完整藏文原文 · 德格版页 当前仅加载第 80 函德格 85a 版页；藏文 NFD、目录标记与异常页序保留在来源切片中，重复版页行以稳定序号区分。
པས་བརྒྱན་པའོ། །ཨུཥྨ་ཡི་ནི་བཞི་པ་དང་། །དབྱངས་ཡིག་དྲུག་པ་དང་ལྡན་པ། །ཟླ་ཚེས་ཐིག་ལེས་བརྒྱན་པའོ། །ཡང་ན་དེ་ཉིད་བྲིས་པ་ནི། །གཞན་གྱི་སྔགས་ནི་འཇོམས་པའོ། །ལྔ་པ་ཡི་ནི་གཉིས་པ་དང་། །དེ་ནས་གསུམ་པའི་དང་པོ་དང་། །
D420.080.0085a01.01ཨུཥྨ་ཡི་ནི་གསུམ་པ་དང་། །ཨནྟ་སྠ་ཡི་བཞི་པར་ལྡན། །དབྱངས་ཡིག་གཉིས་པར་ལྡན་པ་ནི། །སྡུག་བསྔལ་ཐམས་ཅད་མེད་བྱེད་པ། །ཡ་ཡི་སྡེ་ཚན་བརྒྱད་པ་དང་། །དབྱངས་ཡིག་གཉིས་པ་དང་ལྡན་པའོ། །དངོས་གྲུབ་ཐམས་ཅད་འགྲུབ་པ་སྟེ། །ཁྱོད་ཀྱི་
D420.080.0085a02.01སྙིང་པོའི་སྔགས་རྒྱལ་ལོ། །དང་པོ་ལྷ་ཡི་བདག་པོ་དང་། །དེ་ནས་དང་པོའི་དང་པོ་དང་། །འོག་ཏུ་ས་ཡིག་དང་ལྡན་པ། །དབྱངས་ཡིག་གི་ནི་བཞི་པས་བརྒྱན། །ཟླ་ཚེས་ཐིག་ལེ་ཡིས་ནི་བརྒྱན། །ཐམས་ཅད་ཀུན་གྱི་བྱེད་པ་པོ། །ཨནྟ་སྠ་ཡི་བཞི་པ་དང་། །ས་ཡི་འོག་
D420.080.0085a03.01ཏུ་ལྡན་པ་དང་། །དབྱངས་ཡིག་གི་ནི་བཞི་པ་ལྡན། །ཟླ་ཚེས་ཐིག་ལེ་ཡིས་ནི་བརྒྱན། །གཉིས་པ་ཡི་ནི་གསུམ་པ་དང་། །ས་ཡི་ཡི་གེ་འོག་ཏུ་ལྡན། །དབྱངས་ཡིག་བཞི་པ་དང་ལྡན་པ། །ཟླ་ཚེས་ཐིག་ལེས་བརྒྱན་པའོ། །ལྔ་པ་ཡི་ནི་གཉིས་པ་དང་། །གསུམ་པ་
D420.080.0085a04.01ཡི་ནི་དང་པོ་དང་། །སྭཱ་ཧཱ་ཐ་མར་ལྡན་པ་ནི། །ཁྱོད་ཀྱི་ཉེ་བའི་སྙིང་པོའོ། །དེ་ནི་སྔགས་ཀྱི་གསང་ཆེན་པོ། །སུ་ལ་ཡང་ནི་མི་སྦྱིན་ཏེ། །ལྷ་མོ་དེ་བཞིན་མན་ངག་འདི། །སུ་ལ་ཡང་ནི་མི་སྦྱིན་ནོ། །བྱེ་བ་འབུམ་གྱི་ནང་ནས་གཅིག །དེ་ནི་མན་ངག་གི་ནི་སྣོད། །སྔགས་
D420.080.0085a05.01སམ་ཡང་ན་མན་ངག་འདི། །བརྟག་པར་བྱས་ཏེ་དེ་ནས་སྦྱིན། །བསྐལ་པ་བྱེ་བ་བརྒྱ་ཡིས་ཀྱང་། །དེ་ལྟར་མིན་ན་འགྲུབ་པ་མེད། །བླ་མའི་ཁ་ལས་མན་ངག་འདི། །ལེགས་དགྱེས་དབང་མོ་རྙེད་པར་འགྱུར། །བསྟན་བཅོས་ལུང་ལས་ཡང་དག་ནི། །ནམ་ཡང་རྙེད་
D420.080.0085a06.01པར་མི་འགྱུར་རོ། །མན་ངག་དོན་དུ་བླ་མ་མཆོག །ཡང་དང་ཡང་དུ་ཞུ་མི་བྱ། །བླ་མ་མཉེག་ན་ཡང་དག་ཉིད། །མན་ངག་དེ་ལ་སྦྱིན་པར་བྱེད། །ཇི་ལྟར་བུ་མོ་ལང་ཚོ་བབ། །ཕ་ལ་ཞུ་བར་མི་བྱེད་ན། །ཕ་རང་ཉིད་ཀྱིས་ཤེས་ནས་ནི། །ད་ནི་བུ་མོ་སྦྱིན་དུས་སྙམ། །
D420.080.0085a07.01