完整藏文原文 · 德格版页 当前仅加载第 80 函德格 75b 版页；藏文 NFD、目录标记与异常页序保留在来源切片中，重复版页行以稳定序号区分。
དང་། །ཡང་ན་བཅུ་ནི་མར་གྱི་ངོ་། །མདུང་རྩེ་ཡང་ན་རལ་གྲིས་བསད། །རིགས་ལྔའི་ནང་ན་རིགས་གཅིག་གོ། །ན་ཚ་མེད་དང་བདེ་བ་འགྲུབ། །གཟུགས་དང་ལང་ཚོ་ལྡན་པ་དང་། །སྐྱེ་བ་བདུན་ནམ་ཡང་ན་གསུམ། །སྒྲུབ་པའི་གྲོགས་ཀྱིས་ཁྱེར་ནས་འོང་། །སྣ་ཚོགས་མཆོད་སྦྱིན་མཆོད་པ་ཡིས། །རྩེ་
D420.080.0075b01.01གཅིག་གིས་ནི་མཆོད་པར་བྱ། །དེ་ཡི་ཡན་ལག་རབ་ནི་བླང་། །པདྨའི་སྣོད་ནི་དེ་ལ་བྱ། །ཤེས་རབ་དང་ལྡན་ཐབས་ཀྱིས་ནི། །དེ་ཡི་སྣོད་དུ་ཆང་བཏུང་བྱ། །སྟོབས་ཆེན་རང་ཉིད་ཅུང་ཟད་ཙམ། །དངོས་གྲུབ་འགྲུབ་ཕྱིར་བཟའ་བར་བྱ། །པདྨའི་སྣོད་དུ་བསྲུབས་པ་ལས། །ཅུང་ཟད་འབད་དེ་གཞག་པར་བྱ། །
D420.080.0075b02.01གཞན་མ་སྨན་གྱིས་འབད་དེ་ནི། །གྲོགས་ཀྱི་དབང་པོས་བཙོ་བར་བྱ། །ར་ཡི་འོ་མ་ཏི་ལ་མར་དང་། །མར་ནི་ཤ་ཀ་ར་དང་བཅས། །ཁ་ར་ལ་སོགས་མཉམ་པའི་ཆ། །སྟོབས་ནི་ལྔ་རུ་གྱུར་དྲན་པའོ། །ཁ་རུ་ཚ་དང་ཚ་བ་གསུམ། །སུག་སྨེལ་ནཱ་ག་གེ་སར་དང་། །ཛཱ་ཏི་ཕ་ལ་དྭ་ཚ་དང་། །ག་བུར་རིམ་
D420.080.0075b03.01པར་ཆེ་བར་བྱ། །ཤིན་ཏུ་འཇམ་པའི་དྲི་མེད་སྣོད། །ཨ་ག་རུ་སོགས་ཀྱིས་བདུག་བྱ། །འབད་དེ་གཞན་གྱི་སྣོད་དུ་བཙོ། །བདུག་པ་བྱས་པར་གཞག་པར་བྱ། །ཉི་མ་བདུན་གྱི་བར་དུ་ནི། །སྟོབས་ཆེན་སཱ་ལུ་བཟའ་བར་བྱ། །དེ་ནི་ཟོས་པ་ཙམ་གྱིས་ནི། །གང་ཞིག་མི་བསྐྱོད་སྔར་འོང་འགྱུར། །དེ་ནི་
D420.080.0075b04.01པདྨའི་སྣོད་དུ་བླང་། །སྟེང་དང་འོག་ནི་མཁས་པས་བོར། །ཐོ་རངས་ཅུང་ཟད་ཙམ་ནི་བཏུང་། །ཅུང་ཟད་ཙམ་ནི་སྣོད་དུ་བཞག །ཤེས་རབ་ཐབས་ཀྱི་གཉིས་འབྱུང་བ། །དེ་ཡི་སྣང་མཛད་འདུས་པ་ནི། །རྣལ་འབྱོར་པ་ཡིས་རྩེ་གཅིག་བྱ། །རྣལ་འབྱོར་གྲོགས་པོའི་སྒྲུབ་པའོ། །འབྲས་བུ་ཨུར་ཤིང་མན་
D420.080.0075b05.01ཤིང་དང་། །ཏི་ཀར་ཀུ་ཏ་པུས་ཀར་མ། །འོ་མ་དང་ནི་ཆང་རོར་ལྡན། །རྩེ་གཅིག་གིས་ནི་བཙོ་བ་ནི། །ལྕགས་ཀྱི་སྣོད་དུ་བཙོ་བར་བྱ། །མ་རྙེད་ན་ནི་རྫ་སྣོད་དུ། །དག་པའི་རིགས་ཀྱི་མེ་ཏོག་གིས། །ཉི་མ་བདུན་དུ་བདུག་པར་བྱ། །དེ་ནས་སྙིང་པོའི་སྨན་དེ་ནི། །རིམ་པས་ཆེ་བར་བླུག་པར་བྱ། །ལི་ཤི་ག་བུར་
D420.080.0075b06.01ལ་ཏ་དང་། །གླ་རྩི་ཙནྡན་ཛཱ་ཏི་དང་། །ཛཱ་ཏི་ཕ་ལ་སུག་སྨེལ་དང་། །དྭ་ཚ་ཚ་བ་གསུམ་དང་རོ། །དཀར་པོའི་ཤ་ཀར་དང་ལྡན་པའི། །མར་དང་བཅས་ནས་བཙོ་བར་བྱ། །མེ་ནི་འཇམ་པར་སྨིན་པ་ཡིས། །གྲོགས་ཀྱི་དབང་པོས་བཙོ་བར་བྱ། །ཨ་ག་རུ་སོགས་ཀྱིས་བདུག་གིས། །རྡོ་ཡི་སྣོད་དུ་གཞག་པར་
D420.080.0075b07.01