོས་པ་ནི། །
D420.080.0078a07.01