完整藏文原文 · 德格版页 当前仅加载第 80 函德格 66b 版页；藏文 NFD、目录标记与异常页序保留在来源切片中，重复版页行以稳定序号区分。
དེ་རུ་ལྷ་མོ་ཅི་འདྲ་བ། །ལྷ་མོ་བགྱི་བ་གང་ལ་གསུངས། །བཅོམ་ལྡན་དུར་ཁྲོད་དུ་ཞིག་མཆིས། །དེ་རུ་ཤིང་ནི་ཇི་ལྟར་བཤད། །དུར་ཁྲོད་དང་ནི་ཤིང་རྣམས་ནི། །རྒྱལ་བའི་དབང་ཕྱུག་དེ་དག་གསུངས། །མགོན་པོ་ནང་གི་སྦྱིན་སྲེག་དང་། །བདུད་རྩི་ལྔ་ཡི་ཆོ་ག་དང་། །རྣལ་འབྱོར་མ་ཡི་འདུས་
D420.080.0066b01.01གནས་དང་། །དེ་རུ་སྐད་ནི་ཇི་ལྟ་བུ། །བདག་ཉིད་ཀྱི་ནི་རང་ངོ་བོ། །མགོན་པོ་ཆེན་པོ་ཁྱོད་ཀྱིས་གསུངས། །དཔལ་ཕྱག་རྒྱ་ཆེན་པོའི་ཐིག་ལེ་ལས་རྒྱུད་ཐམས་ཅད་ཀྱི་རྒྱུ་ཞེས་བྱ་བའི་ལེའུ་སྟེ་དང་པོའོ།། །།བཅོམ་ལྡན་འདས་ཀྱིས་བཀའ་སྩལ་པ། །དྲིས་པ་ཡང་དག་གཏིང་དཔག་དཀའ། །སྙིང་
D420.080.0066b02.01པོ་ཡི་ནི་སྙིང་པོ་མཆོག །སངས་རྒྱས་ཀུན་གྱི་གསང་ཆེན་པོ། །མཆོག་ལས་མཆོག་གི་ཡང་དག་མཆོག །ལྷ་ཆེན་པོ་ནི་ལ་སོགས་དང་། །བཟང་མོ་དེ་རུ་བྱོལ་སོང་ཡིན། །དོན་དམ་དེ་ནི་ཁྱོད་གཅིག་པུ། །ཞལ་བཟང་མོ་ནི་སྣོད་ཡིན་ནོ། །གསང་བའི་གསང་བ་ཡང་དགར་བ། །ཉོན་ཅིག་ཡང་དག་
D420.080.0066b03.01བདག་གིས་བཤད། །དང་པོ་རེ་ཞིག་སློབ་མ་ལ། །དབང་རྣམས་ལན་ཅིག་བསྐུར་བ་ཡིས། །དེ་ཚེ་གསང་ཆེན་བཤད་པ་ཡི། །ངེས་པར་སྣོད་དུ་གྱུར་པའོ། །དབང་མེད་ན་ནི་དངོས་གྲུབ་མེད། །བྱེ་མ་བཙིར་ཡང་མར་མེད་ལྟར། །གང་ཞིག་རྒྱུད་ལུང་ང་རྒྱལ་གྱིས། །དབང་བསྐུར་མེད་ལ་གསལ་
D420.080.0066b04.01བྱེད་པ། །སློབ་དཔོན་སློབ་མ་ཤི་མ་ཐག །དངོས་གྲུབ་ཐོབ་ཀྱང་དམྱལ་བར་འགྲོ། །དེ་བས་འབད་པ་ཐམས་ཅད་ཀྱིས། །བླ་མ་ལ་ནི་དབང་དོན་ཞུ། །དབང་བསྐུར་ཡོད་དང་དེ་ཉིད་ཤེས། །ཡེ་ཤེས་དང་ནི་ཐུགས་རྗེ་ཆེ། །ཡང་དག་རླབས་ཆེ་དཔའ་བོ་དང་། །སེར་སྣ་མེད་དང་རང་བཞིན་བཟང་། །སྐལ་
D420.080.0066b05.01ལྡན་མཚན་ཉིད་ཐམས་ཅད་རྫོགས། །ཕྲག་དོག་ཡུལ་ནི་རྣམ་པར་སྤངས། །རྟག་ཏུ་དགའ་བའི་ཡིད་ལྡན་པ། །འདོད་ཆགས་ཆེན་པོ་གཅིག་པུའི་ཡིད། །སྡོམ་པ་དེ་ནི་ཤེས་པ་ན། །བླ་མ་དེ་ལྟ་བུ་ལ་བྱ། །དེ་ལྟ་བུ་ཡི་བླ་མ་ཡིས། །འབད་པས་སློབ་མ་བརྟག་པར་བྱ། །ཇི་ལྟར་བསྲེགས་ལ་སོགས་པས་
D420.080.0066b06.01གསེར། །ཇི་ལྟར་མཁས་པས་རིན་པོ་ཆེ། །ཇི་ལྟར་བདེ་ལྡན་བུ་མོ་ནི། །དེ་ལྟར་སློབ་མ་བརྟག་པར་བྱ། །དེ་བས་ཐམས་ཅད་རབ་འབད་དེ། །ཕན་ཚུན་སོ་སོར་བརྟག་པར་བྱ། །དེ་ལྟ་མིན་ན་སྐྱོན་དུ་འགྱུར། །ནམ་ཡང་དངོས་གྲུབ་ཐོབ་མི་འགྱུར། །ཇི་ལྟར་དུག་ལ་རབ་སྔགས་ཀྱིས། །དག་པ་བྱས་ན་
D420.080.0066b07.01